ავტორი: ბესო ხვედელიძე სერია: რჩეული მოთხრობები გამომცემლობა:  ბაკურ სულაკაურის გამომცემლობა

ავტორი: რობერტ გელბრეითი მთარგმნელი: პაატა ჩხეიძე სერია: TOP თრილერი   "აბრეშუმის ჭია" დეტექტივ კორმორან სთრაიქზე დაწერილი რომანების მეორე წიგნია. დაძაბული სიუჟეტითა და საინტერესო გმირებით. რომანი 2014 წელს გამოვიდა და მაშინვე მოექცა ბესტსელერების სიის სათავეში. ოუენ ქუაინის გაუჩინარების შემდეგ მისი ცოლი კერძო დეტექტივს, კორმორან სთრაიქს დაიქირავებს, რადგან ფიქრობს, რომ მისი მწერალი მეუღლე მორიგი თავგადასავლის ძიებაშია და ოჯახს ემალება.ჩამაფიქრებელი ისაა, რომ ოუენ ქუაინთან ერთად გაუჩინარდა მისი ბოლო რომანის ხელნაწერიც...

ავტორი: უილიამ ფოლკნერი მთარგმნელი: ზაზა ჭილაძე  ფოლკნერს ბევრჯერ აღუნიშნავს, რომ საკუთარი შემოქმედების უმთავრეს თემად თავისივე თავთან, თანამოძმესთან, დროსთან და გარემომცველ სინამდვილესთან დაპირისპირებული ადამიანის ბედი მიაჩნდა. ეს ფატალური დაპირისპირება დაედო საფუძვლად "აგვისტოს ნათელსაც".

ავტორი: ენ ბრონტე სერია: ქალების კალმით მთარგმნელი: პაატა ჩხეიძე „აგნეს გრეი“ ინგლისელი პროზაიკოსისა და პოეტის, ენ ბრონტეს, პირველი რომანია. ავტორი ახალგაზრდა აგნესის ცხოვრებაზე გვიყვება - გოგონაზე, რომელიც კარჩაკეტილ ცხოვრებასთან დამშვიდობებასა და სამყაროს გაცნობას მას შემდეგ გადაწყვეტს, რაც მისი ოჯახი გაღარიბდება. აქედან იწყება მისი საინტერესო და ამაღელვებელი თავგადასავალიც.

გოდერძი ჩოხელის რომანი “ადამიანთა სევდა” სამყაროს, დედამიწას, გუდამაყარს… – ყველაფერს “დალოცვილი მწერლის” – უხილავი შემოქმედის ხელით დაწერილ დიდ წიგნად წარმოგვიდგენს. ფიქრი სიკვდილ–სიცოცხლეზე, სულის არსზე, კაცისა და უფლის, კაცისა და დედამიწის ურთიერთდამოკიდებულების პრობლემებზე ამ ნაწარმოებს განსაკუთრებულ ღირებულებას სძენს მწერლის მსოფლმხედველობის გასაცნობად. “ადამიანთა სევდის” არსს თვითონ გვიხსნის გოდერძი ჩოხელი” “– რა არის სიცოცლხე? – სიცოცხლე სევდა არის, ადამიანად ყოფნის ტკბილი სევდა. – სიკვდილი? – სიკვდილიც სევდა არის, ადამიანად არყოფნის სევდა.”

ავტორი: ალექსანდრ ბელიაევი სერია: პორტალი მთარგმნელი: პაატა ჩხეიძე ყველაფერი იმით დაიწყო, რომ ცნობილ არგენტინელ ქირურგ სალვატორთან, რომელიც ბიოლოგიაში ექსპერიმენტებს ატარებს, კერძოდ კი სახეობათაშორისი ორგანოების გადანერგვა აინტერესებს, ინდიელ ბიჭუნას მიიყვანენ. ავადმყოფს იმდენად სუსტი ფილტვები აქვს, რომ მისი სიკვდილი გარდაუვალია. სალვატორი პაციენტის სიცოცხლისთვის ბრძოლას იწყებს და იმარჯვებს კიდევაც - ბიჭს ახალგაზრდა ზვიგენის ლაყუჩებს გადაუნერგავს და ის გადარჩება. ამიერიდან აუცილებელია ადამინმა-ამფიბიამ ნახევრად წყალში და ნახევრად ხმელეთზე იცხოვროს...

ავტორი: მაქს ფრიში მთარგმნელი: მაია ფანჯიკიძე გამომცემლობა: ბაკურ სულაკაურის გამომცემლობა სერია: ლიტერატურული ოდისეა

ავტოორი: ალფრედ ადლერი მთარგმნელი: თამარ ბოგვერაძე სერიის დასახელება ET CETERA ავსტრიელი ფსიქოლოგისა და ფსიქიატრის, ალფრედ ადლერის (1870 – 1937) იდეებმა ღრმა კვალი დაატყო XX საუკუნეს. ადლერი ფროიდის ფსიქოანალიზს მალევე ჩამოშორდა და საკუთარი თეორია შექმნა, რომელსაც „ინდივიდუალური ფსიქოლოგია“ უწოდა. ფროიდისაგან განსხვავებით, ადლერი არაცნობიერისა და სექსუალობის როლს განმსაზღვრელად არ მიიჩნევს და დიდ მნიშვნელობას ანიჭებს სოციალურ ფაქტორს. ადლერმა ჩამოაყალიბა არასრულფასოვნების კომპლექსის ცნება. მისი აზრით, პიროვნების განვითარება, დიდწილად, ამ კომპლექსის კომპენსაციაზეა დამოკიდებული. „ადამიანის ბუნების შეცნობისათვის“ პირველად 1927 წელს გამოიცა. მასში ავტორი ადამიანის ქცევის კანონზომიერებებს განიხილავს და „ინდივიდუალური ფსიქოლოგიის“ საფუძვლებს აცნობს მკითხველს.

ავტორი: ზაზა ბურჭულაძე

ავტორი: პაულო კოელიო მთარგმნელი ლელა ფიროსმანიშვილი ლინდამ იცის, რომ გაუმართლა. ერთი შეხედვით, იდეალური ცხოვრება აქვს. სხვების თვალში რესპექტაბელური მეუღლე, მოსიყვარულე დედა და ამბიციური ჟურნალისტია, თუმცა ყოველ დილას, თვალის გახელისას მხოლოდ აუტანელ სიცარიელეს გრძნობს. მაგრამ ყველაფერი იცვლება, როდესაც მის ცხოვრებაში მოულოდნელად ვნება ჩნდება. ლინდა დგება არჩევანის წინაშე, რომელმაც შეიძლება მთელი მისი ცხოვრება შეცვალოს.

ავტორი: სერგეი ლოიკო მთარგმნელი თამარ კვარაცხელია   მთავარი წიგნი ომზე, რომელიც არ უნდა ყოფილიყო, და გმირებზე, რომლებსაც უნდოდათ სიცოცხლე, მაგრამ იღუპებოდნენ. „აეროპორტი“ – ეს არ არის ქრონიკა, გამოძიება, მატიანე. ეს არის რომანი, დაფუძნებული რეალურ ფაქტებზე. წიგნში უამრავი პერსონაჟია, ბევრი დრამატული, ერთმანეთთან გადაჯაჭვული სიუჟეტური ხაზი. წიგნი არა მხოლოდ და არა იმდენად ომზეა. იგი სიყვარულზეცაა, ვერაგობაზე, ვნებაზე, ღალატზე, სიძულვილზე, რისხვაზე, სინაზეზე, ტკივილსა და სიკვდილზე. სხვა სიტყვებით რომ ვთქვათ, ჩვენს დღევანდელ და გუშინდელ ცხოვრებაზე… „ეს ეჭვგარეშე საუკეთესო წიგნია ომზე, რომელიც შემხვედრია. ავტორმა მოახერხა ასი პროცენტით გადმოეცა „კეთილ ძმა-მეზობელთან“ ომის რეალიები. აქ მწერლის ნიჭი არაა საკმარისი. ასე რომ ასახო ომი, ძალიან კარგად უნდა ერკვეოდე მასში. საჭირო იყო იქ გეცხოვრათ ჩვენთან ერთად ამდენი დღის განმავლობაში. ვკითხულობ და ტანში ჟრუანტელი მივლის, გული მიძგერს და მეყინება. თითქოს ისევ იქ ვარ, აეროპორტში. ომის სუნსაც კი ვგრძნობ“ (სერგეი ტანასოვი, დონეცკის აეროპორტისათვის ბრძოლების მონაწილე)... „როდესაც ოცი-ოცდაათი წლის შემდეგ თქვენი შვილიშვილები საკმარისად გაიზრდებიან, რომ წაიკითხონ ეს წიგნი, იმედი მაქვს, რომ აქ აღწერილ ამბებს აღიქვამენ როგორც ფენტეზის, Cyborgs vs. Orcs, ან რაღაც ამდაგვარს, არა იმიტომ, რომ „ეს არ შეიძლება არასდროს მოხდეს“, არამედ იმიტომ, რომ ეს არასდროს არ უნდა მოხდეს (სერგეი ლოიკო).

ავტორი: ოთარ ჭილაძე  "ჩვენს წინაშეა არაჩვეულებრივად მრავალფეროვანი, უნივერასლური ნაწარმოები, პოეზიის, სასიყვარულო ისტორიის, ფილოსოფიის, საკუთრივ ისტორიის, პუბლიცისტკის აფორიტიკის მხატვრული წნული. და ალბათ, შემთხვევითი არ არის,ეს მნიშვნელოვანი წიგნი აღოსავლეთ ევროპაში გარდატეხის ჟამს სწორედ საქართველოდან რომ მოვიდა..." ქრისტინე ლიჰტენფელდი

ეს წიგნი მითებისა და გამოგონილი ამბების გარეშე გვიამბობს, ვინ იყო ადამიანი, რომელმაც აზროვნების ისტორიაში ერთ-ერთი უდიდესი აღმოჩენა გააკეთა - როგორ იპარავდა ხილს ბავშვობაში, როგორ ჩაგრავდა უფროსი და კაროლინა, რატომ არ უყვარდა სკოლა და საერთოდ სწავლა, განსაკუთრებით ლექციები, რა გავლენა მოახდინეს მეგობრებმა, მასწავლებლებმა და მეტოქეებმა, როგორი იყო მისი თვითშეფასება, რას ფიქრობდა საკუთარ მიღწევებზე... ავტობიოგრაფიის პირველი გამოცემებიდან რამდენიმე ფრაგმენტი, სადაც დარვინის რელიგიური შეხედულებები და ქრისტიანობასთან მისი დამოკიდებულებაა აღწერილი, ამოღებული იყო ცოლის, ემა ვეჯვუდის დაჟინებული მოთხოვნით. ემას აზრით, ეს შეხედულებები შეურაცხმყოფელი იყო ოჯახის წევრების, მეგობრებისა და მსახურებისთვისაც კი.ეს თარგმანი შესრულებულია საბოლოო და სრული გამოცემის მიხედვით.

ავტორი: ირაკლი ჩარკვიანი "ავტოპორტრეტი" ირაკლი ჩარკვიანის ლიტერატურულ შემოქმედებას აერთიანებს - სხვადასხვა დროს გამოცემულ ლექსებს და მოთხრობებს. ამ ლექსებიდან ბევრი თავის დროზე იქცა ჰიტად და მათი პოპულარობა სულ უფრო მატულობს. თითქოს აქამდე ყველასთვის ცნობილი ირაკლი ჩარკვიანისგან, ეს კრებული მოულოდნელი შეხვედრაა მკითხველთან, შეხვედრა სიტყვის კოსმოსში, სადაც ყოველი ადამიანური შესაძლებლობა შეუცნობლის, უსასრულოს და ხანდახან შეუძლებლისკენაც მიემართება.

ავტორი: ხალიდ ჰოსეინი მთარგმნელი: სოფიო ჯობავა "ათასი მოელვარე მზე" მსოფლიო ბესტსელერების ავტორის-ხალიდ ხოსეინის რომანია, რომელიც მწერალმა ავღანელ ქალებს მიუძღვნა.ესაა წიგნი უფლებაწართმეული ქალების ყოველდღიურებაზე,ოჯახში ძალადობაზე,"თალიბანის სისასტიკეზე, ლტოლვილთა გაუსაძლის ყოფასა და ქვეყანაზე, რომელსაც გამუდმებით მტრის ბომბები აცვივა, მაგრამ შაჰრე ზოჰაქის დაზიანებული კედლებივით ისევ მყარად დგას.ქალები აქ განათლებისა და თავისუფლებისკენ ისწრაფვიან,ჩამოყრილ ჭურვებშ კი ყვავილებს ახარებენ.

ავტორი გაბრიელ გარსია მარკესი მთარგმნელი თეა გვასალია წიგნში მოთხრობილი ნამდვილი ამბავი – კოლუმბიის სამხედრო ფლოტის საესკადრო გემის კალდასის დაღუპვა – 1955 წლის თებერვალში მოხდა. ეკიპაჟის რვა წევრიდან მხოლოდ ერთი გადარჩა, რომელიც კოლუმბიის ჩრდილოეთის უკაცრიელ სანაპიროზე ცოცხალ-მკვდარი იპოვეს, მას შემდეგ, რაც ათი დღე ზღვის ტალღებზე მოდრეიფე ტივზე გაატარა. ლუის ანხელ ბელასკო – ასე ერქვა მეზღვაურს. ის სულ მალე ჟურნალ-გაზეთებისა და სარეკლამო სააგენტოების მთავარ სახედ იქცა. თუმცა, უკვე ყველასთვის ნაცნობ და ათასჯერ ნაამბობ მის თავგადასავალში კიდევ იმალებოდა რაღაც, რომლის მოყოლაც მან ცნობილი მწერლისთვის, გაბრიელ გარსია მარკესისთვის გადაწყვიტა. რა უამბო ბელასკომ მწერალს და რას მოგვითხრობს მარკესი? სულისშემძვრელ გამძლეობასთან და სიცოცხლისთვის ბრძოლის წყურვილთან ერთად, წიგნში ბევრი სხვა ადამიანური ამბავიც იკითხება.

ავტორი: ნაცუმე სოსეკი სერია: დიოგენეს ბიბლიოთეკა მთარგმნელი: თამთა ბოკერია   ნაცუმე სოსეკი (1867-1916) თანამედროვე იაპონური ლიტერატურის სათავეებთან დგას.  მეიჯის ხანა (1868-1912), რომელშიც მწერალი მოღვაწეობდა, ვესტერნიზაციის ეპოქა იყო – სოციალურ-პოლიტიკური და ეკონომიკური გარდატეხის პერიოდი, რომელსაც, იაპონელი ხალხისთვის უმტკივნეულოდ არ ჩაუვლია. იმ დროს განვითარებულმა პროცესებმა დიდი გავლენა  მოახდინა მწერლის შემოქმედებაზე და განსაზღვრა მისიგმირების ცხოვრება და შინაგანი სამყარო. წიგნში თავმოყრილია ნაცუმე სოსეკის რჩეული მოთხრობები, რომლებშიც იგი ერთგულების, სიყვარულის, სასოწარკვეთის, სიმამაცის, ვერაგობისა დასისასტიკის შესახებ წერს. მისტიციზმის ბურუსით გარემოცული ეს საოცარი ამბები დაუვიწყარ შთაბეჭდილებას ახდენს მკითხველზე და ხშირად გაოგნებულს ტოვებს მას.

ავტორი: ელიფ შაფაქი თარგმანი: ია ქვაჩახია   2019 _ ბუკერის პრემიის მოკლე სია   ქალის ბედი მეოცე საუკუნის თურქეთში. ქვეყანაში არსებული უმძიმესი პრობლემების მხილება მისი უახლესი ისტორიის საეტაპო მოვლენათა ჭრილში. ცოცხალი, უაღრესად საინტერესო პერსონაჟები, რომელთაგან ერთ-ერთი, როგორც ყოველთვის, გახლავთ თავად ქალაქი სტამბოლი _ მიძინებული თუ ყალყზე შემდგარი, მტრულად განწყობილი თუ ხალისის მომგვრელი, მოზეიმე თუ მგლოვიარე... ბოსფორის ტალღების შრიალის, თოლიების ხმაურის ფონზე განვითარებული სულისშემძვრელი დრამა და, ამავდროულად, მეგობრობისადმი მიძღვნილი დიდებული ჰიმნი! მკითხველის წინაშეა ელიფ შაფაქის დაუშრეტელი ფანტაზიის, მისი მოქალაქეობრივი პასუხისმგებლობის, მისი მწერლური ოსტატობის მორიგი ნაყოფი.

ავტორი: ნატო დავითაშვილი   „ყველაზე ფერადი თევზებიც კი მარტო წყალშია ლამაზი. არის ტექსტები, რომელიც განსაკუთრებულ სიტუაციაში განსაკუთრებულად აღიქმება. ნატო დავითაშვილის წიგნებს არც ნათურა უხდება, არც ქალაქის ხმაური, ღამე, სანთლის შუქზე უნდა იკითხო, არსად უნდა გეჩქარებოდეს – წინ დიდი გზაა, საუკუნეებს, ათასწლეულებს უნდა გადაახტე და იმ ადამიანებამდე მიხვიდე, რომლებიც პირველყოფილ მისტიკასთან ერთად ცხოვრობდნენ.   „აიას გზა“ ასეთი წიგნია, უკან დაბრუნების წიგნი. ძალიან ძნელია აღწერო თაობა, რომელსაც არათუ შენ, არამედ შენამდე ათი საუკუნით ადრე დაბადებული ხალხიც კი არ მოსწრებია. რანაირები იყვნენ ისინი? რას ამბობდნენ? როგორ ამბობდნენ? ზუსტად ეს არასდროს გვეცოდინება, დაახლოებით კი მხოლოდ ფენტეზის მწერალმა შეიძლება წარმოიდგინოს.   „აიას გზა“ იმ ეპოქაზეა, როდესაც ადამიანების გარშემო სამყარო ჩვეულებრივ კანონებს აღარ ემორჩილება. მოწამლული მიწის წინააღმდეგ გაერთიანებული ადამიანები სტიქიას და საკუთარ ბედისწერას ებრძვიან (რა თქმა უნდა, იმარჯვებენ! რომ არ გაემარჯვათ, ჩვენ ახლა აქ არ ვიქნებოდით). ცეცხლოვანი ზღვა; მდინარე-მოჩვენება; ოჩოკოჩი, რომელიც ნისლებს მწყემსავს და მთიდან მთაზე მიერეკება; შებოჭილი ტყე, სადაც მონადირეებს რაღაც ძალა მშვილდის მოზიდვის საშუალებას არ აძლევს... ეს ყველაფერი დღეს არის ფენტეზი, თორემ პირველყოფილ ეპოქაში ადამიანებს არათუ სჯეროდათ მათ მიღმა არსებული სამყაროსი, არამედ მასთან ერთად თანაარსებობასაც ახერხებდნენ.   ეს წიგნი, მთელი ამ ძველი ამბებით, გულადი და კეთილი ადამიანებით ძალიან ჰგავს სულების გამოძახებას, როდესაც გინდა, რამე აკრძალულიც კი ჩაიდინო, ოღონდ ხელშესახებად იგრძნო, რომ სადღაც სხვა სამყაროც არის და იქ ის ადამიანები არიან, რომლებიც გიცნობენ.“

ავტორი: ჟულიენ გრაკი მთარგმნელი ლალი უნაფქოშვილი   „აივანი ტყეში“ მოგვითხრობს ფრანგი ლეიტენანტის, გრანჟის ისტორიას, რომელიც 1939 წლის შემოდგომაზე არდენების ტყეში ბეტონის ტანკსაწინააღმდეგო ბლოკშია განაწილებული და მისი მისიაა შეაჩეროს გერმანული ტანკები, თუკი თავდასხმა მოხდება. იგი სამ კაცთან ერთად ელოდება მეორე მსოფლიო ომის დაწყებას საფრანგეთის ამ მონაკვეთზე... ბრძოლისთვის მზადებაში გრანჟს დრო გაჰყავს სეზონებზე დაკვირვებაში, ტყის მიწიერი ცხოვრებისა და ბავშვობის ღრმა შეგრძნებებში... და ქვრივი ქალის, მონას სიყვარულში...

ავტორი:  უოლტერ სკოტი მთარგმნელი: ვახტანგ ჭელიძე სერიაი: კითხე კლასიკა     ეს დაუვიწყარი ამბავი რიჩარდ ლომგულის ეპოქაში მოხდა, როცა ღირსეული რაინდები მათი გულთამპყრობელი ქალბატონების გამო საგმირო საქმეებს სჩადიოდნენ და სიყვარულისთვის წირავდნენ თავს. აი გამოჩნდა კეთილშობილი რაინდი აივენჰო! ახლა მთელი სამეფოს ბედი მის ხელშია - მეფე ლომგული ტყვეობიდან თუ ვერ დაიხსნა, ალბათ არც უნდა იოცნებოს მშვენიერი როვენას საპასუხო სიყვარულზე. ჯვაროსნული ლაშქრობიდან ახალდაბრუნებულ გმირს ისღა დარჩენია, შეებას მტერს, იბრძოლოს მემკვიდრეობისთვის და მოიგოს ლედი როვენას გული.

ავტორი: ზურაბ ლეჟავა გამომცემლობა: სულაკაურის გამომცემლობა სერია: რჩეული მოთხრობები ზურაბ ლეჟავა ავტორია ათამდე პროზაული კრებულისა, რომელთაგან წიგნმა – „ბავშვის ნაკბენი კარალიოკზე ოქტომბრის თვეში“ 2010 წელს მიიღო ლიტერატურული პრემია „გალა“, ნომინაციაში „წლის წიგნი“. ზურაბ ლეჟავას მოთხრობები 1990-იანი წლებიდან ქვეყნდებოდა ქართულ ლიტერატურულ პერიოდიკაში, თუმცა, მისი ნაწარმოებებიდან განსაკუთრებული აღიარება მოიპოვა მოთხრობამ „მაცივარი სექსისა წილ“, რომელიც 2011 წელს შევიდა კრებულში „ევროპის 20 საუკეთესო მოთხრობა“, „უხურდავებელი მონეტა“ 2010 წლის საუკეთესო მოთხრობად დასახელდა, ხოლო „ერთი კრუშკა სისხლი“ 2017 წელს ითარგმნა გერმანულ ენაზე.  

ავტორ-შემდგენელი: ჯული გაბოძე სერია: თან საკითხავი „საქართველოში ალბათ ბევრ შემოქმედს არ რგებია ხალხის ისეთი დიდი სიყვარული, როგორიც აკაკი წერეთელს. 180 წელი გავიდა მისი დაბადებიდან. აქ წარმოდგენილი ამბების რაოდენობაც შესაბამისად ამ საიუბილეო თარიღმა განაპირობა. ამბები პირობითად დალაგებულია ქრონოლოგიური თანმიმდევრობით, რაც საშუალებას მისცემს მკითხველს, პანორამულად გადაავლოს თვალი მგოსნის ცხოვრებას. ამბები ძირითადად ემყარება ქართულ პრესაში სხვადასხვა დროს აკაკი წერეთლის შესახებ გამოქვეყნებულ მოგონებებსა და წერილებს, მის ნაკვესებს. მწერლის თხზულებების ახალი აკადემიური ოცტომეულის მზადებისას აკაკის შემოქმედების არაერთი სიახლე და მისი ცხოვრების უცნობი დეტალი გამოვლინდა, რომელთაგან ზოგი ამბად ვაქციეთ და ისე შევთავაზეთ მკითხველს.“  წიგნის ავტორ-შემდგენლის – ჯული გაბოძის ბოლოსიტყვაობიდან

ავტორი: ნანა აბულაძე გამომცემლობა: ინტელექტი გიფიქრიათ ოდესმე, რა მოხდებოდა, ადამიანს სქესი საერთოდ რომ არ ჰქონდეს? ჰო, ჰო, ასე: თქვენს საახლობლოში იბადება ჩვილი და ის არც გოგოა და არც ბიჭი. გიფიქრიათ? აი, ნანა აბულაძის სადებიუტო რომანში, რომელიც ახლა ხელში გიჭირავთ, სწორედ ეს ხდება. ამ წიგნში ერთი ქართველი და ერთი უცხოელი მეცნიერი ამ ანომალიის კვლევითაა დაკავებული, თუმცა მთავარი ეს არ არის. მთავარი იმ ცხრა მთავარი პერსონაჟის ამბებია, რომლებიც სქესთან, გენდერთან, სექსუალობასთან, აუსრულებელ (და ასრულებულ) სურვილებთან, სულიერ ძიებებთან და კიდევ მრავალ სხვა რამესთან (ჩამოთვლა შორს წაგვიყვანს) დაკავშირებულ პრობლემებს აწყდებიან. როგორ უნდა მოჰყვე ამ ყველაფრის შესახებ? ერთი ტექსტით? ერთ ტექსტში კიდევ სხვა ტექსტების შემოყვანით? თუ ასეც და ისეც? „აკუმი“ სწორედ ამგვარი რომანია (და რაკი ამ ბოლო წინადადებიდან საერთოდ არ ირკვევა, მაინც - როგორი, ამიტომ, გეთაყვა, გადმოაბრუნეთ წიგნი და პირველ გვერდზე გადაშალეთ. ნუთუ ის მაინც არ გაინტერესებთ, სიტყვა „აკუმი“ რას ნიშნავს?!).