ავტორი:ქეით ატკინსონი მთარგმნელი: მანანა კვესელავა სერია: TOP თრილერი   საქმე N1: სამი წლის გოგონას გაუჩინარება. საქმე N2: ცნობილი ადვოკატის ქალიშვილის უცნაური მკვლელობა. საქმე N3: სოფლად მცხოვრები ახალგაზრდა ცოლ-ქმრის ოჯახში დატრიალებული სისხლიანი ტრაგედია. თითქოს ამ დანაშაულებს შორის კავშირი არ ჩანს, მაგრამ მოულოდნელად, 34 წლის შემდეგ, კერძო დეტექტივი, ჯექსონ ბროდი, გამოძიებას იწყებს. კვალი გოგონების ახლობლებთან მიდის. თურმე ყველა მათგანს აქვს რაღაც დასამალი წარსულიდან... ქეით ატკინსონი მსოფლიოში ცნობილი ბესტსელერების ავტორია. 2004 წელს ბრიტანელმა მწერალმა „გაუხსნელი საქმეებისთვის“ ორი პრესტიჟული ჯილდო მიიღო: Saltire Book of the Year Award და Prix West ¬minster. მისი რომანების მიხედვით, სადაც მთავარი გმირი კერძო დეტექტივი ჯექსონ ბროდია, BBC-მ მრავალსერიიანი ფილმი „გაუხსნელი საქმეები“ გადაიღო. ქეით ატკინსონი არაერთი პრემიის მფლობელია, მათ შორის: Costa Novel Award, Orange Prize.

ავტორი: ისმაილ კადარე მთარგმნელი: პაატა ჯავახიშვილი   რომან „გახლეჩილი აპრილის“ მთავარმა გმირმა, ალბანეთის მთიანეთის მკვიდრმა, 26 წლის ჯორჯ ბერიშამ საუკუნეების განმავლობაში ჩამოყა­ლიბებული ადათების კოდექსის, „კანუნის“, უმკაცრესი წესების თანახმად მოკლული უფროსი ძმის სისხლი უნდა აიღოს – გზაზე ჩაუსაფრდეს მკვლელს და თოფი ესროლოს. ამ წესს რომ აღასრულებს, 30 დღის გასვლის შემდეგ თავად ის უნდა მოკლას მოსისხლე ოჯახის წევრმა და ასე დაუსრულებლად… ამ დროს ზეგანზე ეტლით მოგზაურობს ქალაქელი ახალგაზრდა წყვილი, რომელიც თაფლობის თვეს ატარებს და თან მთის მკაცრ ადათ-წესებს შეისწავლის. პატარძლისთვის ეს საშინელი წესები მიუღებელია. ქმრის მონათხრობი მისთვის რეალურ სახეს მაშინ იღებს, როდესაც გზაზე გადაეყრებიან რომანის მთავარ გმირს და მათი მზერა ერთმანეთს შეხვდება…

ავტორი: ისმაილ კადარე სერია: ლიტერატურული ოდისეა მთარგმნელი: პაატა ჯავახიშვილი გამომცემლობა: ბაკურ სულაკაურის გამომცემლობა რომან „გახლეჩილი აპრილის“ მთავარმა გმირმა, ალბანეთის მთიანეთის მკვიდრმა, 26 წლის ჯორჯ ბერიშამ საუკუნეების მანძილზე ჩამოყალიბებული ადათების კოდექსის, „კანუნის“, უმკაცრესი წესების თანახმად მოკლული უფროსი ძმის სისხლი უნდა აიღოს – გზაზე ჩაუსაფრდეს მკვლელს და თოფი ესროლოს. ამ წესს რომ აღასრულებს, 30 დღის გასვლის შემდეგ თავად ის უნდა მოკლას მოსისხლე ოჯახის წევრმა და ასე დაუსრულებლად…

სხვადასხვა ავტორი   არსებობს თუ არა ორი გერმანული ლიტერატურა? ამ კითხვას ორი პასუხი აქვს: “არსებობს” და “არ არსებობს”. რაოდენ პარადოქსულადაც უნდა ჟღერდეს, ორივე პასუხი სწორია. თუ საკითხს იდეოლოგიურ ასპექტში განვიხილავთ, ნათლად დავინახავთ ბევრ დასავლელ და აღმოსავლელ ავტორს შორის აღმართულ ვირტუალურ კედელს, რომელიც ზოგჯერ ბეტონის კედელზე უფრო “საიმედო” და მყარი განმაცალკევებელია. შესაბამისად, თამამად შეიძლება ვთქვათ, რომ გდრ-ის ლიტერატურის არსებობა სულაც არ ყოფილა ეფემერული. ამავდროულად, დღემდე ვერც ერთმა ლიტერატურთმცოდნემ ვერ შეძლო მკაფიო გამყოფი ხაზის გავლება გფრ-ისა და გდრ-ის ლიტერატურებს შორის. წიგნში თავმოყრილია 25 გდრ-ელი და 25 გფრ-ელი ავტორის ნაწარმოებები. მათ შორის შეხვდებით როგორც კარიერისტებსა და კომუნისტური რეჟიმის ყურმოჭრილ მსახურებს, ისე დისიდენტებსა და პოლიტპატიმრებს; როგორც მორწმუნე სოციალისტებს, ისე ანტიკომუნისტებს; როგორც სიცოცხლეშივე ლეგენდად ქცეულ მწერლებს, ისე გერმანულენოვანი სამყაროს მიღმა შედარებით ნაკლებად ცნობილ ავტორებს. კრებული ეძღვნება გერმანიის გაერთიანების 25-ე წლისთავს.  

ავტორი: ართურ გოლდენი მთარგმნელი: ია ქვაჩახია სერია: ომებსა და ადამიანებზე ამომავალი მზის ქვეყნის შუქ-ჩრდილები. თეთრი ნიღბის ქვეშ მიმალული ვნებები. შეკავებული ცრემლი, გულებს შორის გაბმული იდუმალი ძაფები და ერთმანეთისკენ სავალი გზები. ტრადიციების საბრძანებელი - ფარვანას ფრთებივით თვალწარმტაცი ძველი კიოტო და ხის ქოშების ბაკუნით შემოვლილი მისი ლაბირინთები. მებადურის ქოხში გაზრდილი იაპონელი გოგონას დრამატული ცხოვრების ისტორია ართურ გოლდენის ბესტსელერში „გეიშას მემუარები“.

ესპანურიდან თარგმნა თეა გვასალიამ   სახელოვანმა გენერალმა და პრეზიდენტმა, რომელიც თავისი მმართველობის მანძილზე სათავეში ედგა 20-წლიან ომებს სამშობლოს ერთინობისა და თავისუფლებისათვის, რომელმაც დაამხო ესპანელთა ბატონობა იმპერიაში, – გადაწყვიტა სამუდამოდ დაეტოვებინა არამხოლოდ თანამდებობა, არამედ ქვეყანაც.   ეს ბოლომდე დაუჯერებელი ამბავი მისი ახალი ცხოვრების დასაწყისად იქცა.   გაბრიელ გარსია მარკესის ეს წიგნი იმ მმართველის ხვედრზე მოგითხრობთ,  რომელიც სიცოცხლის ბოლომდე საკუთარ სიმართლეში, გადაწყვეტილებათა და ჩადენილი ქმედებების სიზუსტეშია დარწმუნებული მაშინ, როცა ქვეყანაში მის წინააღმდეგ შეთქმულება ამბოხებებს ენაცვლება. 

ავტორი: მერი ლუ მთარგმნელი: არჩილ კიკვაძე სერია: ლიბერთინსი ჯუნისა და დე ის ფათერაკებით სავსე გზა გრძელდება და ის ვეგასისკენ მიდის! ვეგასში ბევრი საიდუმლო მჟღავნდება – ფარდა ეხდება პოლკოვნიკ აიპერისის ბურუსით მოცულ მკვლელობას, იმსხვრევა რესპუბლიკის უძლეველობის მითი. დეი და ჯუნი საიდუმლო გვირაბებით შედიან კოლონიებში და აჯანყებულ პატრიოტებთან ამყარებენ კავშირს! ჯერ არავინ იცის, რომ პატრიოტების ლიდერი რესპუბლიკის უმაღლეს მმართველობასთან მოღალატეობრივ ალიანსშია. პრიმო ელექტორი მკვდარია. გაუმარჯოს ახალ ელექტორს! სარეკლამო-საინფორმაციო ბანერები ახალ ამბავს ატყობინებს ამერიკას. რესპუბლიკისა და ხალხის ბედი ახლა ლეგენდისა და გენიოსის ხელშია! ჯუნი და დეი შეთქმულების ეპიცენტრში აღმოჩნდებიან, ახლა მათ გამჭრიახობაზეა დამოკიდებული სამხედრო-პოლიტიკური შეთქმულების გამჟღავნება და ახალი ელექტორის მკვლელობის ჩაშლა.  

ავტორი: მერი-ენ შეფერი;ენი ბეროუზი სერია:  წლის ბესტსელერი   ომის შემდგომი ლონდონი.ახალგაზრდა მწერალი ჯულიეტი ახალი წიგნისთვის სიუჟეტს ეძებს და მის პოვნაში მისი უდიდებულესობა შემთხვევა დაეხმარება-წერილს მიიღებს კუნძულ გერნზის მეღორისგან,რომელიც სთხოვს,მიასწავლოს ლონდონში წიგნის მაღაზია,სადაც საყვარელი მწერლის წიგნებს შეიძენდა.კუნძული გერმანელებს ჰქონდათ ოკუპირებული,მოსახლეობას თავშეყრას უკრძალავდნენ.მტრის თვალის ასახვევად,რამდენიმე კუნძულელმა კითხვის სიყვარული მოიმიზეზა,ასე შეიქმნა "გერნზის ლიტერატურისა და კარტოფილის ნათალის ღვეზლის მოყვარულთა საზოგადოება.

ავტორი: აგათა კრისტი მთარგმნელი: პაატა ჩხეიძე პოლკოვნიკმაა ბანტრიმ საკუთარი სახლის ბიბლიოთეკაში ქერათმიანი ქალიშვილის გაგაუდული სხეული აღმოაჩინა. მეზობლებში მითქმა-მოთქმა იწყება! თუმცა მის მარპლის მოწვევის შემდეგ ყველაფერი იცვლება და საქმეში იმაზე მეტი ინტრიგა და სიბინძურე ჩნდება,ვიდრე ეს კეთილშობილ ბანტრებს წარმოედგინათ.პირქუში ფინანსისტი,მისი ეგოცენტრიკული მოზრდილი შვილები, სასტუმროს პრაგმატული და ჭკვიანი თანამშრომლები, დიდძალი ფული და გავლენა, ფიცხი ადგილობრივი ახალგაზრდა კაცი, განცვიფრებული ქალიშვილები, კინობიზნესი...

ავტორი: ბექა ახალაია   ბექა ახალაიას რომანი „გველები მაზუთის გუბეებში“ ოთხი ნაწილისგან შედგება. თითოეულ ნაწილს საკუთარი მთავარი გმირი ჰყავს და ყველა მათგანი ნაწარმოების სხვა ნაწილში მეორეხარისხოვანი პერსონაჟის სახით გვხვდება. ეს ხერხი, ერთი მხრივ, შინაარსობრივად კრავს რომანს, მეორე მხრივ კი, პერსონაჟების სხვა კუთხით დანახვის შესაძლებლობას გვაძლევს და კიდევ ერთხელ შეგვახსენებს იმას, როგორი მნიშვნელოვანია ამბის აღსაქმელად ხედვის კუთხის ცვლილება.   წიგნის ოთხი თავის მთავარ გმირებს – ოთხ სხვადასხვა ასაკის, სრულიად სხვადასხვა პროფესიის, ხასიათისა და მისწრაფების მამაკაცს – ერთი რამ აერთიანებს: თითოეული მათგანის ცხოვრებაში ხდება რაღაც ისეთი, რაც მათი საზოგადოების დიდ ნაწილთან, ზოგჯერ კი საკუთარ ოჯახთან დაპირისპირების მიზეზი ხდება. საბოლოოდ კი, ყოველი მათგანი ახერხებს ამ ბრძოლაში საკუთარი პრინციპების ერთგული დარჩეს.   წიგნის მთავარი და ყველაზე მნიშვნელოვანი ნაწილი მეოთხე თავია – ახალგაზრდა მწერლის ამბავი, რომელიც ერთ მშვენიერ დღეს, ახლად გაღვიძებული, აღმოაჩენს, რომ თავს გადამხდარი სრულიად უბრალო და, ცოტა არ იყოს, უხერხული ამბის შემთხვევით გასაჯაროების შემდეგ, „ქართველი მწერლის ზოგადი, შეურყვნელი სახის დამცრობის მცდელობის გამო“, არა მხოლოდ სოციალურ ქსელში, რეალურ ცხოვრებაშიც წარმოუდგენელი თავდასხმების სამიზნე გამხდარა და ცდილობს, ამ მიზანმიმართულ კამპანიას მშობლიურ კუთხეში გახიზვნით გაერიდოს. იქაურობასთან უამრავი საინტერესო ადამიანი და ამბავია დაკავშირებული, რომლებიც მკითხველის თვალწინ ცოცხლდება და დაუვიწყარ შთაბეჭდილებას ახდენს.   ბექა ახალაიამ 2017 წელს სადებიუტო პოეტური კრებულით „საბას“ პრემია მოიპოვა. „გველები მაზუთის გუბეებში“ კი მისი პირველი რომანია.

ავტორი: ერნესტო საბატო სერია: ''ინტელექტი'' 25 წლისაა მთარგმნელი: ნინო ფიფია მთავარი გმირი, მხატვარი ხუან პაბლო კასტელი ჰყვება თუ როგორ და რატომ მოკლა მარია ირიბარნე, ერთადერთი ადამიანი, რომელსაც „მისი ესმოდა“. ნაწარმოები გაჟღენთილია ეგზისტენციური ეჭვებით, მარტოობითა და სასოწარკვეთით, რასაც თან ერთვის კასტელის ფსიქიკური აშლილობა.წიგნი, რომელიც კრიტიკოსებმა სამართლიანად მონათლეს, როგორც XX საუკუნის ლიტერატურაში ერთ-ერთი ყველაზე შთამბეჭდავი, ქართულ ენაზე პირველად ითარგმნა.

ავტორი: ნაჯიბ მაჰფუზი სერია: ლიტოდისეა მთარგმნელი: გოჩა კუჭუხიძე ნაჯიბ მაჰფუზი (1911-2006) დიდი ეგვიპტელი მწერალი, კლასიკოსი, ნობელის პრემიის ლაურეატი, ოცზე მეტი რომანისა და უამრავი მოთხრობის ავტორია. მისი რომანი – „ჩვენი უბნის შვილები“ – „გარდიანის“ ბრიტანული ვერსიის მიერ მსოფლიოს ყველა დროის 100 საუკეთესო წიგნის სიაშია. რომანი „გზა” ერთ-ერთი საუკეთესოა ნაჯიბ ნაჰფუზის ნაწარმოებთა შორის და ფილოსოფიური აზროვნებითა და ადამიანის ფსიქიკის სიღრმისეული ცოდნით გამოირჩევა; მისთვის მრავალპლანიანობაა დამახასიათებელი; ამასთან, ისე საინტერესოდ, ისეთი ექსპრესიით მოგვითხრობს მწერალი თავის პერსონაჟთა შესახებ, რომ ფილოსოფიური სათქმელი ოდნავადაც არ ამძიმებს ნაწარმოებს, ლაღად და ადვილად იკითხება და, ამავდროულად, მრავალგვარი ინტერპრეტაციის საფუძველს აძლევს მკითხველს. ეს რომანი არაერთ ენაზეა თარგმნილი და მსოფლიოში კარგად არის ცნობილი, ქართულად იგი პირველად ქვეყნდება.

ავტორი: ნიკოლას სპარქსი მთარგმნელი: ხათუნა ბასილაშვილი სერია: წლის ბესტსელერი   "გზა საკურთხევლისკენ“ ხანში შესული ლენდონ კარტერის მიერ მოთხრობილი ისტორიაა. ლენდონი იხსენებს ორმოცი წლის წინანდელ ამბავს, რომელმაც პატარა სამხრეთულ ქალაქში მცხოვრები ჩვიდმეტი წლის ბიჭის ცხოვრება სამუდამოდ შეცვალა. „წიგნი, რომელსაც დიდხანს ვერ დაივიწყებ“ - ასე ახასიათებდა ამერიკული პრესა რომანს.

ავტორი: ვირჯინია ვულფი მთარგმნელი: ლელა დუმბაძე გამომცემლობა: ბაკურ სულაკაურის გამომცემლობა სერია: მსოფლიო კლასიკა

ავტორი: ოთარ ჭილაძე  გამომცემლობა: არეტე

ავტორი:  ჰოლი სმეილი სერია: ლიბერთინს   ჰარიეტ მანერსი თინეიჯერების საუკეთესო მეგობარი და მათი გმირია! და ის ბრუნდება! ბრუნდება, რომ თავის თანატოლებს პრობლემების დაძლევისა და წარმატების ახალი გზები უჩვენოს; ბრუნდება, რომ დასახოს გეგმები და უკან არ დაიხიოს; ბრუნდება, რომ იმედი მისცეს მათ, ვისაც მიზნისთვის ბრძოლა ჯერ კიდევ არ დაუწყია... და რაკი წინსვლა მეგობრებისა და ოჯახის წევრების დაუხმარებლად თითქმის შეუძლებელია, ჰარიეტთან ერთად ბრუნ- დებიან მამა, ანაბელი, ბანტი, ნატი, ტობი, ჯასპერი და დანარჩენები!

ავტორი: ჰოლი სმეილი სერია: ლიბერთინს   ჰარიეტ მანერსი უკვე წარმატებული მოდელია, მაგრამ უარს არც გიკობაზე ამბობს. როგორც ნამდვილმა გიკმა, ბევრი რამ იცის: ადამიანს დღის განმავლობაში 70 000 აზრი გაუელვებს. მუხლუხს 4 000 კუნთი აქვს. ადამიანი წელიწადში საშუალოდ 1 ტონა საკვებს მიირთმევს. გიკი + მოდელი = გამდიდრებას გრაფიტის ახალი კოლექციით მაგრამ ბიჭების არაფერი გაეგება. ეს ცხადია. ტოკიოში თავბრუდამხვევი მოგზაურობისა და სამოდელო სამუშაოს შესრულებისას, ჰარიეტს მოუწევს, მისი ინტელექტუალური რესურსი სრულად გამოიყენოს...

ავტორი: ჰოლი სმეილი მთარგმნელი: ნათია ჩუბინიძე სერია: ლიბერთინს   გიკი გოგო ჩვენგან მიდის და გვიტოვებს ფანტასტიკურ მოგონებებს ერთ მშიშარა, კომპლექსებით სავსე, თანატოლებისაგან დაჩაგრულ ჰარიეტ მანერსზე, რომელიც მკითხველის თვალწინ სუპერპოპულარულ მოდელად იქცა! მიდის და გვიტოვებს იმედს, რომ თურმე ყოველ ჩვენგანს შეუძლია შეცვალოს საკუთარი ცხოვრება, გადალახოს წინააღმდეგობები და რაც მტავარია, საკუთარ თავს სძლიოს. და როცა მთავარ ბრძოლას მოიგებ - როცა აიძულებ თავს, სხვა თვალით შეხედო სამყაროს, მაშინ ისიც დაგინახავს და ცხოვრება კიდევ უფრო

ავტორი: ჰოლი სმეილი   ჰარიეტ მანერსმა ბევრი რამ იცის, მაგრამ მას წარმოდგენა არ აქვს რა ხდება შტატების სამოდელო ბიზნესში, არც სიყვარულის გაეგება რამე, თორემ დიდი გაუგებრობაში ხომ არ ამოჰყოფდა თავს, ინტრიგის მსხვერპლი არ გახდებოდა და ნიუ-იორკში - წარმატებებისა და წინსვლის ქალაქში ყველასგან მიტოვებულადაც არ იგრძნობდა თავს. თუმცა, ის ხომ ჰარიეტია, - გამოსავალს მოძებნის და კიდევ ერთხელ გაგვაკვირვებს. დაუვიწყარი ნიუ-იორკული თავგადასავალი იწყება!

ავტორი: სმეილი ჰოლი მთარგმნელი: ნათია ჩუბინიძე სერია: ლიბერთინს   ჰარიეტ მანერსმა ბევრი რამ იცის, თუნდაც ის, რომ ტუალეტის ქაღალდის რულონი 600 წელს, ჩინეთში გამოიგონეს. იცის, რომ კომეტის კუდი ყოველთვის მზის საპირისპიროდაა მიმართული; ისიც მოეხსენება, რომ ადამიანს გული წუთში საშუალოდ, 70-ჯერ უცემს. - მაშინაც კი, თუ კი ის გატეხილია. თუმცა არაფერი გაეგება, როგორ შეიძინოს ახალი მეგობრები და წარმოდგენა არ აქვს, როგორ იქცეს თვალისმომჭრელ და წარმატებულ სუპერმოდელად. არადა ფაქტია, რომ ახლა ასეთია.

ავტორი: თამარ ფხაკაძე   ბიჭი გიო ზღვისპირა ქალაქში ცხოვრობს, ამქვეყნად ყველაფერი აინტერესებს და გემის კაპიტნობაზე ოცნებობს. მეზღვაური მამა, მრავლისმნახველი ბაბუ და ბედნიერი გარემო გამუდმებით კვებავს მის ფანტაზიას და ბიჭს დედასავით უყვარს დედასთვალებისფერი, უსაზღვროდ ლურჯი ზღვა.მაგრამ გიოს ყმაწვილურ იდილიაში ნელა და შეუმჩნევლად ერევა ღრუბელი - სულ უფრო ხშირად მოჰყვება ნიავს ცეცხლისა და დენთის სუნი. გარშემო შიშნარევი მოლოდინი ისადგურებს და სულ უფრო მეტი კითხვა რჩება უპასუხოდ: რა ხდება? რატომ ხდება? რატომ მოეკიდნენ ერთმანეთს მტრად გუშინდელი მეგობრები?..ეს შიშის, სიმამაცის, თავგანწირვისა და უზრუნველი ბიჭის ერთ წამში დაკაცების სულისშემძვრელი ამბავია, რომელიც ასობით და ათასობით მის თანატოლს გადახდა. გიოს ამბავი ყველას ამბავია, ვინც გამოცადა ომის ელდა, უძვირფასესი ადამიანების დაკარგვა და მშობლიური სახლიდან გამოძევება; ყველას ამბავია, ვინც იმედიან თვალს არ აშორებს მომავალს და ჯიუტად ამბობს: „მე დავბრუნდები“.

ავტორი: ბესო ხვედელიძე კარგია, როდესაც კოლეგაზე არა კოლეგიალური სოლიდარულობის გამო, არამედ მხოლოდ და მხოლოდ მისი ტექსტის მხატვრული ღირებულებების გამო წერ. ასეთი რამ, რა თქმა უნდა, ვიყოთ გულწრფელები, იშვიათად ხდება ცხოვრებაში – და ეს კონკრეტული შემთხვევა, საბედნიეროდ, სწორედაც რომ ასეთია. ამიტომ სიამოვნებით ვიყენებ ამ შესაძლებლობას. გოა მშვიდობისა, ბესო ხვედელიძის ნეპალური სერიის მორიგი ეპიზოდია. მეც, ბევრი სხვასავით, ამ სერიის ერთგული მკითხველი და გულშემატკივარი ვარ და აქედან გამომდინარე, თითოეულ ეპიზოდს მისი გამოჩენისთანავე ვკითხულობ. „გოა მშვიდობისა”, ჩემი აზრით, ნეპალური სერიის ყველაზე მნიშვნელოვანი და ესთეტიკურად სრულყოფილი ტექსტია. რთულია, განსაზღვრო ამ ტექსტის ჟანრი. ის ერთდროულად რომანიცაა, მოგზაურის ჩანაწერებიც, თვითშემეცნების ეგზისტენციალური ტრაქტატიც, ტურისტული გზამკვლევიც და მემუარებიც. ნებისმიერ შემთხვევაში ბესოსა და ალექსას ახალ თავგადასავალს მიყოლილი მკითხველი პირველ რიგში ნამდვილ ლიტერატურაში მოხვდება სამოგზაუროდ. Bon voyage! დავით ქართველიშვილი

ავტორი: უჩა თხელიძე ეს წიგნი კარგო შენზე არის, და ეს შენც იცი. შენ წახვედი და შევეჩვიე მეც მარტოობას. ახლა როდესაც მარტოდ ყოფნის ხიბლიც კი ვიცი, გაგიკვირდება, შენით მიყვარს ეს მარტოობაც. ეს წიგნი მეტად მნიშვნელოვანია ჩემთვის. იგი ორ ნაწილადაა გაყოფილი, პროზად და პოეზიად. თუმცა რეალურად ეს ორი, ამ კონკრეტულ შემთხვევაში, განუყოფელია. ორივე მათგანს ერთი ადრესატი ჰყავს. ჩემთვის ეს ლექსები ყველაზე მუსიკალური რამაა, რაც შემიძლია გავიხსენო. ისინი ინახავენ მოგონებებს, რომლებმაც შემაძლებინეს ფრენა. ამავდროულად, იმ მოგონებებსაც, რომლებმაც ძირს დამანარცხეს. მაგრამ, რაც არ უნდა იყოს ბოლოს ხომ მაინც ყველაფერი ტკბილად გაგონდება, არა!? ამიტომაც მიყვარს სიგიჟემდე. მაგიური რეალიზმის ჟანრის მოთხრობაში კი მოყოლილია, სასიყვარულო ურთიერთობა. დროის, როგორც პიროვნების და ბიჭის თავგადასავალი, რომელიც დაკარგული სიყვარულის დაბრუნებას ცდილობს. სტუმრობა ზეცასა და მიწისქვეშეთის სამეფოში. შეხვედრა კიდევ სხვა მაგიურ პერსონაჟებთან და ჭიდილი სიკვდილთან, რომლისაც დროსაც კი ეშინია. ავტორი  

ავტორი: დევიდ ლაგერკრანცი მთარგმნელი: ეკატერინე სუმბათაშვილი მკითხველი უკვე კარგად იცნობს ჰაკერ ლიზბეთ სალანდერს (“გოგონა დრაკონის ტატუთი”, „გოგონა, რომელიც ცეცხლს ეთამაშებოდა“, „გოგონა, რომელმაც კრაზანების ბუდე დაანგრია“). ჟურნალისტმა ბლუმკვისტმა უნდა გაარკვიოს, სად არის ლიზბეთი და დაეხმარება თუ არა ისევ, ლიზბეთმა კი უნდა გამოიკვლიოს, რა დარჩა მამამისის შექმნილი კრიმინალური იმპერიისგან. მთავარი გმირები აღმოჩნდებიან ობობას ქსელში, რომელსაც ჯაშუშები, ათასი ჯურის დამნაშავეები, სხვადასხვა ქვეყნის კორუმპირებული თანამდებობის პირები ქმნიან. თავიანთი საიდუმლოს დასაცავად ისინი არც მკვლელობას ერიდებიან… 2004 წლის 9 ნოემბერს ჟურნალისტი სტიგ ლარსონი გულის შეტევით გარდაიცვალა. ის ვერ მოესწრო საკუთარი რომანების არნახულ წარმატებას მსოფლიო მასშტაბით – დაიბეჭდა 75 მლნ ეგზემპლარზე მეტი. შვედმა ჟურნალისტმა და მწერალმა დევიდ ლაგერკრანცმა ისე გააგრძელა მილიონობით მკითხველისთვის საყვარელი პერსონაჟების თავგადასავალი, რომ ავტორის სტილი დაიცვა და თან არც მის ფანტაზიას უღალატა. რომანი ისეთ გასაიდუმლოებულ პირობებში იწერებოდა, რომ ლიზბეთ სალანდერსაც კი შეშურდებოდა. წიგნი ერთდროულად გამოსცა მსოფლიოს 25-მა გამომცემლობამ და გამოსვლისთანავე მსოფლიო ბესტსელერი გახდა.