ავტორი: ანჯელა მოგრიჯი სერია: ჰეკატე მთარგმნელი: პაატა ჩხეიძე   პროექტი „ჰეკატე“ ერთგვარი გზამკვლევია თვითგანვითარების, საკუთარი ხასიათისა და თვისებების ობიექტურად შეფასების გზაზე. პასუხები, რომლებსაც ცხოვრებისეულ კითხვებზე გარე სამყაროში ვეძებთ, ხშირად ჩვენშივეა. მთავარია, მათი მიგნება და ამოცნობა შევძლოთ. „ჰეკატე“ დაგეხმარებათ თქვენი ქცევისა და სამომავლო ნაბიჯების უკეთ გააზრებაში. ის გაგაცნობთ გონების, სულისა და სხეულის სრულყოფის მიზნით შემუშავებულ თანამედროვე მეთოდოლოგიას; გთავაზობთ ეფექტურ სავარჯიშოებს როგორც ქვეცნობიერთან დაკავშირების, ისე პიროვნული განვითარებისთვის. წიგნებში მდიდარი ვიზუალური მასალაა წარმოდგენილი. პროექტის ფარგლებში გამოიცემა იმ თანამედროვე ავტორთა წიგნები, რომელთაც აერთიანებთ დაუცხრომელი ინტერესი მედიტაციებისა და გონების სავარჯიშოების მიმართ.

ავტორი: ბექა გელაშვილი „სამწუხაროდ, ყოველთვის ყველაფერი ისე არ ხდება, როგორც ჩვენ გვინდა. როდესაც ჩვენი გეგმები სხვანაირად წარიმართება ხოლმე და იმედი გაგვიცრუვდება, ჩვენ ვიცვლებით. ვიცვლებით უარესობისკენ. ასეთ დროს, ჩვენი უარყოფითი თვისებები ჩვენს დადებით თვისებებს შთაქნთქავს. როცა ჩვენს თავსა და ცხოვრებაში ქაოსი იწყება, ცხოვრებისგან სიამოვნებას ვეღარ ვიღებთ. ჩვენ ვეცემით, წამოდგომა ძალიან გვიჭირს, ვბოროტდებით და სხვას ვაყენებთ ზიანს. მაშინ, როდესაც ჩვენი იმედი ყინულივით ცივია და ჩვენი ღმერთი სხვა ენაზე საუბრობს, მაშინ, როცა ჩვენი რეალური სახე გამოგონილი სახის უკან იმალება, სწორედ მაშინ, ჩვენს ცხოვრებაში ჩნდება ადამიანი, რომელიც თავისი სითბოთი და სიყვარულით ჩვენს გაქვავებულ გულებს პირვანდელ სახეს უბრუნებს.“ - წიგნი მოგვითხრობს ბიჭის შესახებ, რომელიც ბედისწერის თუ უბრალო შემთხვევის შედეგად შეხვდება გოგონას, რომელიც მის რთულ და პრობლემებით სავსე ცხოვრებას თავდაყირა დააყენებს და სიზმარში ამოგზაურებს. გამორჩეული წყვილის სიყვარულს და ბედნიერებას წინ აღუდგებიან ადამიანები, რომლებიც ახალგაზრდებს ბედნიერების საშუალებას არ აძლევენ.

ავტორი: ზიგმუნდ ფროიდი მტარგმნელი: მაია ბადრიძე სერია: NONFICTION   ზიგმუნდ ფროიდის (1856-1939) – ფსიქოანალიზის ფუძემდებლის – ერთ-ერთი უმთავრესი ნაშრომი „სიზმრის ინტერპრეტაცია“ 1900 წელს გამოიცა (ფაქტობრივად, 1899 წლის ნოემბერში დაიბეჭდა). ითვლება, რომ ფსიქოანალიზის საუკუნე სწორედ ამ წიგნით დაიწყო. ავტორის სიცოცხლეში „სიზმრის ინტერპრეტაცია“ რვაჯერ დაიბეჭდა განახლებული რედაქციით. თავისი თეორიის განვითარების კვალდაკვალ, ფროიდს შესაბამისი ცვლილებები შეჰქონდა ტექსტში. წიგნის ქართული გამოცემა პირველი, 1900 წლის, გამოცემის თარგმანია – ტექსტის, რომელშიც ყველაზე ნაკლებია კრიტიკული შენიშვნებისა და გავლენებისაგან გამოწვეული ცვლილებები.     რატომ ვხედავთ სიზმრებს? რას გვაუწყებენ ისინი? რა ფუნქციას ასრულებს სიზმრის ფენომენი ადამიანის ფსიქიკურ ცხოვრებაში? ფროიდის „სიზმრის ინტერპრეტაცია“ ამომწურავი პასუხების გაცემის მცდელობაა კითხვებზე, რომლებიც კაცობრიობას დასაბამიდან აღელვებს.

ავტორი: დანიელ პენაკი ,,სიზმრის მხილველის კანონი“ ეძღვნება სიზმრისა და წარმოსახვის ძალას, ოჯახს, მშობლებს, მეგობრობას, შემოქმედებით თავისუფლებას და ... ფედერიკო ფელინის, რომლის ფილმებზეც დიდ გავლენას ახდენდა მისივე სიზმრები.

ავტორი: ვაკო დარჩია გამომცმელობა: წიგნი+ ერი ყდა: რბილი

ავტორი: ლუი-ფერდინანდ სელინი მთარგმნელი: მერაბ ფიფია გამომცემლობა: ბაკურ სულაკაურის გამომცემლობა სერია: მსოფლიო კლასიკა  

ავტორი: ხალიდ ხალიფა სერია: აკრძალული წიგნების თარო   არაბულიდან თარგმნა დარეჯან გარდავაძემ    დამასკოდან სირიის ჩრდილოეთით მდებარე სოფელ ანაბიისკენ მიმავალი მიკროავტობუსი წვალებით მიიკვლევს გზას. მანქანაში გვამი, ორი კაცი და ერთი ქალია, მდუმარე, მოღუშული სახეებით. გარეთ სასტიკი ომია, რომელიც მსხვერპლით ვერ ძღება. ომში სიკვდილი ბრმაა, მსხვერპლს არ არჩევს... უამრავი საკონტროლო პუნქტისა და გამოუვალი მდგომარეობის დაძლევა უწევთ და-ძმებს მამის უკანასკნელი ანდერძის აღსასრულებლად - მისი ნეშტი მშობლიური სოფლის, ანაბიის, მიწას მიაბარონ.   ეს მხოლოდ მამის ცხედრის დასაკრძალად წამოწყებული მოგზაუძრობის ისტორია როდია, არამედ ამბავი სიკვდილის მოტივით ამქვეყნიურ ფასეულობათა გადაფასებისა და თუნდაც გაუფასურებული სიცოცხლის ძალის შესახებ და რაკი სიკვდილი მძიმე შრომაა რომანის გმირებისთვის, ეს ხუთდღიანი ურთულესი გზა დამასკოდან ანაბიამდე საკუთარი თავის აღმოჩენის გზაცაა.   2019 წელს ამერიკული National Book Award ლიტერატურული ჯილდოს თარგმნილი ლიტერატურის ნომინაციაში გამარჯვებული ამ რომანის ავტორი, ხალიდ ხალიფა, საკმაოდ წარმატებული თანამედროვე სირიელი რომანისტია, რომელსაც მანამდეც არაერთი ლიტერატურული ჯილდო აქვს მიღებული. სამშობლოში ხშირად აკრძალული, ის არაბული მწერლობის საერთაშორისო პრიზის Man Booker International Prize for Arabic Fiction ნომინაციის მოკლე სიაში ორჯერ არის მოხვედრილი (2008 და 2014 წლებში), მიღებული აქვს ნაჯიბ მაჰფუზის მედალი ლიტერატურაში, თარგმნილია მსოფლიოს ბევრ ენაზე.  

ავტორი: აგათა კრისტი მთარგმნელი: ლია კაკიაშვილი მრავალმილიონიანი ქონების მემკვიდრე ლიტენ რეჯუეი ცოლად მიჰყვება თავისი უახლოესი მეგობრის, ჟაკლინის საქმროს. ახალდაქორწინებულები თაფლობის თვის გასატარებლად თბომავალ "კარნაკით" ნილოსზე, ეგვიპტეში მიემგზავრებიან. ჟაკლინი გადაწყვეტს, ჩააშხამოს მოგზაურობა მოღალატე საქმროსა და მეგობარს. ბორტზე სხვა მტრებიც არიან. სახელგანთქმული მეძებარი პუარო, ლინეტს ერთ დღეს კაიუტაში მოკლულს იპოვის. ხანგრძლივი ძიების შემდეგ პუარო მიაგნებს დანაშაულის იარაღას და მიზეზსაც,მაგრამ ერთმანეთს ახალ-ახალი მკვლელობები მოჰყვება.

ავტორი: ზიმონე ლუკასი მთარგმნელი: მაია ჭოლაძემ დეტექტივი

ყველაფერი „პლანეტის ფინანსური თუ პოლიტიკური ცენტრებისგან მოშორებით, იმერეთის ერთ პატარა სოფელში, ერთ უცნაურ კაცთან საუბრის შემდეგ“ იწყება… ყველას გინახავთ სიკვდილის ლურჯი ეკრანი. უფრო მეტად ცნობილია მისი ინგლისური სახელწოდება BSD (A Blue Screen of Death). ესაა მდგომარეობა, როდესაც კომპიუტერის ოპერაციული სისტემა აპარატული ან პროგრამული შეცდომების შედეგად ვეღარ ფუნქციონირებს, „იჭედება“ და არსებობს ერთადერთი გამოსავალი – კომპიუტერის გადატვირთვა. დაახლოებით ასეთი რამ ემართება რომანის მთავარ გმირს, რომელსაც საოცარი ამბავი გადახდება თავს. ეს სამუდამოდ შეცვლის მის მსოფლმხედველობას და, მისმა თავგადასავალმა, შესაძლოა, უახლოეს მომავალში მსოფლიოც შეცვალოს.

ავტორი: ჟოზე სარამაგუ მთარგმნელი: მიხეილ ანთაძე კაცობრიობის ისტორიას არ ახსოვს პერიოდი, როდესაც ადამიანებს უკვდავებაზე, სიკვდილზე გამარჯვებაზე, სიკვდილის წყვეტაზე არ ეოცნებათ. ხდება სასწაული და ეს დღეც დგება. სადღაც ქვესკნელში, ზეცაში თუ აქვე, ჩვენ მეზობლად მცხოვრები სიკვდილი საქმიანობას წყვეტს, აღარავის კლავს, ადამიანებს მარადიულობით ტკბობის საშუალებას აძლევს. და რაწამს ეს უმთავრესი ბალანსი ირღვევა, მათი ყველა მანკიერება ზედაპირზე ამოტივტივდება, შიში ფარავს სიხარულს, ნადგურდება ყველაფერი, რაზეც კი აქამდე სახელმწიფო იდგა, ხოლო ფრაზა „სიკვდილითა სიკვდილისა დამთრგუნველი“ ცარიელ სიტყვებად იქცევა. ჟოზე სარამაგუს ეს დისტოპიურ-ფილოსოფიური ნაწარმოები ავტორისეული ცნობიერების ნაკადია. უარყოფს პუნქტუაციას, გრამატიკის ნორმებს. უსასრულო წინადადებებითა და აბზაცებით იმ პარალელურ რეალობაში მიგვიძღვება, სადაც ყველაფერი კარგადაა და სადაც ყველაფერი ცუდადაა.

ავტორი: დინ კუცკი მთარგმნელი: ირაკლი ლომოური სერია: TOP თრილერი   "მკვდრები არ ლაპარაკობენ, არ ვიცი, რატომ", სამაგიეროდ სწრაფი კვების რესტორნის მზარეულს ეცხადებიან. გაიცანით ოდ თომასი, თავმდაბალი ახალგაზრდა, დინ კუცკის ბრწყინვალე ბესტსელერის გმირი, სიკვდილ-სიცოცხლის გასაყარზე მდგომი გალანტური გუშაგი, რომელიც თქვენს გულს დაატყვევებს...

ავტორი: ლადო კილასონია გამომცემლობა: ბაკურ სულაკაურის გამომცემლობა

ავტორი: ჯონ რონალდ რუელ ტოლკინი სერია: პორტალი მთარგმნელი: ნიკა სამუშია "ბეჭდების მბრძანებლისა" და "ჰობიტის" ეპიკური, ლეგენდარული წინამორბედი. ...ადრეულ დღეებში შუახმელეთში პირველი ბნელი მეუფე მორგოთი სახლობდა. მას უზენაესი ელფები ეომებოდნენ, რათა წართმეული სამი ძვირფასი ქვა - სილმარილები დაებრუნებინათ. "სილმარილიონი" მოგვითხრობს ფეანორისა და მისი თანამოძმეების ღმერთთა წინააღმდეგ აჯანყებაზე, ელფთა და ადამიანთა ომზე, რომელიც მათი სიმამაცის მიუხედავად, მარცხისთვის იყო განწირული. ეს არის მატიანე შუახმელეთისა და უძველესი ამბებისა!

ავტორი: ჯოელ დიკერი გამომცემლობა: აგორა ყდა: რბილი

ავტორი: მადელინ მილერი მთარგმნელი: სალომე ჩიტაძე სერია: წლის ბესტსელერი "პატროკლოსი, არაფრით გამორჩეული განდევნილი უფლისწული, ბერძე- ნთა შორის საუკეთესო გმირის, უბადლო აქილევსის თავმდაბალი მეგო- ბარი, გვიამბობს თავისი მეგობრობისა და სიყვარულის ამბავს. აქილევსისა და პატროკლოსის ურთიერთობა ავ წინასწარმეტყველებაზე, სასტიკი მო- ქიშპე ღმერთების ნება-სურვილსა და პატივმოყვარე მეფეთა ახირებებზე იყო დამოკიდებული. ისინი ებრძოდნენ მათ ინტრიგებს, აქილევსის ქალ- ღმერთი დედის პატროკლოსისადმი სიძულვილს და ცდილობდნენ ღმერ- თებსაც არ დამორჩილებოდნენ. მადელინ მილერმა სადებიუტო რომანში ”სიმღერა აქილევსზე“ სრულიად ახლებურად წარმოგვიდგინა ძველი ბერძნული მითოლოგიის პერსონა- ჟები, ჰომეროსის უკვდავი ”ილიადის“ გმირები, სწორედ ამიტომ დაიმსა- ხურა მკითხველთა დიდი მოწონება და ინტერესი. ეს არის ეპიკური რომანი, მაგრამ, ამასთანავე, მეტად ცოცხალი და ადამიანური."

ჩემი პოეტობის ამბავი   მამაჩემის შემხედვარეს, ისე შემიყვარდა ლექსები, რომ ბავშვობიდან რაღაც-რაღაცების წერა დავიწყე. დავწერდი და ლეიბის ქვეშ ვმალავდი. მე-4 კლასში რომ ვიყავი (გოგოები და ბიჭები ჯერ ერთად ვსწავლობდით), ჩემი ერთი კლასელი ჩამივარდა გულში – სანდრო (სანდრიკა) ახმეტელი, თუ არ ვცდები, დიდი სანდრო ახმეტელის შვილიშვილი. მე და სანდრიკა შესვენებებზე ერთად ვთამაშობდით ხოლმე „დაჭერობანას“. ახლაც მაქვს ერთი ფოტო, მთელი კლასია გადაღებული – მე მარცხნივ ვდგავარ, სანდრიკა კი – მარჯვნივ. დავიგვიანეთ და სხვა ადგილი აღარ შეგვხვდა. მერე, გოგონები და ბიჭები რომ გაგვყვეს, ერთმანეთს ვეღარ ვნახულობდით.   ხანი გავიდა. მერვე კლასი რომ დავამთავრეთ, ატესტატები დაგვირიგეს. მეორე დღეს გავიგე, რომ სანდრიკა ტრამვაის გაუტანია. ტრამვაიზე ახტომა სდომებია, მაგრამ სახელურზე ხელი ასცდენია, მეორე ხელში ატესტატი შემორჩენოდა. ასეთი გულისტკივილი იშვიათად თუ განმიცდია. ღამეები არ მეძინა. ვტიროდი და გამოსათხოვარ ლექსებს ვუძღვნიდი.   ერთ დღეს გაგვქურდეს. სახლში ისეთი არაფერი გვქონდა, რომ გული დაგვწყვეტოდა. თუმცა, ის მცირედი, რაც გვქონდა, ჩვენთვის მაინც საჭირო იყო. იმ სიდუხჭირეში ლეიბებს, ბალიშებს, დანა-ჩანგალს რომ წაიღებენ და ზედ წიგნებს და რვეულებს მიაყოლებენ, მაინც ძნელია. ჩემი ლექსების რვეულიც გაქრა. ვინ იცის, რომელ ნაგვის ყუთში უკრეს თავი ან სულაც ღუმელში დაწვეს.   მედეა ზაალიშვილის წიგნიდან – „ცაში გამოკიდებული სახლი“

ავტორი: ლიკა ჭელიძე   „ლიკა ჭელიძის „სიმშვიდის იმიტაცია“ ძალზე შთამბეჭდავი მინირომანია. ტექსტი კი შთაბეჭდილებას უპირველესად იმით ახდენს, რომ ავტორს არ ეშინია, იყოს სერიოზული ჩვენს ყოვლად არასერიოზულ ეპოქაში. ჩვენი დროის ერთ-ერთი ყველაზე ტრაგიკული ნიშანი  ხომ ისიცაა, რომ სენტიმანტალიზმის დამტვერილ აბლაბუდაში გახვევის შიშით, სერიოზულ გრძნობებზე სერიოზულად წერას ვერიდებით და ვცდილობთ, ამ ყველაფერზე სარკაზმით თუ არა, ირონიით მაინც ვისაუბროთ, თითქოს ვებოდიშებოდეთ მკითხველს: უი, არა! სინამდვილეში სულაც არ განგვიცდია ის, რაც განვიცადეთ! ნერვი სადღა შეგვრჩა, რომ ახლა ჩვენს დაწერილ თხზულებებში იგრძნოთ იმისი ფართქალი?!    ლიკა ჭელიძე ამის საპირისპიროდ იქცევა და თავიდანვე გვაფრთხილებს, რომ თავისი ცხოვრების მთავარ წიგნს წერს და ამ წიგნის ავტორს სულაც არ ეშინია ნაოჭების, რადგან ერთადერთ კატასაც კი, თავად წიგნის დასაწერად გაქცეული, მეზობელს უტოვებს.   ჩემთვის ძნელია იმის განსაზღვრა არის თუ არა „სიმშვიდის იმიტაცია“ ლიკა ჭელიძის მართლაც ცხოვრების წიგნი. უფრო მეჩვენება რომ ამ წიგნში ჯერ მხოლოდ იწყება ის მთავარი მოტივები, რაც შემდეგ მართლა დიდ ნაწარმოებში უნდა გადამუშავდეს საბოლოო ფორმის მიცემამდე. ის კი არა, წიგნის ჟანრის განსაზღვრაც ძნელია, რადგან ეს გამორჩეული თხზულება, რომელიც ამ მცირე ოპუსის დასაწყისში მინირომანად მოვიხსენიე, სინამდვილეში, პატარ-პატარა ესკიზებისა და ჩანაწერების, მშვენიერი ნოველებისა და მოთხრობების კრებულია, ოღონდ რახან ამ ყველაფერს კრავს მკაფიოდ გამოკვეთილი იდეურ-ემოციური ხერხემალი, მთელი ტექსტი ურღვევ მთლიანობად აღიქმება და არა მხოლოდ იმის გამო, რომ ჩანაწერიდან ჩანაწერში გადადის ერთი და იგივე თემა, მოტივი თუ საფიქრალი.   ყოველ შემთხვევაში, ამ წიგნით ლიკა ჭელიძე უკვე მხატვრული ფსიქოლოგიზმის ნამდვილ ოსტატად გვევლინება და ხშირად ყოვლად ბანალურ ცხოვრებისეულ განცდებსა და სიტუაციებშიც კი ახერხებს მწერალი, სრულიად ახლებურად განგვაცდევინოს ეს შეგრძნებები და დაგვანახოს აღნიშნული სიტუაციები. ეს კი იმის გამო ხდება, რომ, როგორც ზემოთაც მოგახსენეთ, მას არც განცდებისა ეშინია და არც ამ განცდათა გამო გაჩენილი ნაოჭების. სხვათა შორის არც იმისა, რომ ეს ნაოჭების არად ჩაგდება, საკუთარი ნაოჭების არშეშინება სულ სხვა ეპოქისა და ხელოვნების სხვა სფეროს, სხვა ქვეყნის ყველაზე კაშკაშა ქალბატონსაც გაგვახსენებს – ანა მანიანის, რომელიც ასევე არ მალავდა თავის ნაოჭებს, რადგან ძალიან ძვირად, მთელ ცხოვრებად უღირდა ისინი. და იქნებ, არც მწერლის ეს მინიშნება იყოს შემთხვევითი. ლიკა ჭელიძის ამ წიგნში აშკარად არის რაღაც მანიანსეული თუ იტალიური კინოს კრიტიკული რეალიზმისათვის დამახასიათებელი. მე უკვე ვიცი, რაც: სინამდვილისა და პერსონაჟების, საერთოდ, ადამიანებისა და გარემოს დიდი სიყვარული“, – გიორგი ლობჟანიძე. 

ავტორი: მანანა ქუთათელაძე    

ავტორი: მ. ლ. სტედმანი მთარგმნელი: ლევან ინასარიძე სერია: წლის ბესტსელერი   დასავლეთის ფრონტზე გატარებული ოთხი საზარელი წლის შემდეგ ტომ შერბურნი ავსტრალიაში ბრუნდება და ცოლად ახალგაზრდა იზაბელი მოჰყავს. წყვილს წლები განმავლობაში შვილი არ ეძლევათ. ერთ მშვენიერ დღეს კი იზაბელი ბავშვის ტირილს გაიგონებს. ნავი ნაპირზეა გამორიყული, ზედ კი გარდაცვლილი კაცი და მტირალა ჩვილია. ტომს სურს დაუყოვნებლივ აცნობოს კონტინენტს ბავშვის შესახებ, მაგრამ იზაბელი დაიჟინებს, რომ ბავშვი "უფლის საჩუქარია"

ავტორი: მერისა მეიერი სერია: ლიბერთინს     მოსახლეობას სასიკვდილო სენი ემუქრება! ადამიანები და ანდროიდები ახალი პეკინის ხმაურიან ქუჩებში დაიანრებიან. კოსმოსიდან კი სხვა საფრთხე მოდის: მთვარის ვერაფი მაცხოვრებლები ჩასაფრებულად და თავდასხმისთვის ხელსაყრელ მომენტს ელიან. არავი იცი, რომ მთელი დედამიწის ბედი ერთ გოგონაზეა დამოკიდებული.

ავტორი: გაგა ნახუცრიშვილი   რა არის ეს დღიურები? ჩანაწერები? მემუარები ხომ არა და არა... ალბათ, უფრო იმ წუთების, დღეების, იმ დროის მოხელთება, რომელმაც ცხოვრება, თავისი სირთულეების მიუხედავად, მაინც სამუდამოდ დაამშვენა და რომელსაც ახლა წარსული ჰქვია. ამ კრებულში იმ დროის ამბავია, რომელშიც, როგორც თავად ავტორი ამბობს: სამუდამოდ დამთავრდა რაღაც 90-იანების მცხუნვარე სევდა თავისი განუმეორებელი ადამიანებით, მოვლენებით, ისტორიებით; ბავშვობის მძაფრი შთაბეჭდილებები მომდევნო წლების მსაჯულები; სიყვარულის ამბები ყველაზე კაცური საქციელებითა და დიდი ნაღველით ამ ყველაფერს, არ დაგავიწყდეთ პოეტი ყვება, ვისი ცხოვრებაც წარმოუდგენლად ჰგავს თავისივე პოეზიას და, პირიქით. ეს მსგავსება წიგნს განსაკუთრებულ ხიბლს სძენს.

ავტორი: სალა სიმუკა   მთარგმნელი: თამარ სუბელიანი, დიმიტრი გოგოლაშვილი სკოლის ფოტოლაბორატორიაში ხუთასევროიანი კუპიურები გასაშრობად ჩამოუკიდიათ. ჰაერში სისხლის სუნი ტრიალებს. სისხლიანი ფულის პოვნა თეატრალური გიმნაზიის მოსწავლე გოგოს საერთაშორისო ნარკობიზნესის მბრუნავ მორევში ჩაითრევს. ლუმიკი კი ჯერ ცივსისხლიან მკვლელებს გაურბის, ბოლოს კი ლეგენდარული “თეთრი დათვის” წვეულებაზე ხვდება. ლუმიკი ანდერსონი ახალგაზრდა ფინელი მწერლისა და მთარგმნელის, სალა სიმუკას დეტექტიური ტრილოგიის მთავარი გმირია. ტრილოგიის წიგნები – “სისხლივით წითელი”, ” თოვლივით თეთრი” და “აბანოზის ხესავით შავი” – უკვე მსოფლიოს ბევრ ენაზე ითარგმნა. სალა სიმუკას მიღებული აქვს რამდენიმე პრესტიჟული ჯილდო საუკეთესო ახალგაზრდული რომანებისა და ხელოვნების დარგში პერსპექტიული გარღვევისათვის.

ავტორი: ქეთი იმერლიშვილი; ვახტანგ ხარაშვილი "სისხლში მოცეკვავე"დეტექტიური ჟანრის ნაწარმოებია, რომელშიც იძიებენ ახალგაზრდა ქართველი ბალერინის, ლიზა მეტრეველის მკვლელობას. მოქმედება ორ ქვეყანაში -აშშ-ში და საქართველოში ხდება.გამოძიებას ნიუ-იორკის პოლიციის დეპარტამენტი და პარალელურად, სტუდენტები, ნიკა ხურცილავა და ფაბიანა ვერდინო ატარებენ. იდუმალებით მოცული მკვლელობა საზოგადოების დიდ ინტერესს იწვევს. არავინ იცის, რა მოხდა სინამდვილეში და როგორ დასრულდება გამოძიება.