ავტორი: რიჩარდ პაიპსი მთარგმნელი: ლევან ლამბაშიძე რიჩარდ პაიპსის „კომუნიზმი“ მკითხველს კომუნიზმის იდეოლოგიის, ისტორიისა და გავლენის ყოვლისმომცველ ანალიზს სთავაზობს. ის წარმოაჩენს კომუნიზმის განვითარებას მისი თეორიული პრინციპებიდან – პრაქტიკულ განხორციელებამდე. ამასთან, ტექსტი წარმოაჩენს კომუნიზმის საფუძველმდებარე პრინციპებს, როგორებიცაა თანასწორობა, კოლექტივიზაცია, კერძო საკუთრების გაუქმება და სხვ. წიგნში პაიპსი გვთავაზობს ანალიზს იმისა, თუ რა გავლენა იქონია კომუნისტურმა იდეოლოგიამ პოლიტიკურ მოძრაობებზე, რევოლუციებსა თუ მმართველობის ფორმებზე. ავტორის მკვეთრად ანტიკომუნისტური პოზიციის მიუხედავად, ის შეძლებისდაგვარად დაბალანსებულად გადმოგვცემს კომუნიზმის ძლიერი და სუსტი მხარეების შეფასებას. მნიშვნელობა არ აქვს, მკითხველი მკვლევარია, სტუდენტი თუ უბრალოდ პოლიტიკური თეორიითა და ისტორიით დაინტერესებული ადამიანი – „კომუნიზმი“ ყველასთვის მნიშვნელოვან წყაროს წარმოადგენს XX საუკუნის ერთ-ერთი ყველაზე გავლენიანი სოციო-პოლიტიკური იდეოლოგიის გასაგებად. რიჩარდ პაიპსი (1923-2018) ამერიკელი მეცნიერი, ჰარვარდის უნივერსიტეტის პროფესორი და 1968-1978 წლებში ჰარვარდის უნივერსიტეტის რუსული კვლევების ცენტრის ხელმძღვანელი იყო. მისი ყველაზე ცნობილი ნაშრომებია: „რუსეთი ძველი რეჟიმის მმართველობის დროს“ (1974); „რუსეთის რევოლუცია“ (1990); „რუსეთი ბოლშევიკური რეჟიმის მმართველობის დროს“ (1994).

ავტორი: კარლ სეიგანი მთარგმნელი: ნოდარ მანჩხაშვილი სერია: აკადემია სეიგანი მარტივი და გასაგები ენით გვიამბობს იმ პატარა ცისფერი პლანეტის მნიშვნელობასა და მიღწევებზე, რომლის ბინადრებიც ეს-ესაა იწყებენ სამყაროში საკუთარი დანიშნულების ძიებას და კოსმოსის უკიდეგანო ოკეანეში მოგზაურობას. ფერადი თუ შავ-თეთრი რარიტეტული ილუსტრაციებით გაჯერებულ ამ უაღრესად შთამბეჭდავ და საინტერესო წიგნში მოთხრობილია კოსმოსის თოთხმეტი მილიარდი წლის ხანგრძლივობის იმ ევოლუციური პროცესის შესახებ, რომლის შედეგადაც მატერია ცნობიერებად გარდაიქმნა; შესწავლილია ისეთი მრავალმხრივი საკითხები, როგორებიცაა ცოცხალი ორგანიზმების დაბადება, ადამიანის ტვინი, უძველესი ცივილიზაციების სამყაროსადმი დამოკიდებულება (მათ შორის, ეგვიპტური იეროგლიფები), შუა საუკუნეების ასტროფიზიკოსთა კვლევები; კოსმოსური მისიები, მზის სიკვდილი, გალაქტიკების ევოლუცია; ასევე, კაცობრიობის ისტორიის ის მამოძრავებელი ძალები თუ ინდივიდები, რომლებმაც ღვაწლი დასდეს თანამედროვე მეცნიერების ჩამოყალიბებას.

ავტორი:  გია ხუხაშვილი   პოლიტოლოგი გია ხუხაშვილი საქართველოს ისტორიის ბოლო ორ ათწლეულში განვითარებული პოლიტიკური პროცესის კულისებს მიღმა გვახედებს და გვიყვება საკვანძო პოლიტიკური მოვლენებისა და კიდევ უფრო საკვანძო პოლიტიკური ფიგურების შესახებ. ეს არც ისტორიაა, არც მემუარები, არც პუბლიცისტიკა და არც დოკუმენტური პროზა. წიგნში ერთიან ისტორიულ კონტექსტშია მოქცეული უახლესი ისტორიის ფრაგმენტები, რომლებიც ბევრ საფიქრალს აღძრავენ და, რაც ყველაზე საინტერესოა, დაგვანახვებენ იმას, რაც ფასადზე არ ჩანს. წიგნში მოთხრობილია ნამდვილი ამბები, რომლებშიც ბევრი მოქმედი თუ ყოფილი პოლიტიკოსი და ფუნქციონერი ამოიცნობს საკუთარ თავს. ბადრი პატარკაციშვილთან, ზურაბ ჟვანიასა და ბიძინა ივანიშვილთან მჭიდრო მეგობრული და საქმიანი ურთიერთობის პარალელურად, ავტორს შესაძლებლობა ჰქონდა, ახლო დისტანციიდან დაჰკვირვებოდა და ხშირ შემთხვევაში თავადაც მიეღო მონაწილეობა იმ პროცესებში, რომელთა გავლენითაც ყალიბდება საქართველოში პოლიტიკური და ეკონომიკური პრიორიტეტები. ნამდვილი ამბები ხელისუფლების კულისებიდან - დაფიქრებისთვის, განსჯისთვის და დასკვნების გამოსატანად.  

გამოსაცემად მოამზადა ვლადიმერ პერანიძემ წიგნში გამოყენებულია აგრეთვე ლევან ტავლალიშვილის, ნიკა შონიასა და ნიკა ხოფერიას მიერ მომზადებული მასალები სერია:თან საკითხავი ანთროპოლოგთა ერთი ნაწილი ამტკიცებს, რომ ცივილიზაცია ლუდის წყალობით გაჩნდა. როდესაც უძველესმა ხალხებმა აღმოაჩინეს, რომ მარცვლეულისაგან პურისა და ლუდის დამზადება შეიძლება, მათ მომთაბარე ცხოვრებას ერთ ადგილზე დამკვიდრება ამჯობინეს და მარცვლეულის მოყვანა დაიწყეს, რამაც კაცობრიობის საზოგადოებრივ განვითარებასა და მატერიალური კულტურის განვითარებას დაუდო სათავე.

ავტორი: ივანე ჯავახიშვილი   ივანე ჯავახიშვილის ნაშრომები – „მევენახეობა“ და „მეღვინეობა“ – მისივე მონოგრაფიის, „საქართველოს ეკონომიკური ისტორიის“ ნაწილებია.   ნაშრომში დეტალურადაა მიმოხილული მევენახეობა-მეღვინეობის დარგთან დაკავშირებული აბსოლუტურად ყველა სფერო: ტერმინოლოგიური და თეორიული საკითხები, ვაზის ჯიშების სახეობები და მათი გავრცელების არეალი, მოვლა-პატრონობისა და ღვინის დაყენების სხვადასხვა პრაქტიკული ნიუანსი და სხვ. ამას გარდა, საისტორიო წყაროების შეჯერების საფუძველზე, წარმოდგენილია მეტად საინტერესო და ამ დრომდე აქტუალური საკითხი – „ტერმინი ღვინო, მისი რაობა და წარმოშობის ისტორია“.   გამოცემას დართული აქვს საძიებლები და მევენახეობა-მეღვინეობის დარგთან დაკავშირებულ ტერმინთა განმარტებითი ლექსიკონი, აგრეთვე, ძველი საილუსტრაციო მასალის გარდა, წიგნში წარმოდგენილია სფეროსთან დაკავშირებული თანამედროვე ფოტოები.

ავტორი: კარლ სეიგანი   მთარგმნელი: ნოდარ მანჩხაშვილი 1997 წელს გამოქვეყნებულ პოპულარულ-სამეცნიერო ნაშრომში ამერიკელი მეცნიერი მიმოიხილავს ადამიანების მიერ კოსმოსის კვლევის საკითხებს. ის ამტკიცებს, რომ კაცობრიობის გადარჩენის უმთავრესი გზა შესაძლოა, სწორედ სხვა სამყაროების ჭკვიანურად „გამოყენებაზე“ გადიოდეს. ამ ამაღელვებელ წიგნში სეიგანი განმარტავს, როგორ შეცვალა სამეცნიერო აღმოჩენებმა ადამიანში როგორც საკუთარი თავის აღქმა, ისე მომავლის ხედვა. კარლ სეიგანი ასტრონომიისა და კოსმოსის კვლევის მეცნიერებათა დოქტორი, ასტროფიზიკოსი და მწერალი იყო. იკვლევდა გენეტიკის დარგს. ასევე, ჰქონდა ფიზიკის მაგისტრისა და ასტრონომიისა და ასტროფიზიკის დოქტორის ხარისხიც.  

ავტორი: კლიმიაშვილი აკაკი     წიგნი ეხება XVIII საუკუნის მეორე ნახევრში საქართველოს (ქართლ-კახეთის) სამხედრო ისტორიაში მომხდარ მნიშვნელოვან ფაქტს - მორიგე ლაშქრის შექმნის ისტორიის კვლევას. ეს მოვლენა ქართული შეიარაღებული ძალების ისტორიაში რეგულარული არმიის სისტემაზე გარდამავალი ეტაპია და ქართული სახელმწიფოებრიობისათვის გარდამტეხ პერიოდს უკავშირდება. ნაშრომს ერთვის საკითხთან დაკავშირებული ისტორიული დოკუმენტები (267 ერთეული). წიგნი განკუთვნილია საქართველოს ზოგადი და სამხედრო ისტორიის მკვლევართა ფართო წრისათვის.

kკარლო ბატას რედაქციით სერია: ლურჯი ოკეანე იმედის ჩასახვა, გრძნობების გაღვივება, მომავლის ჭვრეტით აწმყოზე მსჯელობა, უკეთესი სამყაროსკენ სწრაფვა და გამარჯვებისკენ დაუცხრომელი ლტოლვა _ ასეთია მამოძრავებელი იმპულსები იმ ბრწყინვალე მიმართვებისა, რომლებშიც ხორცშესხმულია მეორე მსოფლიო ომიდან დღემდე განვლილი ეპოქის სულისკვეთება. ამ მიმართვებში ასახულია განცდები და გრძნობები, რომლებიც თან სდევს ჩვენი სამყაროს უწყვეტ განვითარებას. კრებულში თავმოყრილი ოცდათვრამეტი მიმართვა მკითხველს შესაძლებლობას მისცემს, უფრო სიღრმისეულად ჩასწვდეს ეპოქას, ყურად იღოს გამოთქმული აზრები და მიჰბაძოს ამ სიტყვების ავტორთა მაგალითებს.

მკითხველს ვთავაზობთ ”მსოფლიოს ისტორიის“ ხუთტომეულს _ ხუთ წიგნად აკინძულ გამოცემას, რომელშიც ჩვენი სამყაროს თავგადასავალია მოთხრობილი, დასაბამიდან დღემდე. თხუთმეტი მილიარდი წლის წინათ მომხდარი ამბებით, პლანეტათა შექმნის ისტორიით ვიწყებთ თხრობას, ვაკვირდებით სიცოცხლის ჩასახვის საოცარ სურათს და მივყვებით სახეობათა ევოლუციის ჯაჭვს, რომლის ბოლოშიც მოქცეულა ადამიანი. დედამიწის სხვადასხვა კონტინენტზე არსებული უძველესი ცივილიზაციების ჩასახვის, განვითარებისა და დაღუპვის ძალზე საინტერესო ამბებს გავუყვებით; გადავშლით კაცობრიობის ისტორიის საამაყო და სამარცხვინო ფურცლებს გიამბობთ უდიდეს გეოგრაფიულ აღმოჩენებსა და კონტინენტების ათვისებაზე, კოლონიებისა და იმპერიების შექმნაზე, განმანათლებლობის ეპოქასა და რენესანსზე, ომებსა და რევოლუციებზე...”მსოფლიოს ისტორიის“ ეს გამოცემა მკითხველთა ფართო წრისთვისააგანკუთვნილი. მას ინტერესით გაეცნობა ყველა, ვინაიდან დაწერი-

ავტორი: ნილ მორისი, ნილ გრანტი, შონ კონოლი, ჯონ მალამი. მთარგმნელი: ეკატერინე სუმბათაშვილი   მკითხველს ვთავაზობთ ”მსოფლიოს ისტორიის“ ხუთტომეულს _ ხუთ წიგნად აკინძულ გამოცე- მას, რომელშიც ჩვენი სამყაროს თავგადასავა- ლია მოთხრობილი, დასაბამიდან დღემდე. თხუთმეტი მილიარდი წლის წინათ მომხდარი ამბებით, პლანეტათა შექმნის ისტორიით ვი- წყებთ თხრობას, ვაკვირდებით სიცოცხლის ჩა- სახვის საოცარ სურათს და მივყვებით სახეობათა ევოლუციის ჯაჭვს, რომლის ბოლოშიც მოქცე- ულა ადამიანი. დედამიწის სხვადასხვა კონტინენტზე არსებული უძველესი ცივილიზაციების ჩასახვის, განვითა- რებისა და დაღუპვის ძალზე საინტერესო ამბებს გავუყვებით; გადავშლით კაცობრიობის ისტო- რიის საამაყო და სამარცხვინო ფურცლებს _ გიამბობთ უდიდეს გეოგრაფიულ აღმოჩენებსა და კონტინენტების ათვისებაზე, კოლონიებისა და იმპერიების შექმნაზე, განმანათლებლობის ეპოქასა და რენესანსზე, ომებსა და რევოლუ- ციებზე... ”მსოფლიოს ისტორიის“ ეს გამოცემა მკითხველ- თა ფართო წრისთვისაა განკუთვნილი. მას ინ- ტერესით გაეცნობა ყველა, ვინაიდან დაწერი- ლია ლაკონიურად, ყველასთვის გასაგები ენით _ დიდი ამბები პატარ-პატარა თავებადაა დაყო- ფილი. წიგნი გაჯერებულია ილუსტრაციებით, უნიკალური ფოტომასალითა და კომპიუტერუ- ლი გრაფიკით შექმნილი გამოსახულებებით.

ავტორი: ოუენ ჰოპკინსი

ავტორი: ჯაბა სამუშია

წიგნის ავტორ-შემდგენელი კახმეგ კუდავა სერია: თან საკითხავი ეს წიგნი ნობელიანტ ფიზიკოსებზე მოგვითხრობს. მათი სახელი ეწოდა განტოლებებს და კანონებს, თეორიებსა და ფორმულებს, ტალღებსა და ნაწილაკებს, ეფექტებს, ელემენტებს, მოვლენებსა და ექსპერიმენტებს... ამ ადამიანებმა თავიანთი ცხოვრება მსოფლიოს განვითარებასა და პროგრესს მიუძღვნეს, ამიტომაც კაცობრიობას აქვს კეთილშობილური ვალი მათ წინაშე.      

ავტორი: დიმიტრი შველიძე   წიგნი ეხება საქართველოს ისტორიის საინტერესო სფეროს, როგორიცაა პოლიტიკური შეუღლებები. მეფეთა, დედოფალთა და ა.შ. წიგნში იხილავთ სტრატეგიულ გადაწყვეტილებებს, რომლებიც სხვადასხვა ქვეყნების მეფეთა და დიდგვაროვანთა შეუღლებებით სრულდებოდა.

ავტორი:ბერნარდ მორი მთარგმნელი: თამარ კვიჟინაძე ბერნარ ლ. მორი ნორვეგიელი ჟურნალისტი, რედაქტორი და მედია დეველოპერია. იგი რუსულ ენასა და ლიტერატურას ოსლოს უნივერსიტეტის ფილოლოგიის ფაკულტეტზე სწავლობდა. ბერნარი ასევე დაინტერესებულია მუსიკით. ის ჯგუფ Mohr-ის სოლისტი და გიტარისტია. 2006 წელს ბერნარ ლ. მორი ნორვეგიიდან მოსკოვში გადავიდა საცხოვრებლად და სამუშაოდ. მან ბევრი მოსკოველი მეგობარი შეიძინა. მათი უმეტესობა ქვეყნის მომავალს იმედიანად უყურებდა და ფიქრობდა, რომ რუსეთი ევროპული განვითარების გზით მიდიოდა. მას შემდეგ კი, რაც ვლადიმერ პუტინი ხელმეორედ აირჩიეს, მდგომარეობა უარესობისკენ შეიცვალა: პუტინმა კანონმდებლობა თავის ინტერესებს მოარგო, უკიდურესად შეზღუდა გამოხატვის თავისუფლება, ყირიმში განხორციელებული აგრესიით კი კიდევ ერთხელ დაამტკიცა, რომ რუსეთის ხელისუფლება სხვა სახელმწიფოთა მიწების მიტაცების იმპერიულ ტრადიციას „წარმატებით“ აგრძელებს ოცდამეერთე საუკუნეშიც. რატომ ირჩევენ რუსები პუტინს? რატომ უჭერენ მხარს იმ პრეზიდენტს, რომელიც მათ ფუნდამენტურ უფლებებს ართმევს? რატომ იზრდება ტოტალიტარული რეჟიმის მომხრე რუსების რიცხვი? – ეს არის მთავარი კითხვები, რომელზე პასუხის გასაცემად ბერნარ ლ. მორი ათი წლის შემდეგ მოსკოვში დაბრუნდა... გაზიარება 

ავტორი: დიმიტრი სილაქაძე სერია: თან საკითხავი 100 წლის წინ საქართველოში რუსეთის ჯარები შემოიჭრნენ. ომი ხუთი კვირის განმავლობაში გრძელდებოდა და საქართველოს ოკუპაციით დასრულდა. განცდილმა მარცხმა საქართველო 70-წლიან საბჭოთა ექსპერიმენტში ჩაითრია, რომლის შედეგებისგან ქართული საზოგადოება ბოლომდე ჯერაც არ გათავისუფლებულა. საბჭოთა პროპაგანდა მომხდარს ოკუპაციას არ უწოდებდა და ისე წარმოაჩენდა, თითქოს წითელარმიელები საქართველოს მოსახლეობას არასასურველი რეჟიმის დამხობაში დაეხმარნენ. ომს 70 წლის განმავლობაში ადამიანების მეხსიერებიდან განგებ აქრობდნენ და ყოველ 25 თებერვალს საქართველოს მოსახლეობას „გასაბჭოებას“ აზეიმებდნენ. ამ წიგნით მოგიყვებით რუსეთ-საქართველოს 1921 წლის ომის სამხედრო-პოლიტიკური ასპექტების, საგმირო ეპიზოდების, წარმატებული სამხედრო ოპერაციების, მძიმე შეცდომებისა თუ უბრალო ადამიანური ამბების შესახებ.

ავტორი: აკაკი გელაშვილი   ნაშრომი ეძღვნება 1812-1813 წლებში აღმოსავლეთ საქართველოში განვითარებულ მოვლენებს, რომელიც, ისე როგორც ზოგადად, XIX საუკუნის რუსეთის იმპერიის წინააღმდეგ მიმართული ბრძოლები, აჯანყების სახელით იყო ცნობილი. წიგნში განვითარებული და დაასაბუთებულია აზრი, რომ ეს იყო არა აჯანყება, არამედ საშინაო და საგარეო ფაქტორებზე კარგად გათვლილი, ორგანიზებული ომი, შემადგენელი ნაწილი და გაგრძელება იმ ეროვნულ-განმათავისუფლებელი მოძრაობისა, რომელსაც ქართველი ხალხი მთელი თავისი არსებობის მანძილზე ეწეოდა მრავალრიცხოვანი დამპყრობლის წინააღმდეგ და რომლის შედეგად „კავკასიის ტერიტორია მთლიანად ეკარგებოდა რუსეთს“.     ნაშრომი ეძღვნება 1812-1813 წლებში აღმოსავლეთ საქართველოში განვითარებულ მოვლენებს, რომელიც, ისე როგორც ზოგადად, XIX საუკუნის რუსეთის იმპერიის წინააღმდეგ მიმართული ბრძოლები, აჯანყების სახელით იყო ცნობილი. წიგნში განვითარებული და დაასაბუთებულია აზრი, რომ ეს იყო არა აჯანყება, არამედ საშინაო და საგარეო ფაქტორებზე კარგად გათვლილი, ორგანიზებული ომი, შემადგენელი ნაწილი და გაგრძელება იმ ეროვნულ-განმათავისუფლებელი მოძრაობისა, რომელსაც ქართველი ხალხი მთელი თავისი არსებობის მანძილზე ეწეოდა მრავალრიცხოვანი დამპყრობლის წინააღმდეგ და რომლის შედეგად „კავკასიის ტერიტორია მთლიანად ეკარგებოდა რუსეთს“.

ავტორი: რეიმონდ უაქსი მთარგმნელი: ეკა სუმბათაშვილი სერია: ძალიან მოკლე შესავალი სამართალი ჩვენი ცხოვრების ყველა სფეროს უკავშირდება. ის ნებისმიერი საზოგადოების ცხოვრების ბირთვია, იცავს უფლებებს, აკისრებს ვალდებულებებს, აწესებს სამოქმედო ჩარჩოებს თითქმის ყველა სახის სოციალური, პოლიტიკური და ეკონომიკური საქმიანობისთვის. მოცემული ტომი სერიიდან „ძალიან მოკლე შესავალი“ მიმოიხილავს სამართლის ძირითად შტოებს, აღწერს ადვოკატების საქმიანობას და სასამართლოების მოქმედების წესს, განიხილავს სამართლის მისწრაფებას სამართლიანობის, თავისუფლებისა და თანასწორობისკენ. ახალ გამოცემაში რეიმონდ უაქსი განიხილავს სამართლის მრავალრიცხოვან ასპექტს თანამედროვე მსოფლიოში, მათ შორის გლობალიზაციისა და ციფრული ტექნოლოგიების სახით არსებული გამოწვევების გათვალისწინებით და აფასებს სამართლის როლს იმ რისკების პირისპირ, რომლებიც ემუქრება როგორც ჩვენს თავისუფლებას, ისე უსაფრთხოებას.

ავტორი: გივი ეელიავა     წიგნი ქრონოლოგიურად წარმოგვიდგენს მარტვილის მხარეთმცოდნეობის მუზეუმის (დღეს გივი ელიავას სახელობის მარტვილის მხარეთმცოდნეობის მუზეუმი) დამაარსებლის, მრავალმხრივი მკვლევრის – ისტორიკოსის, მხარეთმცოდნისა და ეთნოგრაფის – გივი ელიავას 50-წლიანი სამეცნიერო მოღვაწეობის ამსახველ შრომებს სამეგრელოს შესახებ.ლიავა

ატლასი აერთიანებს სამეგრელოს ერთი ნაწილის – აბაშის, მარტვილის, სენაკისა და ჩხოროწყუს მუნიციპალიტეტების ტოპონიმიკურ რუკებს, რომლებიც მოამზადა ისტორიკოსმა და ეთნოგრაფმა, მარტვილის მხარეთმცოდნეობის მუზეუმის დამაარსებელმა გივი ელიავამ. ეს უნიკალური მასალა დღეისათვის ამავე მუზეუმშია დაცული.   ავტორის დიდი სურვილი იყო არა მარტო სამეგრელოს, არამედ საქართველოს ყველა კუთხის სრული ტოპონიმიკური ატლასების გამოცემა, მაგრამ, სამწუხაროდ, ეს მას არ დასცალდა.   ნიგნი ტოპონიმიკური მასალის ამგვარი სახით გამოცემის ერთ-ერთი პირველი შემთხვევაა ქართულ სინამდვილეში. ადგილთა სახელწოდებების პუბლიკაცია სათანადო რუკების თანხლებით ორიგინალური და ამავდროულად მომხმარებელთათვის დიდად პრაქტიკული საშუალებაა. ავტორი: გივი ელიავა გამოცემაში წარმოდგენილია როგორც ტოპონიმიკური რუკები, ისე ტოპონიმთა ჩამონათვალი და შესაბამისი დოკუმენტური ინფორმაცია. გამოცემა დიდ სამსახურს გაუწევს საქართველოს ისტორიით, გეოგრაფიით, ეთნოლოგიითა და ქართული ენათმეცნიერებით დაინტერესებულ საზოგადოებას.   აბაშის, სენაკისა და ჩხოროწყუს ტოპონიმიკური რუკები ქვეყნდება პირველად.

ავტორი: გივი ელიავა   წიგნი ქრონოლოგიურად წარმოგვიდგენს მარტვილის მხარეთმცოდნეობის მუზეუმის (დღეს გივი ელიავას სახელობის მარტვილის მხარეთმცოდნეობის მუზეუმი) დამაარსებლის, მრავალმხრივი მკვლევრის – ისტორიკოსის და ეთნოგრაფის – გივი ელიავას 50-წლიანი სამეცნიერო მოღვაწეობის ამსახველ მხარეთმცოდნეობით შრომებს სამეგრელოს შესახებ, მათ შორის მარტვილის მხარეთმცოდნეობის მუზეუმის დაარსების წინარე და შემდგომ 40-წლიან ისტორიას, მუზეუმის სამეცნიერო და შემოქმედებით ცხოვრებას, მჭიდრო ურთიერთობებს საქართველოსა და უცხოეთის გამოჩენილ მეცნიერებთან და ხელოვანებთან. გამოცემაში თავმოყრილია გივი ელიავას ეპისტოლარული მემკვიდრეობა, რომელიც თვალსაჩინოს ხდის იმ ბიუროკრატიულ წინააღმდეგობებს, ამასთანავე, მეცნიერულ თუ ადამიანურ თანადგომას, რომლითაც სავსე იყო მუზეუმის ცხოვრება. მკვლევარი საკუთარ ნაშრომებში ფართოდ მიმოიხილავს სამეგრელოს უმდიდრესი რეგიონის – მარტვილის მუნიციპალიტეტის – ბუნებრივი თუ ისტორიული ღირსშესანიშნაობანის მრავალმხრივი გამოყენების პერსპექტივას, რომელზედაც მისმა ავტორმა გაცილებით ადრე იფიქრა და იზრუნა, ვიდრე საქართველო ტურისტული ქვეყანა გახდებოდა.

კონსტანტინე გამსახურდია უმცროსის ახალი წიგნი - „სამშობლოსა და ერი-სახელმწიფოსთვის (ზვიად გამსახურდიას ბიოგრაფიული პორტრეტი)"   წიგნში გადმოცემულია ზვიად გამსახურდიას - მწერლის, მეცნიერის, საზოგადო მოღვაწის, დისიდენტისა და პრეზიდენტის - ბიოგრაფიული პორტრეტი რთული და მღელვარე ეპოქის შუქჭრილში, რომელშიც საქართველო იშვა, როგორც დამოუკიდებელი სახელმწიფო

ავტორი:რევაზ გაჩეჩილაძე   მონოგრაფიის მიზანია, მკითხველს აჩვენოს საქართველოს როლი და მნიშვნელობა რეგიონსა და მსოფლიოში. აქ განხილულია საქართველოს ისტორიული გეოპოლიტიკა და პოლიტიკურ-გეოგრაფიული ცვალებადობა; აგრეთვე ჩვენი ქვეყნის ოთხივე უშუალო მეზობლის ძირითადი პრობლემები და მათი ურთიერთობა საქართველოსთან. რევაზ გაჩეჩილაძე თბილისის სახელმწიფო უნივერსიტეტში პოლიტიკურ გეოგრაფიას ასწავლის. ის არის აღმოსავლეთმცოდნე-ისტორიკოსი, გეოგრაფი და დიპლომატი. 1998-2020 წწ.-ში იყო საქართველოს სრულუფლებიანი ელჩი სხვადასხვა ქვეყანაში. რევაზ გაჩეჩილაძე საქართველოს მეცნიერებათა ეროვნული აკადემიის აკადემიკოსი და 200-მდე სამეცნიერო ნაშრომის ავტორია.

"საქართველოს ისტორიის ატლასი" პირველად 2003 წლის ბოლოს გამოიცა. წინამდებარე გამოცემა, ფაქტობრივად, ატლასის მეორე რედაქციაა. წიგნში ჩასწორდა შემჩნეული უზისტობები რუკებზე, შეივსო ბიბლიოგრაფია, რომელიც ეხება საქართველოს ისტორიული გეოგრაფიის პრობლემატიკას, ატლასს დაერთო საძიებელი. ყოველი ეს შრომატევადი სამუშაო შესრულდა ა. თორდიას და გ.ჭეიშვილის მიერ. "განმარტებითი ტექსტის" საბოლოო რედაქცია ეკუთვნის მ. მუსხელიშვილის.