არდადეგები და სხვა მოთხრობები

ავტორი: მარკ ტვენი მთარგმნელი: ანა ღლონტი სერია: მე მიყვარს კითხვა კლასიკური მწერლობა რომ ყოველთვის თანამედროვეა, ამას მარკ ტვენის ეს უკვდავი ნაწარმოებიც ადასტურებს, რომელიც საუკუნეზე მეტია თაროდან არ ჩამოდის და ყოველთვის აუცილებლად წასაკითხი წიგნების რიცხვშია. მოთხრობის მთავარი გმირი, ობოლი ტომას სოიერი დეიდასთან იზრდება. დაუდეგარი ხასიათის მიუხედავად, ის ბევრს კითხულობს. განსაკუთრებულ უპირატესობას ანიჭებს სათავგადასავლო ლიტერატურას და ცდილობს, თავისი ცხოვრება წაკითხული მოვლენებით შეავსოს. თუმცა პატარა, მოსაწყენ ქალაქში ნამდვილი ავანტიურის პოვნა უჭირს. მას ისღა დარჩენია სასურველი რეალობა თავად შექმნას, რასაც არა მხოლოდ ფიქრი და ოცნება, არამედ გამბედაობაც სჭირდება. ეს კი ყველას როდი შეუძლია. ტომი ჰეკლბერი ფინის მეგობარია, რომელსაც მასავით იტაცებს თავგადასავლები. ჰეკი მარტო ცხოვრობს, შესაბამისად, ხელს არავინ უშლის ეძებოს ახალ-ახალი თავგადასავლები. სწორედ ამ ძიებაში ვლინდება და ყალიბდება მოზარდების ხასიათი და მიზანსწრაფულობა, რომელიც მათ ყოველდღიურ ცხოვრებაში ვლინდება.

ავტორი: რევაზ ინანიშვილი სერია: მე მიყვარს კითხვა ლიტერატურათმცოდნეები რევაზ ინანიშვილის შემოქმედებას „სულის პურს“, „სულის ქურაში“ გამოწრთობილს უწოდებენ. მისი ხელისგულისოდენა მოთხრობები თითქოს თვალს გვიხელს და ჯადოსნური სიცხადით გვიჩვენებს ჩვენი სამშობლოს ავკარგიან ცხოვრებას, გვამოგზაურებს ჩვეულებრივი თვალისთვის შეუმჩნეველ ლირიკულ სამყაროში და იქ ყოფნით ბედნიერ წუთებს გვჩუქნის. თავად წერდა: „ჩემი ნაწერები ნამცეცებად გაბნეული სიკეთის ამოკენკვის ცდააო“. მან მართლაც ნამცეცებად გაბნეული სიკეთეები შეაგროვა და ეს საგანძური შთამომავლობას სამარადჟამოდ დაუტოვა.    დღეს ანდერძივით ჟღერს რევაზ ინანიშვილის სიტყვები: „ადამი-ანი ბავშვობიდანვე უნდა შეაჩვიოთ იმ აზრს, რომ იგი განცხრომისთვის არ არის მოსული ამქვეყანაზე. მან უნდა ზიდოს მძიმე ლოდები სახლების ასაშენებლად, თხაროს ქვასავით მაგარი მიწა გზებისა და არხების გასაშენებლად, თვალები ჩაიწყალოს მილიარდობით დახვავებულ სასტამბო ნიშნებში. წინააღმდეგ შემთხვევაში იგი დაჰკარგავს სულიერ წონასწორობას, ეს კი უსაშინლესი დაავადებაა ყველა სხვა დაავადებათა შორის.

ავტორი: ვასო გულეური სერია: მე მიყვარს კითხვა ერთ პატარა, ლამაზ ქალაქში უცნაური ამბები ხდება თანდათანობით ქრება ბგერები და ირგვლივ ყველა დუმდება: ჩიტები ვეღარ ჭიკჭიკებენ, ფისოები ვეღარ კრუტუნებენ, წყაროები ვეღარ რაკრაკებენ... ამბობენ, ამ ყველაფერში მორენდოს ყორნის სახის მქონე ბოროტი ჯადოქრის  ხელი ურევიაო. წინასაშობაოდ მან მარიას ფორტეპიანოს ბგერებიც მოიტაცა, რათა პატარა გოგონას საშობაო ლამაზი მელოდია ვეღარ დაეკრა. ამ ყველაფრის შემსწრე კეთილი ელფები, ელლუ და ალბი, დასახმარებლად ბრძენ სოფიას მიმართავენ და მისი რჩევებით ეცდებიან, მარიასაც დაეხმარონ და სხვა დაკარგული ბგერების პატრონებსაც. რა გადახდებათ თავს ელფებს? შეძლებენ მარიას დახმარებას? ისევ აჟღერდება საშობაო ლამაზი მელოდიები? დაუბრუნებენ ბგერებს თავიანთ პატრონებს?.. პასუხს ამ შეკითხვებზე აუცილებლად იპოვი ზღაპარში. წაიკითხე და დარწმუნდები, რომ მეგობრობას საოცარი ძალა აქვს, შობის ღამე კი სასწაულების ღამეა!.

ავტორი: გივი ჩიღვინაძე სერია: მე მიყვარს კითხვა გივი ჩიღვინაძის ამ წიგნში ჩვენი მთებისა და ტყეების ბინადარი ცხოველების, ფრინველებისა და მცენარეების თავგადასავლებია წარმოდგენილი. ეს ამბები ავტორმა მოთხრობებად დაწერა, მაგრამ საბავშვო ჟურნალ-გა­ზეთებში გამოქვეყნებულს, ყველა ზღაპრებად იღებდა. მართლაც, ისინი ისეთი საოცარი, მომხიბვლელი და და­უჯერებელია, რომ შეიძლება ზღაპრებად მოგეჩვენოთ. ჰოდა, წიგნსაც „ზღაპრად ქცეული ამბები“ დავარქვით. წაიკითხეთ იგი – ბუნებასაც შეიცნობთ, მშვენიერ სივრცეებსაც მოავლებთ თვალს და საინტერესო ამბებიც გაგახალისებთ...

ავტორი: ფინარ ოღუნჩი სერია: მე მიყვარს კითხვა მტარგმნელი: თამარ თევდორაძე ფინარ ოღუნჩის შემოქმედებას თურქი მკითხველი კარგა ხანია იცნობს, თუმცა „ქარიფანტია დღიური“ მისი პირველი მცდელობაა საბავშვო ლიტერატურაში. წიგნის ონავარ გმი­რებს, მაიას, რობისა და სონას, ათასგვარი ოინბაზობითა და აღმოჩენებით სავსე ყოველდღიური ცხოვრება აქვთ. თავია­ნთი კეთილი, წრფელი, ბავშვური გულით ისინი ყველასა და ყველაფერს თანაუგრძნობენ; ამჩნევენ და ფიქრობენ ისეთ რამეებზე, რაც სხვებს გულისყურის მიღმა რჩებათ. ბავშვები თავიანთ ფერად და ჩიტირეკიულ თავგადასავლებს „ქარიფა­ნტია კითხვების ქარიფანტია პასუხების“ დღიურში ინიშნა­ვენ, თავიანთივე მოგონილი სიტყვებით. მიუხედავად მცირე ასაკისა, მათ კარგად იციან, რომ „ყველას გადახდენია ისეთი რამ, რაც მოსაყოლად და დასაწერად ღირს.“

ავტორი: რუდოლფ რასპე სერია: მე მიყვარს კითხვა მთარგმნელი:თინათინ დიდებულიძე   ბავშვებო, თუ ბარონი მიუნჰაუზენი ამბობს, რომ ყუმბარაზე ამხედრებული დაფრინავდა, ესე იგი ასეც იყო. იცით თუ არა, რომ  ყველაზე მართალი ადამიანი დედამიწაზე ნამდვილად არსებობდა? დიახ, ბარონი მიუნჰაუზენი ნამდვილად ცხოვრობდა მე-18 საუკუნის გერმანიაში. ის მდიდარი ოჯახიდან იყო და ახალგაზრდობაში ერთხანს რუსეთში ცხოვრობდა და რუსეთ-თურქეთის ომშიც მონაწილეობდა. ომის დამთავრების შემდეგ ის გერმანიაში  დაბრუნდა. მას ხშირად სტუმრობდნენ მეგობრები, რომლებსაც თავის თავგადასავალს უამბობდა. რასაკვირველია, ის დიდი ფანტაზიორი ვინმე იყო და ნამდვილ ამბებს ალამაზებდა. როგორც ჩანს, მისი ისტორიები მსმენელებს მოსწონდათ, რადგან მის სახლს სტუმარი არ აკლდა. მალე სახელი გაითქვა, როგორც მახვილგონიერმა და მჭევრმეტყველმა პიროვნებამ. და აი, მისი რამდენიმე ამბავი გერმანულ ჟურნალშიც დაიბეჭდა. მისმა ისტორიებმა მთელ მსოფლიოში უდიდესი პოპულარობა მოიპოვა, როდესაც გერმანელმა მწერალმა ერიხ რასპემ ისინი დაამუშავა და წიგნად გამოსცა. ამ წიგნის გამოსვლის შემდეგ ძალზე ტრაბახა ადამიანს „მიუნჰაუზენას“ ეძახიან ხოლმე. და მაინც: ვინ იყო მიუნჰაუზენი? რა ჰქონდა მას სატრაბახო? როგორ მოაგებინა ომი ინგლისელებს? როგორ გადაურჩა აშკარა დახრჩობას? ან როგორ გაფრინდა მთვარეზე? ამ და სხვა უამრავ საკვირველ ამბავს წაიკითხავთ ამ წიგნში. როგორც ირკვევა, ბარონი მიუნჰაუზენი მართლაც არაჩვეულებრივი ადამიანი იყო, რადგან აგერ უკვე სამ საუკუნეზე მეტია მის ისტორიებს გატაცებით კითხულობენ პატარა მკითხველები. 

ავტორი: გრაფინია დე სეგური სერია: მე მიყვარს კითხვა   ფრანგული საბავშვო ლიტერატურის წარმომადგენლის, მადამ დე სეგურის „სოფის ფათერაკები“ ქართულ ენაზე პირველად ითარგმნა. ამ ავტობიოგრაფიულ ნაწარმოებში კარგად იგრძნობა ბავშვის ბუნების უბადლო ცოდნა. დღევანდელობისგან განსხვავებით, იმ დროს ბავშვები გვიან ხდებოდნენ დამოუკიდებლები თავიანთ ქმედებებსა და გადაწყვეტილებებში. თუმცა, პასუხისმგებლობის გრძნობას მშობლები თავიდანვე უნერგავდნენ შვილებს, უხსნიდნენ, რატომ უნდა მოქცეულიყვნენ ასე და არა სხვაგვარად. ბავშვებს ზედმეტად არასდროს აქებდნენ; თავიდანვე აჩვევდნენ საკუთარი თავის ფლობას; პირადი მაგალითით ასწავლიდნენ, რომ ცხოვრებაში ყველაზე მნიშვნელოვანი უანგარო სიყვარული და სიკეთეა. ამ ნაწარმოების მიხედვით გადაღებულია ფილმები და საბავშვო სერიალი; ის არაერთი თეატრის სცენაზე დაიდგა. ვიმედოვნებთ, რომ „სოფის ფათერაკები“ ჩვენს პატარა მკითხველსაც მოეწონება და ბევრ რამეზე დააფიქრებს.

ავტორი: რევაზ ინანიშვილი სერია: მე მიყვარს კითხვა   ლიტერატურათმცოდნეები რევაზ ინანიშვილის შემოქმედებას „სულის პურს“, „სულის ქურაში“ გამოწრთობილს უწოდებენ. მისი ხელისგულისოდენა მოთხრობები თითქოს თვალს გვიხელს და ჯადოსნური სიცხადით გვიჩვენებს ჩვენი სამშობლოს ავკარგიან ცხოვრებას, გვამოგზაურებს ჩვეულებრივი თვალისთვის შეუმჩნეველ ლირიკულ სამყაროში და იქ ყოფნით ბედნიერ წუთებს გვჩუქნის. თავად წერდა: „ჩემი ნაწერები ნამცეცებად გაბნეული სიკეთის ამოკენკვის ცდააო“. მან მართლაც ნამცეცებად გაბნეული სიკეთეები შეაგროვა და ეს საგანძური შთამომავლობას სამარადჟამოდ დაუტოვა.    დღეს ანდერძივით ჟღერს რევაზ ინანიშვილის სიტყვები: „ადამი-ანი ბავშვობიდანვე უნდა შეაჩვიოთ იმ აზრს, რომ იგი განცხრომისთვის არ არის მოსული ამქვეყანაზე. მან უნდა ზიდოს მძიმე ლოდები სახლების ასაშენებლად, თხაროს ქვასავით მაგარი მიწა გზებისა და არხების გასაშენებლად, თვალები ჩაიწყალოს მილიარდობით დახვავებულ სასტამბო ნიშნებში. წინააღმდეგ შემთხვევაში იგი დაჰკარგავს სულიერ წონასწორობას, ეს კი უსაშინლესი დაავადებაა ყველა სხვა დაავადებათა შორის.

ავტორი: ჯოზეფ რადიარდ კიპლინგი სერია: მე მიყვარს კითხვა ჯ. რ. კიპლინგის "ჯუნგლის წიგნი", განსაკუთრებით კი "მაუგლის ამბები" დღემდე ერთ–ერთ საუკეთესო წიგნად ითვლება. რთული წარმოსადგენია, როგორ შეიძლება პატარა ბავშვი მგლებმა გაზარდონ, ავაზამ გამოისყიდოს ხარის ფასად, დათვმა ასწავლოს ჯუნგლების კანონები... წამოზრდილი ბიჭი კი ყველაზე საშიშ ვეფხვს – შერ–ხანს შეებრძოლოს და დაამარცხოს. ჰოდა, მოემზადე საინტერესო, თავგადასავლებით დახუნძლული მოგზაურობისთვის!