წიგნში შესულია: სიზმარა, მზის ასული, ხელმწიფის დედა;ადიხანჯალა;საზღაური;მამასახლისი და გლეხის ბიჭი;ჯერ არ თქმული სიმართლე; სამი ად;ეშმაკის ლაგამი;ბედის მაძებარი;კოპალა;დიაკვანი და ყვავი;დედა ღორი და მგელი;ზარმაცი კაცი; და ა.შ.

ავტორი: ვასო გულეური გაინტერესებს, როგორ გაჩნდა ქარი? ან თეთრი ყვავის შესახებ თუ გსმენია? ალბათ, არც კაკლის ხის ზღაპარი იცი და არც ის ტრამვაი, პატარა ლამაზ გოგონას გულის ფანცქალით რომ ელოდებოდა ხოლმე. ვასილ გულეურის ეს მშვენიერი წიგნი სწორედ ასეთი ამბებით არის სავსე. თითოეული მათგანი დაუვიწყარი და ძალიან საყვარელია. წაიკითხე. აუცილებლად მოგეწონება და გული სითბოთი და სიყვარულით აგევსება.

ავტორი: ქეტევან მეზურნიშვილი     "ქაცუნა და ბაცუნა პატარა ზღარბები არიან. ძალიან მოსიყვარულე და მზრუნველი მშობლები ჰყავთ და ყველაფერი აქვთ იმისათვის, რომ ბედნიერად და მხიარულად ატარებდნენ დროს. მაგრამ ისინი სულ ჩხუბობენ, თანაც - ყველაფერზე. უცნაური ამბავია, არა? ყველა სათამაშო ორ-ორი აქვთ, აიწონა-დაიწონას ორი ბოლო აქვს… ისინი კი მაინც ვერ იყოფენ. მოკლედ, ჩხუბისთვის საბაბის მოფიქრების დიდოსტატები არიან. მაგრამ ასე გაგრძელება ხომ არ შეიძლება? რაღაც უნდა მოხდეს, არა? ეს ფერად-ფერადი წიგნი პატარა ზღარბების საუკეთესო აღმოჩენის შესახებ გიამბობს. წაიკითხე და ნახავ, როგორ იცვლება და რა მშვენიერია ცხოვრება იქ, სადაც ერთმანეთზე ზრუნვა და სიყვარული მეფობს."

ავტორი: ეგნატე ნინოშვილი სერია: მოსწავლის ბიბლიოთეკა „სიცოცხლე ხანმოკლე, ხანგრძლივად ნაყოფიერი“ – ასეთი მოკლე პოეტური ფრაზით შეაფასა აკაკი წერეთელმა მე-19 საუკუნის გამოჩენილი მწერლის, ეგნატე ნინოშვილის ცხოვრება და მოღვაწეობა. ნინოშვილის შემოქმედებას ასევე მაღალ შეფასებას აძლევდნენ ილია ჭავჭავაძე, იაკობ გოგებაშვილი და სხვა გამოჩენილი მოღვაწეები. მისი მოთხრობები სისტემატურად იბეჭდებოდა იმ დროის თითქმის ყველა ცნობილ პერიოდულ გამოცემაში. ამ კრებულში შეტანილია ეგნატე ნინოშვილის ცნობილი ნაწარმოებები: „პალიასტომის ტბა“, „გოგია უიშვილი“, „განკარგულება“, „ქრისტინე“ და სხვები. მწერალმა ამ მოთხრობებში გლეხთა უნუგეშო ყოფა, უკიდურესი სიდუხჭირე, სახელმწიფო მოხელეთა ძალმომრეობა და თავგასულობა ასახა.

  ასაკი: 2+ როტრაუტ სუზან ბერნერის ილუსტრაციებით დეტალიზებულ, ფერად ილუსტრაციებზე პატარა ფიგურების პოვნა, არც ისე მარტივი, მაგრამ ძალიან სახალისო თავსატეხია, რომლითაც პატარები სიამოვნებით გაერთობიან. წიგნში მოცემულ 100-ზე მეტ ფიგურას თავისი სახელი აქვს მიწერილი, რაც ბავშვებს სიტყვების შესწავლას გაუადვილებს, ნახატების პოვნა კი ყურადღების კონცენტრაციის, დაკვირვებულობისა და დეტალებზე ორიენტირების უნარებს განვითარებაში დაეხმარება.

მთარგმნელი: ნინო ჩაკვეტაძე ავტორი: ჯუდი ბლუმი     „ღმერთო, აქ ხარ? მე ვარ, მარგარეტი. დღეს სხვაგან გადავდივართ. იცი, როგორ მეშინია?! სხვაგან არასდროს მიცხოვრია. ახალი სკოლა რომ არ მომეწონოს? ან პირიქით, მე რომ არავის მოვეწონო? გთხოვ, ღმერთო, დამეხმარე, რა. ისე ქენი, რომ ნიუ-ჯერსი მთლად საშინელებაც არ იყოს. გმადლობ.“ ასე იწყება ჯუდი ბლუმის საკულტო წიგნი, რომელშიც გამორჩეულად საყვარელ გოგონას, მარგარეტ საიმონს გაიცნობთ. სასწავლო წლის დაწყებამდე სულ ცოტა ხნით ადრე მარგარეტს დიდი მოულოდნელობა ატყდება თავს – მისი ოჯახი საცხოვრებლად ნიუ-იორკიდან ნიუ-ჯერსიში გადადის. რაც იმას ნიშნავს, რომ მას ახალ სკოლასა და მეგობრებთან შეგუება მოუწევს, ეს კი არც ისე ადვილია, როცა თითქმის თორმეტი წლის ხარ. ეს მხიარული, სიკეთით სავსე წიგნი ნებისმიერი ასაკის მკითხველს მოხიბლავს და აუცილებლად მოჰგვრის ღიმილს.

ავტორი: ასტრიდ ლინდგრენი მთარგმნელი: თამარ ჩიქოვანი სერია: მოსწავლის ბიბლიოთეკა   რონია მამაცი და უშიშარი გოგოა და ეს არცაა გასაკვირი, ის ხომ ძლევამოსილი ყაჩაღის – მატისის ასულია, თანაც ჭექა-ქუხილის ღამეს დაიბადა; სწორედ იმ ღამეს, როცა მეხმა ორად გააპო მატისის ციხე და მთლიანად შეცვალა ყაჩაღთა ბელადისა და მისი 12 ყაჩაღის ცხოვრება. სწორედ იმ ღამეს მატისის მოსისხლე მტერს, ბორკასაც შეეძინა ვაჟი – ბირკი… ალბათ უკვე ხვდები, რომ ეს წიგნი რონიასა და ბირკის უჩვეულო, ამაღელვებელ და უანგარო მეგობრობაზე მოგვითხრობს. ცნობილი შვედი მწერლის, ასტრიდ ლინდგრენის, არაჩვეულებრივ ზღაპარში მეგობრობის ძალას ნამდვილად შეუძლია მთავარ პერსონაჟებს დააძლევინოს ყველა წინაღობა თუ ფათერაკი და ჩიბუხის კვამლს გააყოლოს ბოროტება.

ავტორი: სტიუარტ ფოსტერი მთარგმნელი: ანა ჭიჭინაძე სერია: ლიბერკიდსი   ყველაფერი მას შემდეგ შეიცვალა, რაც მისი უფროსი ძმა შინიდან წავიდა... თუ წაიყვანეს?.. დენი გაღიზიანებულია, ჯავრს კი ყველაზე სუსტსა და დაუცველზე იყრის. მას ალექსი ჰქვია. ალექსიც რთულ მდგომარეობაშია. მწვავე ობსესიურ-კომპულსიური აშლილობა აქვს, რის გამოც სახლიდან გასვლის ეშინია. მით უმეტეს, როცა სკოლაში დენი და მისი აგრესიული ბანდა ელოდება... ერთ დღესაც დედები ბიჭებს სკოლის გარეთ დაუგეგმავენ შეხვედრას ალექსი დენს უნდა დაეხმაროს ტივის აგებაში. ეს სამყაროს დასასრულის ტოლფასია ორივესთვის! მაგრამ ხომ შეიძლება ეს ერთი შეხედვით წარმოუდგენელი ამბავი დიდი მეგობრობის დასაწყისი გახდეს?

ავტორი: დონალდ ბისეტი მთარგმნელი:რევაზ ინანიშვილი სერია: მოსწავლის ბიბლიოთეკა ინგლისელი მწერალი და მსახიობი დონალდ ბისეტი მეტად ორიგინალურ, უცნაურობებით სავსე მოთხრობებს წერდა ბავშვებისთვის. მისი საბავშვო ნაწარმოებები 16 ენაზეა ნათარგმნი. მშვენიერი ილუსტრაციებით გაფორმებულ ამ წიგნში, რომელსაც სათაურად ბისეტის ერთ-ერთი საყვარელი ზღაპრის სახელწოდება აქვს, მრავალ საინტერესო და უცნაურ არსებას შეხვდებით. მაგალითად, გაიცნობთ კუ როზალინდას, რომელიც საუცხოოდ მღერის, ხალიჩის ქვეშ მცხოვრებ განუყრელ მეგობრებს – ცხენსა და ვეფხვს, თუთიყუშ ერნის, რომელსაც წითელა დაემართა, პატარა ავტობუსს, სიბნელისა რომ ეშინია; შეიტყობთ, როგორ მოსწყდა ადგილს სადგური ვატერლოო და ჩაის დასალევად გაეშურა, როგორ იხილა ბურუსმა სამხედრო აღლუმი… და კიდევ, ვინ მოთვლის, რამდენ საოცარ გმირსა თუ გაუგონარ მოვლენას წააწყდებით.

ავტორი: დონალდ ბისეტი მთარგმნელი: რევაზ ინანიშვილი სერია: მოსწავლის ბიბლიოთეკა სულაკაურის გამომცემლობა

ავტორი: მონტერუ ლობატუ მტარგმნელი: ელენე ჭავჭავაძე სერია: მოსწავლის ბიბლიოთეკა   “ყვითელი კოდალას ორდენი” საკულტო საბავშვო ნაწარმოებია. მისი ავტორი ბრაზილიელი მწერალი, მონტეირუ ლობატუა. ის პატარა მკითხველს დაუჯერებელ ისტორიებს უყვება. ამასთან ერთად, წიგნი წარმოსახვის გავარჯიშების საუკეთესო საშუალებაცაა. ბავშვობაში ვის არ უოცნებია მოლაპარაკე თოჯინასთან ერთად ზღვის ფსკერზე მოგზაურობაზე. ვის არ უფიქრია ზღაპრული სამყაროს ბინადრებთან შეხვედრაზე. ვის არ გაუტარებია მთელი ზაფხული თანატოლებთან ერთად თავგადასავლებით სავსე ისტორიების მოყოლაში. სწორედ ასე ატარებენ ზაფხულის არდადეგებს ყვითელი კოდალას სახლის ბინადარი ცხვირპაჭუა და პედრინიო. მათ ამბავს ულამაზესი თოჯინა ემილია გვიყვება. ის მთელ დედამიწაზე ყველაზე ჭკვიანი, ყველაზე გონიერი და საუკეთესო იდეების ავტორია.

რა უნდა ქნა, როცა ძალიან გინდა მოგზაურობა, მშობლები კი უარს ამბობენ? ან, როცა ავად ხარ, დედა საწოლიდან ადგომის ნებას არ გაძლევს, შენი მეგობრები კი მდინარეზე სათამაშოდ გეპატიჟებიან? როცა მშობლები შინ არ არიან, გარეთ კი უკვე ღამეა? ან ტყეში გზა აგებნა და უმცროს დაიკოს შენზე მეტად ეშინია? ბაჭია ტიმი ყოველთვის პოულობს საუკეთესო გამოსავალს. ის ყოჩაღი ბაჭიას სახელსაც იმსახურებს მშობლებისა და და-ძმებისაგან.

ავტორი: რობერტ ლუის სტივენსონი მთარგმნელი: ალექსანდრე გამყრელიძე სერია: მოსწავლის ბიბლიოთეკა რობერტ ლუის სტივენსონის ისტორიული რომანი „შავი ისარი“ პირველად 1888 წელს გამოქვეყნდა მოთხრობების სერიაში „ტანსტოლის ტყის მოთხრობები“. ნაწარმოების მოქმედება ინგლისში, წითელი და თეთრი ვარდების ომის პერიოდში მიმდინარეობს, მისი მთავარი გმირი, ახალგაზრდა რიჩარდ (დიკ) შელტონი კი მამამისის მკვლელობის ამბავს იძიებს. შავ ისარს შელტონი მკვლელის კვალზე გაჰყავს, საბოლოოდ კი შავი ისრის ყაჩაღებს უერთდება და ომის მონაწილე ხდება.

ავტორი: პერო შარლ   ეს მშვენიერი, საუცხოოდ ილუსტრირებული წიგნი, ყველასთვის საყვარელი და დაუვიწყარი პერსონაჟებით, პატარებს შარლ პეროს უკვდავ და განსაცვიფრებელ ზღაპრებში ამოგზაურებს.

ავტორი: ე. ბ. უაითი მთარგმნელები: ციცო ხოცუაშვილი, ბექა არაბული სერია: მოსწავლის ბიბლიოთეკა „შარლოტის ქსელი“ ჯადოსნური სამყაროა, რომლის ნაწილიც პატარა გოგონა, სახელად ფერნი ხდება. ის დიდ დროს ატარებს გოჭ უილბურთან და მის მეგობრებთან, რომლებიც ბოსელში ცხოვრობენ. უილბურს ობობა შარლოტი შოკისმომგვრელ ამბავს ამცნობს: თურმე გოჭის სიცოცხლე საფრთხეშია – მალე ვიღაცის თეფშზე ბეკონად ამოჰყოფს თავს. შარლოტი გეგმას შეიმუშავებს, თუ როგორ იხსნას სიკვდილისგან უილბური. ამ გეგმის განხორციელებაში მას ბოსლის ერთ-ერთი ბინადარი, ვირთხა ტემპლტონი ეხმარება.

ქართული ტექსტი: ნინო ილაშვილი გარეული ცხოველებისა და მათი ნაშიერების გასაცნობად შეიჭყიტე ზოოპარკში. ამაში „ფანჯრებში“ ამოჭრილი ნახატები დაგეხმარება.

ქართული ტექსტი: ნინო ილაშვილი შინაური ცხოველებისა და მათი ნაშიერების გასაცნობად შეიჭყიტე ფერმაში. ამაში „ფანჯრებში“ ამოჭრილი ნახატები დაგეხმარება.

გამომცემლობა: სულაკაურის გამომცემლობა ეს წიგნი ბავშვებს დაეხმარება იმაში, რომ შეკრება და გამოკლება ოცის ფარგლებში მარტივად და ხალისით ისწავლონ. წიგნი გაყოფილია ორ ნაწილად: ერთი ნაწილი მთლიანად ეთმობა შეკრებას, მეორე – გამოკლებას. გვერდები ილუსტრირებულია და ნახატებით დაწერილი სავარჯიშოების ამოხსნა უფრო საინტერესო იქნება ბავშვებისთვის.   წიგნს ასევე მოყვება ფლომასტერი, რომელიც მარტივად იშლება და ბავშვებს ამ წიგნის გამოყენება მრავალჯერადად შეეძლებათ.   

ასაკი: 3+ 22-გვერდიანი წიგნი + კალამი ფერადი ილუსტრაციებით გაფორმებული ეს წიგნი სხვადასხვა ტიპის სახალისო დავალებებს აერთიანებს. სოფელი, ქალაქი, ეზო, ტყე მეტ-ნაკლებად ნაცნობი გარემოა სკოლამდელი ასაკის ბავშვებისათვის, ამიტომაც ისინი ინტერესით ამოხსნიან ყველა თავსატეხს, რომლებიც ამ წიგნში დახვდებათ.

ავტორი: ასტრიდ ლინდგრენი; სარა შვარტი მთარგმნელი: ლიკა ჩაფიძე სერია: გაკვეთილების შემდეგ საკითხავი

ავტორი: ართურ კონან დოილი მთარგმნელი: ელგუჯა მაღრაძე სერია: მოსწავლის ბიბლიოთეკა კრებული „შერლოკ ჰოლმსი და დოქტორი უოტსონი“ აერთიანებს შვიდ მოთხრობას და მცირე რომანს „ოთხთა ნიშანი“. დოქტორი უოტსონი ისევ უყოყმანოდ მიჰყვება მეგობარს ნებისმიერ სახიფათო საქმეზე, რომლებსაც გამჭრიახი დეტექტივი მუდამ დიდი წარმატებით ხსნის. ართურ კონან დოილის მიერ შექმნილი ლიტერატურული პერსონაჟი, ლეგენდარული გამომძიებელი შერლოკ ჰოლმსი დღემდე უდიდესი პოპულარობით სარგებლობს. კონან დოილმა 4 რომანი და 56 მოთხრობა დაწერა შერლოკ ჰოლმსზე და ყოველი მათგანი დეტექტიური ჟანრის კლასიკად იქცა. ჩახლართული დანაშაულის შესახებ დოქტორი უოტსონი გვიამბობს, თუმცა გამოძიების ბოლომდე არც მას და არც მკითხველს არ ესმით, როგორ ხსნის დეტექტივი ყველაზე იდუმალ დანაშაულს, სანამ ამბის დასასრულს თავად არ განგვიმარტავს „დედუქციური მეთოდის“ საიდუმლოს.

ავტორი: ართურ კონან დოილი მთარგმნელი: ელგუჯა მაღრაძე სერია: მოსწავლის ბიბლიოთეკა „თუ ჰოლმსი არ მოვკალი, მაშინ ის თავად მომიღებს ბოლოს“ – 1893 წელს ართურ კონან დოილმა გადაწყვიტა, შერლოკ ჰოლმსის შესახებ აღარაფერი დაეწერა. თუმცა, მოთხრობას, რომელშიც ჰოლმსი იღუპება, მკითხველები აღშფოთებით შეხვდნენ; ისინი დაჟინებით ითხოვდნენ დეტექტივის დაბრუნებას და ავტორიც იძულებული გახდა, გაეცოცხლებინა გმირი. ართურ კონან დოილის მიერ შექმნილი ლიტერატურული პერსონაჟი, ლეგენდარული გამომძიებელი შერლოკ ჰოლმსი დღემდე უდიდესი პოპულარობით სარგებლობს. კონან დოილმა 4 რომანი და 56 მოთხრობა დაწერა შერლოკ ჰოლმსზე და ყოველი მათგანი დეტექტიური ჟანრის კლასიკად იქცა. ჩახლართული დანაშაულის შესახებ დოქტორი უოტსონი გვიამბობს, თუმცა გამოძიების ბოლომდე არც მას და არც მკითხველს არ ესმით, როგორ ხსნის დეტექტივი ყველაზე იდუმალ დანაშაულს, სანამ ამბის დასასრულს თავად არ განგვიმარტავს „დედუქციური მეთოდის“ საიდუმლოს.

ავტორი: ართურ კონან დოილი მთარგმნელი: ელგუჯა მაღრაძე სერია: მოსწავლის ბიბლიოთეკა    

ავტორი: როალდ დალი მთარგმნელი: ციცო ხოცუაშვილი სერია: მოსწავლის ბიბლიოთეკა   ერთ პატარა ხეობაში სამი ფერმერი ცხოვრობს – გოდორა, ტიკჭორა და წოწოლა. მათ მყუდროებასა და უდარდელ ყოფას მხოლოდ ერთი მელია არღვევს, რომელიც ყოველდღე იპარავს შინაურ ფრინველებს და სოროში მიარბენინებს ქალბატონი მელიასა და მელაკუდების გამოსაკვებად. განრისხებული ფერმერები ბოლოს და ბოლოს შურისძიებას გადაწყვეტენ. როგორ გგონია, დაიჭერენ ქურდბაცაცას? მხოლოდ იმას გაგიმხელ, რომ ეს ერთი უბრალო მელია კი არა, შეუდარებელი, გონიერი და მამაცი ბატონი მელიაა, რომელსაც ფერმერების მუქარა საერთოდ არ აშინებს.