ავტორი: ეკჰარტ ტოლე სერია: ლურჯი ოკეანე მთარგმნელი: ხათუნა ბასილაშვილი იმისათვის, რომ აწმყოს ძალაში შესვლა შევძლოთ, ჩვენს ანალიტიკურ გონებასა და მის მიერ შექმნილ ყალბ მე-ზე – ეგოზე – უარი უნდა ვთქვათ. ამ საოცარი წიგნის პირველივე გვერდები ახალ სიმაღლეზე აგვიყვანს, იქ, სადაც უფრო სუფთა და მსუბუქ ჰაერს ჩავისუნთქავთ, ჩვენი ყოფიერების ურღვევ არსს - „მარადიულ, ყველგან მყოფ, სიცოცხლის უთვალავი ფორმის მიღმა დავანებულ ერთ სიცოცხლეს ვუკავშირდებით; იმ სიცოცხლეების მიღმა, რომლებიც იშობა და კვდება“. მართალია, ეს მოგზაურობა ადვილი არ არის და უამრავი გამოწვევის წინაშე გვაყენებს,.

ავტორი:მარშალ გოლდსმითი უნარები და ჩვევები, რამაც ჩვენი წარმატება და სატატუსი განაპირობა, შესაძლოა, შემდგომი წინსვლისთვის აღარ იყოს საკმარისი, - ასე ფიქორბს მარშალ გოლდსმითი, მსოფლიოში ერთ-ერთი ყველაზე გავლენიანი და აღიარებული ბიზნესმოაზროვნე. წიგნი ერთგვარი სახელმძღვანელოა, რომელშიც გოდლმისთი წარმატების თანმდევ ფუნდამუნტურ პრობლემებს განიხილავს. ის გამოჰყოფს ოც ძირითად ქცევასა და ჩვევას რაც ხელ უშლის წარმატებული ლიდერებს შემდგომი მიზნების მიღწევაში და გვთავაზობს ინტერპერსონალური განვითარების შვიდსაფეხურიან მეთოდს...

ავტორი: ბერთ ნიქსი მთარგმნელი: არჩილ რაჭველი სერია:ლიბერქიდსი   ერდასის სამეფოში მხოლოდ რჩეულებს ჰყავთ საკუთარი მეომარი ცხოველი. აბეკე, კონორი, მეილინი და როლანი, სწორედ ასეთები არიან. თუმცა ოთხფეხა მეგობრების დამორჩილების უნარი დიდ პასუხისმგებლობასაც აკისრებს მათ - მეგობრებმა თავიანთი ნიჭი სამეფოსა და, მთლიანად, დედამიწის გადასარჩენად უნდა გამოიყენონ.და აი, ისინი გზაში არიან! მტრის ტერიტორიაზე შეღწევა, ბოროტ ძალებთან შერკინება ადვილი არ იქნება. დიდი თავგადასავალი გრძელდება!

ავტორი: გიორგი კეკელიძე

ავტორი: დიანა ანფიმიადი "აგვისტოს ბუღს გაექეცი და სოფლის სიგრილეს აფარებ თავს? სწორი გადაწყვეტილებაა. რა შეიძლება იყოს ზაფხულზე, თავისუფლებაზე, სოფელზე და ბებიასთან ჩახუტებაზე ტკბილი და სანატრელი?! პატარა ოლღას არდადეგები სავსეა ფერადი და თავგადასავლებიანი დღეებით, ტყაშმაფასა და ოჩოკოჩის, მინდვრის ბატონისა და მინდიას სულმოუთქმელად მოსასმენი ამბებით, რომლებსაც ბებიასავით ვერავინ ჰყვება, და გემრიელობებით, რომელთა მსგავსსაც ამქვეყნად, ბებიას გარდა, ვერავინ აცხობს. თუმცა შენც შეგიძლია დაიკაპიწო ხელები და სამზარეულოს მიაშურო - ამ წიგნში ბებია თავის საიდუმლოებებს გაგიმხელს და ამ ცოდნით შეიარაღებული თავს ნამდვილ ჯადოქრად იგრძნობ. მაგრამ ეს ყველაფერი არ არის. ამ წიგნში წაიკითხავ, რომ თითოეული დღე შეგიძლია ჯადოსნურ დღედ აქციო, მითუმეტეს, თუ ისეთი თანამოაზრე გყავს, როგორიც მოსიყვარულე და ხალისიანი ბებიაა."

ავტორი: იასმინა რეზა მთარგმნელი: ნინო ციმაკურიძე სერია: ლიტერატურული ოდისეა სულაკაურის გამომცემლობა თანამედროვე ფრანგი მწერლის, იასმინა რეზას შემოქმედება მრავალფეროვანია: წერს რომანებს, ნოველებს, პიესებსა და სცენარებს, იღებენ ფილმებში. მიღებული აქვს არაერთი საერთაშორისო ჯილდო. მისი ცნობილი რომანის, „ბაბილონის“, მთავარი პერსონაჟი, პარიზის გარეუბანში მცხოვრები სამოცი წლის ბიოლოგი ელიზაბეტ ჟოზი შინ „გაზაფხულის დღესასწაულს“ მართავს. გაზაფხულის პირველ დღეს პარიზში თოვს, მოდიან სტუმრები, თანდათან აეწყობა საუბარი, იცინიან, წარსულს იხსენებენ, კამათობენ, ერთმანეთს თავს აწონებენ – შაბათი საღამოს ჩვეულებრივი წვეულებაა. მაგრამ იმ ღამით მომხდარი ტრაგედია ცხადყოფს, რატომ უკავშირდება რომანის სათაური ბიბლიურ ფსალმუნს, რომელიც გვიყვება მარტოობაზე, საყვარელი ადამიანებისა თუ ადგილებისგან შორს ყოფნაზე. ეს არის რომანი ასაკოვან ხალხზე, რომლებიც ვეღარ დაიბრუნებენ ახალგაზრდობას; ადამიანებზე, რომლებსაც ერთი უნებლიე ჟესტი ან დაუფიქრებელი ნაბიჯი მარტოობისთვის გაწირავს; თანამედროვე სამყაროში გაბატონებულ გულგრილობასა და ადამიანური თანაგრძნობის ნაკლებობაზე. „რა მნიშვნელობა აქვს, ვინ ვართ, რას ვფიქრობთ, რანი გავხდებით? სადღაც ვიმყოფებით, რაიმე პეიზაჟის ფონზე, იმ დღემდე, როდესაც იქ აღარ ვიქნებით“, – გვეუბნება ავტორი. „ბაბილონი“ 2016 წელს, გამოსვლისთანავე, „რენოდოს“ ლიტერატურული პრემიით აღინიშნა.

ავტორი: რეი ბრედბერი სერია: იკითხე კლასიკა წიგნი ინგლისურიდან თარგმნა თამარ კოტრიკაძემ. „არ მინდა თქმა, რომ ბრედბერი ბავშვობისგან რომანტიკულ მითს არ ქმნის; პირიქით, სწორედ ამას აკეთებს. თავისთავად, ბავშვობა ბევრი ჩვენგანისთვის მითია. გვეჩვენება, რომ გვახსოვს, რაც თავს გადაგვხდენია იმ დროს, მაგრამ, სინამდვილეში, ასე არ არის. მიზეზი უბრალოა: მაშინ ყველა შერეკილი ვიყავით – ბავშვობაში იბადება მითი“. – სტივენ კინგი

ავტორი:  როინ მეტრეველი   ამ პატარა წიგნში გადმოცემულია უძველესი ქართული საგვარეულოს – ბაგრატიონების მოკლე ისტორია, მათი მოღვაწეობა, წარმომავლობა, პოლიტიკურ სარბიელზე გამოჩენა და სამეფო პატივში ზეობის ფაქტები. ნაჩვენებია ის დიდი ღვაწლი, რომელიც ამ საგვარეულოს წარმომადგენლებს მიუძღვით ხელოვნების, მეცნიერებისა და ტექნიკის განვითარებაში, ის ამაგი, რაც ბაგრატიონებმა ქვეყნის წინსვლის საგანძურში შეიტანეს.

ავტორი : ცოტნე ავსაჯანიშვილი   „ბავშვები კორტესარის მთიდან“ მცირე რომანია, რომელშიც მკითხველი სიურრეალისტურ ქალაქ მონტელუს ეცნობა. ქალაქში ფანტასმაგორიული ამბები ხდება. ქალაქის მთავარ მთას კორტესარის მთა ჰქვია. სწორედ ამ ადგილას იკრიბებიან ვაჩე, გრასუნა, ტყუპი მიგრანტები – ჟელი და ბონი. მათი ამბების ფონზე ავტორი, თითქოს შემთხვევით, სოციალურ პრობლემებსაც ეხება. რომანის მეორე ნაწილში განვითარებული პოლიტიკური პერიპეტიების კარიკატურულობა ერთდროულად სიცილსაც იწვევს და თან შორეულად თბილისის უახლეს ისტორიასაც მოაგონებს მკითხველს. როგორ აღმოჩნდნენ უკვე გაზრდილი ბავშვები კორტესარის მთიდან ავანტიურისტული სამხედრო აჯანყების მონაწილენი და როგორ გაიყო ბავშვობის მეგობრების გზები? იქნებ მთელი ამ ამბოხის მიღმა პირადი შურისძიება დგას? ამ კითხვებზე პასუხს მკითხველი რომანში იპოვის. ცოტნე ავსაჯანიშვილის სადებიუტო წიგნი, რომელიც მოთხრობებსა და მცირე რომანს აერთიანებს, საინტერესო და არაორდინარულ პერსონაჟთა პალიტრითა და ორიგინალური იუმორით გამოირჩევა. მოთხრობების სიუჟეტი დინამიკურია და დასასრული – ხშირად მოულოდნელი. ყურადღებას იქცევს ენობრივი ქსოვილიც – ყოველდღიური, სასაუბრო მეტყველება პერსონაჟებს კიდევ უფრო ნაცნობსა და ახლობელს ხდის მკითხველისთვის.

ზიგმუნდ ფროიდის კლინიკური და თეორიული აღმოჩენები მეოცე საუკუნის გარიჟრაჟზე აფუძნებენ ფსიქოანალიზს, როგორც მოძღვრებას, რომელმაც ყველაზე დიდი წვლილი შეიტანა ადამიანის ფსიქიკური ცხოვრების, მისი ნორმისა და პათოლოგიის შინაგანი მექანიზმების გაგების საქმეში. ფსიქოანალიზის ძირითადი კონცეპტები, რომლებიც ქმნიან უკიდურესად რთულ თეორიულ ნაგებობას, ემყარება როგორც ბავშვობის ასაკის, ასევე ბავშვის კვლევას იმ კულტურული, ოჯახური და ენობრივი გარემოს გათვალისწინებით რომელშიც ის ცხოვრობს და ვითარდება, როგორც ენისა და სურვილის სუბიექტი. ეს წიგნი სწორედ ბავშვთა ფსიქოანალიზს ეძღვნება და აერთიანებს ფრანგ ფსიქოანალიტიკოსთა ნაშრომებს, როგორც თანამედროვე, ასევე კლასიკოს მკვლევარებს ლაკანიანური თუ სხვა ფსიქოანალიტიკური სკოლებიდან საფრანგეთში, რაც ქართველი მკითხველისთვის წარმოადგენს უნიკალურ შესაძლებლობას გაეცნოს ბავშვთა ფსიქოანალიზის ფრანგულ სკოლას, გამორჩეულს განსაკუთრებული სიღრმითა და დახვეწილი კონცეპტუალური სისტემით, რომელიც ცენტრალურ მნიშვნელობას სუბიექტს, ენობრივ გარემოსა და მშობლების როლს ანიჭებს ბავშვის ფსიქიკურ ცხოვრებაში. წიგნი განკუთვნილია, როგორც ფსიქოლოგების, ფსიქოანალიტიკოსების, პედაგოგებისა და განათლების სფეროს წარმომადგენლებისათვის, ასევე მშობლებისა და ბავშვებთან მომუშავე კლინიკური ფსიქოლოგებისათვის. კრებულში გაერთიანებული ფრანგ ავტორთა ნაშრომები ასოციაცია “ქართული ფსიქოანალიტიკური სივრცის“ წევრებმა თარგმნეს, რომელიც აზროვნების აკადემიის თანადგომით გამოიცა.

ავტორი: გრეგ ჯეიმზი მთარგმნელი: ანა ჭიჭინაძე სერია: ლიბერქიდსი   "არ გ ჯერა? მერფ კუპერი სწორედ ამის მაგალითია. „მომიყვანეთ ბავშვი ჩვეულებრივი!“ ყველა გმირს როდი აქვს სუპერძალა მას აქეთ რაც ბავშვი ჩვეულებრივი გახდა მეგობარ სუპერვირებთან ერთად ბოროტმოქმედებზე ნადირობს. თუმცა გმირობა ყოველთვის ადვილი არ არის... შორს, გასაიდუმლოებულ ციხეში, მსოფლიოს ყველაზე საშიშმა ნაძირალამ ოცდაათწლიანი დუმილი დაარღვია. რა თქვა პირველად? -"

ავტორი: ჟოანა გრუდა მთარგმნელი: თამარ ხოსრუაშვილი ჟოანა გრუდა თეატრის მსახიობი და მთარგმნელია. იგი პოლონეთში დაიბადა და ორი წლის ასაკში მშობლებთან ერთად გემით ჩავიდა კანადის ქალაქ ტრუა-რივიერში, სადაც ამჟამად ცხოვრობს. წიგნში “ბავშვი, რომელიც ძაღლების ენაზე ლაპარაკობდა” იგი მოგვითხრობს ნამდვილ ამბავს მამამისის, პოლონელი ებრაელის შესახებ, რომელმაც საოცარი ცხოვრება გამოიარა – ისეთი, რომელსაც ვერანაირი ფანტაზია ვერ გამოიგონებსო, აღნიშნავენ ჟურნალისტები. ამ ცხოვრებაში იყო მეორე მსოფლიო ომის წინა პერიოდის ვარშავა, დევნილი კომუნისტური პარტია, პოლონელებისა და რუსი კომუნისტების ურთიერთობა სტალინის პერიოდში, შემდეგ ომი, ოკუპირებული პარიზი, საფრანგეთის პროვინციებში დამალვა, გათავისუფლება, ნანგრევებად ქცეულ პოლონეთში დაბრუნება. ეს არის ამბავი ბავშვზე, რომელმაც მრავალი სახელი და გვარი, გამოგონილი ბიოგრაფია, ოჯახი, საცხოვრებელი ადგილი გამოიცვალა, რომელიც ზოგჯერ საკუთარი მოხერხებულობის, თვითგადარჩენის ინსტინქტის და ზოგჯერ უბრალოდ შემთხვევითობის წყალობით გადარჩა ცოცხალი. საოცარია ბავშვის თვალით აღქმული ისტორიული მოვლენები, ომი – არაჰუმანური და ჰუმანური, დამპყრობელი – მტრული და მეგობრული, თანამემამულეები – პატრიოტები და გამომრჩენები, პოლიტიკური მრწამსი – კეთილშობილური და მიუღებელი...

ავტორი: დევიდ ააკერი, კრისტინ მურმენი სერია: ლურჯი ოკეანე თანამედროვე ბრენდინგის მამად წოდებული დევიდ ააკერის ერთ-ერთი ყველაზე მნიშვნელოვანი სახელმძღვანელო, "ბაზრის სტარტეგიული მართვა", მოიცავს 21-ე საუკუნის ბიზნესსამყაროში ორიენტირებისათვის საჭირო ისეთ მნიშვნელოვან თემებს, როგორებიცაა სტარტეგიული მარკეტინგი, ბაზრის სტარტეგიული ანალიზი, ინოვაციები, მდგრადი უპირატესობის მოპოვება და აშ.

ავტორი: კოკა ქამუშაძე კოკა ქამუშაძის სადებიუტო რომანი „ბალა(ნ)და“ თანამედროვე საქართველოს ერთ-ერთი ყველაზე დახურული სისტემის – ციხის – კარს გვიღებს. მთავარი გმირი არაფრით გამორჩეული თბილისელი ბიჭი ლევან კაკაბაძეა, რომელიც სრულიად მოულოდნელად აღმოჩნდება ამ ბნელ, მისთვის უცხო და საშიშროებით მოცულ გარემოში და თანდათან გაიგებს, როგორია 15 კაცთან ერთად პატარა ოთახში ცხოვრება და იქ შინაგანი თავისუფლების პოვნა; მკითხველი კი მიხვდება, რომ ყველაფერი, რაც ციხის ცხოვრებაზე გაუგია, არაფერია იმასთან შედარებით, რაც იქ რეალურად ხდება. ეს სამყარო ბევრად უფრო საზარელია, ვიდრე მისი აღქმა ჩვენს წარმოსახვას შეუძლია. ავტორი მსუბუქად, იუმორით გვიყვება ძნელი ადამიანური ამბების შესახებ და მიუხედავად ამ ისტორიების სიმძიმისა, იმედის ნაპერწკალს არასდროს კარგავს. კოკა ქამუშაძე განათლებით ბიზნესის ადმინისტრირების სპეციალისტია და ამჟამად „თიბისი ჯგუფში“ მუშაობს. ამავდროულად, კითხულობს ლექციებს საქართველოს საზოგადოებრივ საქმეთა ინსტიტუტში და ბიზნესისა და ტექნოლოგიების უნივერსიტეტში მარკეტინგის მიმართულებით.

ავტორი: ერნე სვინგენი მთარგმნელი: თამარ კვიჟინაძე სერია: საოცრება გამომცემლობა: ბაკურ სულაკაურის გამომცემლობა ყდა: რბილი არნე სვინგენი თანამედროვე ნორვეგიელი მწერალია. ის ახალგაზრდა თაობის ერთ-ერთი საყვარელი ავტორია და მისი ნაწარმოებები დიდი პოპულარობით სარგებლობს ნორვეგიაში. ამ წიგნის დამსახურებით კი მწერალმა მრავალ ქვეყანაში გაითქვა სახელი. „ბალადა გატეხილ ცხვირზე“ სიმამაცის, შიშის, სპორტისა და მუსიკის შესახებ მოთხრობილი ამბავია, მაგრამ ყველაზე მეტად ისეთი დღეების შესახებ, როცა მოულოდნელად აცნობიერებ, რომ შენი ცხოვრება სამუდამოდ შეიცვალა. ცამეტი წლის ბარტს მეტად რთული ცხოვრება აქვს, მაგრამ ის ყოველთვის ოპტიმისტად რჩება, რადგან  ერთი რამ ზუსტად იცის: გულგატეხილობითა და მოწყენით ვერაფერს შეცვლის. დედას სურს, ბარტმა კრივი ისწავლოს, რათა თავის დაცვა შეძლოს, მაგრამ ბიჭს თავდაცვა სხვაგვარად ესმის: ეს არის დადებითი განწყობა და… ოპერა.

ავტორი: ნიკ ქეივი მთარგმნელი: გურამ ღონღაძე სერია: ლიტერატურული ოდისეა გამომცემლობა: ბაკურ სულაკაურის გამომცემლობა

ავტორი: ჟ. მ. კუტზეე მთარგმნელი: მეგი გავისონია მცხუნვარე მზის გულზე გადაჭიმული იმპერიის სასაზღვრო გარნიზონში ჩაგუბებული სიმშვიდე ამ წიგნის პირველივე წინადადებიდან ირღვევა. ადამიანი თვალებზე აფარებული შავი შუშის დისკოებით, აპოკალიფსის რომელიღაც მხედარივით ჩამოიქროლებს და თან მივიწყებული მტრის ხატსა და ახალ წესრიგს მოიტანს. იმპერიის გასაძლიერებლად ყველა ხილული თუ გამოგონილი საფრთხე უნდა განადგურდეს, აღიგავოს მიწისაგან და ისევე მიეცეს დავიწყებას, როგორც იმის ხსოვნა, რომ ოდესღაც, ეს ქვიშის კუბოში ჩაწოლილი უდაბნო, უკიდეგანოდ გადაჭიმული ოკეანის სანაპირო იყო. ნობელის პრემიის ლაურეატ ჯ. მ. კუტზეეს „ბარბაროსების მოლოდინში“ გამომცემლობა „პინგვინის“ სერია „მეოცე საუკუნის საუკეთესო წიგნების“ ოცეულშია შეტანილი. 1982 წელს ნაწარმოები ნომინირებული იყო ფილიპ დიკის პრემიაზე, ხოლო ნობელის პრემიის კომიტეტის კომენტარი ამგვარი გახლდათ: „ჯოზეფ კონრადის საუკეთესო ტრადიციით შექმნილი პოლიტიკური ტრილერი, რომელშიც მიამიტი იდეალისტი ჯოჯოხეთის კარიბჭეს შეაღებს“.

ავტორი: იოანე ხრისავგისი   უდავოა, რომ მართლმადიდებელ ეკლესიას შეუძლია ჩვენს სამყაროში მნიშვნელოვანი როლი შეასრულოს; მას შეუძლია იყოს მასზე მინდობილი ხალხების კრიტიკული და წინასწარმეტყველური სინდისი. თუმცა, ამისთვის მან, პირველ ყოვლისა, თავი უნდა აარიდოს ვიწრო სამრევლო მიდგომებისა და ნაციონალიზმის გაკერპებას, რათა უფრო ფართო, მსოფლიო მართლმადიდებლობა მოიცვას. მეტიც, მართლმადიდებელმა ეკლესიამ უნდა ისწავლოს ერთი ხმით ლაპარაკი, რათა მისი გაიგონონ და მის სიტყვას მნიშვნელობა ჰქონდეს.   აქ იკვეთება მსოფლიო საპატრიარქოს მნიშვნელობა; სწორედ ესაა მსოფლიო პატრიარქ ბართლომეოსის მისია თავისი მართლმადიდებელთაშორისი კონფერენციებით, მწყემსმთავართა სინაქსისებით, ეპისკოპოსთა კრებებითა და კრეტის წმინდა და დიდი კრებით. მსოფლიო საპატრიარქოს წინამძღვრობით მართლმადიდებელმა ეკლესიამ შეიძლება შეწყვიტოს წარსულისკენ ორიენტირებულ ინსტიტუციად ყოფნა და სანაცვლოდ დაამტკიცოს, რომ ის არის ევანგელიზაციით დატვირთული ინსტიტუცია, რომელიც აღდგომის სიცოცხლისა და იმედის მოწმეა და აწმყოში არსებობს მთელი მსოფლიოს ცხოვრებისათვის.

ავტორი: რუდოლფ რასპე მთარგმნელი: მზია ერისთავი სერია: მოსწავლის ბიბლიოთეკა   ვინ არ იცნობს ბარონ მიუნჰაუზენს და მის საოცარ თავგადასავლებს?! სამფეხა ადამიანებთანაც უცხოვრია და ყველის კუნძულზეც ; ირემიც უნახავს, თავზე ხე რომ ამოუვიდა და ორჯერ მთვარეზეც უმოგზაურია… სად აღარ ყოფილა, რა ფათერაკი არ გადახდენია თავს, მაგრამ თავისი მოხერხებულობის წყალობით ყოველთვის უპოვია გამოსავალი. ბარონი მიუნჰაუზენი – დიდცხვირა, ჩია ბერიკაცი ნამდვილად ცხოვრობდა გერმანიაში XVIII საუკუნეში და მართლაც უყვებოდა თავის მეზობლებს საოცარ ისტორიებს. ამ ცრუპენტელა ბარონის დაუჯერებელი ამბები რუდოლფ ერიხ რასპემ შეკრიბა და წიგნად გამოსცა. ეს წიგნი დროთა განმავლობაში საბავშვო კლასიკად იქცა, ბარონი მიუნჰაუზენი ბავშვების საყვარელი გმირი გახდა და აგერ უკვე მერამდენე თაობას აკვირვებს და ამხიარულებს თავისი არაჩვეულებრივი თავგადასავლებით. მოსწავლის ბიბლიოთეკა  მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.

ავტორი: ართურ კონან დოილი მთარგმნელი: ელგუჯა მაღრაძე სერია: მოსწავლის ბიბლიოთეკა სერ ჩარლზ ბასკერვილის გვამი მისსავე საგვარეულო მამულში, დევონშირში, იპოვეს. ექიმი მორტიმერის გადმოცემით, გარდაცვლილს შიში ჩასდგომოდა თვალებში. სიკვდილის მიზეზი ბურუსით იყო მოცული, მხოლოდ ერთადერთი და საკმაოდ უცნაური სამხილი იპოვეს: უზარმაზარი ცხოველის ნაკვალევი. ჰოლმსის თხოვნით, უოტსონი ბასკერვილ-ჰოლში მიემგზავრება და ცდილობს გაარკვიოს, რა კავშირია იმ ლეგენდებსა და სიმართლეს შორის, ბასკერვილების საგვარეულოს რომ უკავშირდება. გამოძიებისას უოტსონის სიცოცხლეც კი საფრთხეშია, თუმცა მას შერლოკ ჰოლმსი იხსნის თავისი განუმეორებელი ინტუიციისა და გამჭრიახობის წყალობით. „ბასკერვილების ძაღლი“ ართურ კონან დოილის ერთ-ერთი ყველაზე შიშისმომგვრელი და მომაჯადოებელი ნაწარმოებია. მოსწავლის ბიბლიოთეკა  მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.

ავტორი: გილიან ფლინი მთარგმნელი: კონსტანტინე შარვაშიძე სერია: TOP თრილერი კამილ პრიკერი, ჩიკაგოს ერთ-ერთი რიგითი გაზეთის არც ისე მოწინავე რეპორტიორი, ბრწყინვალე კარიერასა და მაღალ ხელფასზე ოცნებობს და მარჯვე შემთხვევაც მიეცა - ერთ პატარა ქალაქში ვიღაც მანიაკი პატარა გოგონებს ხოცავს და კამილმა მკითხველს სენსაციური ამბები ამ ქალაქში დაიბადა და გაიზარდა და კარგად იცის, ვინ რისი გამკეთებელია, ვინ არ არის წმინდა სულის... ისიც დიდი მონდომებით შეუდგება მკვლელობების დეტალების გამოქექვას და მისი კოშმარიც აქედან იწყება, კოშმარი, რომლისგანაც თავის დაღწევას, ვინ იცის, მოახერხებს?

ავტორი: აბდ ორ-რაჰმან ჯამი სერია: სხვა კლასია   „ბაჰარესთანი“ სპარსული ლიტერატურის კლასიკოსის აბდ ორ-რაჰმან ჯამის (1414-1492) უმთავრეს დიდაქტიკურ თხზულებად ითვლება, რომელშიც გადმოცემულია სხვადასხვა სახის შეგონებანი, შუა საუკუნეების აღმოსავლური მისტიციზმის თვალსაჩინო წარმომადგენელთა მოსაზრებები და უაღრესად მახვილგონივრული იგავ-არაკები, ამ თხზულებაშივე მოცემულია ჯამის წინამორბედ პოეტთა ერთგვარი ანთოლოგია.   ჯამის მონუმენტური და მრავალშრიანი მხატვრული სამყაროს სრულყოფილად შეცნობა „ბაჰარესთანის“ გარეშე წარმოუდგენელია. ამავდროულად ამ ნაწარმოებს სპარსული ლიტერატურის ცნობილ წიგნთა თანავარსკვლავედში საპატიო ადგილი უჭირავს და ექვსი საუკუნის შემდეგაც ინარჩუნებს დიდ მხატვრულ მნიშვნელობას და პოეტურ ძალმოსილებას.   „ბაჰარესთანის“ წინამდებარე თარგმანი, რომელიც ქართულ ენაზე პირველად შესრულდა, ითვალისწინებს ჯამის შემოქმედების კვლევის ქართულ, სპარსულ და ევროპულ ტრადიციებს. გარდა ამისა, თარგმანში აღდგენილია დედნისეულ ტექსტში ირანული ცენზურის მიერ წაშლილი ცალკეული ეროტიკული და სკაბრეზული პასაჟები.   სპარსულიდან თარგმნა, წინასიტყვაობა და კომენტარები დაურთო გიორგი ხულორდავამ

ავტორი: თამრი ფხაკაძე მალე მაწანწალების უფლისწულს, მოხერხებულ, მახვილგონიერ და კეთილ ბიჭუნას, რომელთან ერთადაც დიდ თავგადასავალში გაეხვევით. წიგნის გმირებთან ერთად წარმოუდგენელ ქალაქში გადასახლდებით, სადაც ხან ცრუპენტელების ქუჩაზე აღმოჩნდებით, ხან ჭორისუბანში, ხან ალალმართალთა შესახვევში ამოყოფთ თავს და ხან ტრაბახის გამზირზე... ვის არ გაიცნობთ: დოდი ღვეზელყლაპიას, ბიცოლა დარიჩინას, ყაჩაღების უფროს ბარნაბას, პოლიციელ კაპიტონს, ქალბატონ ღვარღვარას გულჩვილთა ქუჩიდან, ფოსტალიონ ჩიტოს...

ავტორი: ფრედრიკ ბაკმანი მთარგმნელი: პაატა ჩხეიძე სერია: წლის ბესტსელერი ელსას, საოცრად საზრიან გოგონას, თავისი სუპერგმირი ჰყავს - ბებია, სხვათა აზრით, უხიაგი, სინამდვილეში კი სიმართლის მთქმელი და წესების მოყვარულების, პედანტების დაუძინელბელი მტერი... კიდევ, ბებიას ზღაპრების მოყოლა უყვარს: მის ზღაპრულ ქვეყანაში რაინდებიც არიან და ურჩხულებიც, პრინცებიც და პრინცესებიც, კეთილებიც და ბოროტებიც, მაგრამ, როგორც ყველა ზღაპარში, იმ ქვეყანაშიც სიყვარული და მეგობრობა იმარჯვებს. ბებიამ ასწავლა ელსას თანაგრძნობა, მეგობრობა, ერთგულება და, რაც მთავარია, მიტევება.