ავტორი: სოფი ოქსანენი სერია: ლიტერე ინვენტე თარგმანი: დიმიტრი გოგოლაშვილი   შთამბეჭდავი და გაბედული წიგნი, ფინელ-ესტონელი ავტორის საერთაშორისო ბესტსელერი პოსტსაბჭოთა სივრცის, როგორც სუროგაციიის გლობალური ბაზრის შესახებ გვიამბობს. სოფი ოქსანენი უკრაინელი სუროგატი დედების ბედს მათი მშობლიური სოფლებიდან ჰელსინკის ქუჩებამდე მიუყვება. დასავლეთისა და აღმოსავლეთის გასაყარზე ქალების შანტაჟისა და მათი სხეულების ექსპლუატაციის გზით შექმნილი ბიზნესი, ერთი შეხედვით, ორივე მხარისთვის სასარგებლო უნდა იყოს… მაგრამ ძაღლების პარკში შვილის „დამკვეთი“ ოჯახების მოლოდინში გართული ქალები თავად ხდებიან სხვა, გაცილებით უფრო სახიფათო და დაუნდობელი პარკის „ბინადრები“.

ავტორი: იტალო ზვევო   "მე სწორედ ის ექიმი გახლავართ, რომელსაც ზოგჯერ უდიერად მოიხსენიებენ ამ მონათხრობში. ვისაც ფსიქოანალიზისა რაიმე გაეგება, ალბათ ისიც მოეხსენება, თუ სად უნდა მიუჩინოს ადგილი იმ ანტიპათიას, რომელსაც პაციენტი ჩემდამი გამოხარავს. ფსიქოანალიზზე არაფერს ვიტყვი, რადგანან ფურცლებიდან ისედაც ბევრს გაიგებთ მასზე. პირველ რიგში, ალბათ, ბოდიში უნდა მოვიხადო ჩემი საქციელისთვის, პაციენტი ავტობიოგრაფიის დასაწერად რომ წავაქეზე..." - ამონარიდი რომანიდან.

ავტორი: თომას ბერნჰარდი მთარგმნელი: მაია ფანჯიკიძე სერია: ლიტოდისეა 82 წლის მუსიკათმცოდნე რეგერი ოცდაათ წელიწადზე მეტია დღეგამოშვებით დადის ვენის ხელოვნების ისტორიის მუზეუმში. ის საათობით სწავლობს ძველი ოსტატების შედევრებად მიჩნეულ ნამუშევრებს, რომ მათში შეცდომა აღმოაჩინოს. არცერთი მათგანი და საერთოდ, ხელოვნების არცერთი უდიდესი წარმომადგენელი არ არის სრულყოფილი; არც ხელოვნება, მუსიკა თუ ლიტერატურაა ყველაფერზე ამაღლებული და არაფერია იმ ერთადერთ ადამიანთან შედარებით, რომელიც ცხოვრებაში ყველაზე მეტად გვყვარებია. „ძველი ოსტატები“ თომას ბერნჰარდის აპოლინური ტრილოგიის მესამე წიგნია და ფორმისა და სტრუქტურის მიხედვით აგრძელებს „ტყის ჩეხისა“ და „დაღმამავალის“ ტრადიციას. ხელოვნების სამი სფერო – თეატრი, მუსიკა და მხატვრობა ქმნის თითოეული რომანის პროტაგონისტის სულიერ სამყაროს, რომელშიც ის მოძრაობს და შინაგანი მონოლოგის საშუალებით გადმოგვცემს თავის ნააზრევს ხელოვნების დანიშნულებისა და მნიშვნელობის შესახებ.

ავტორი:ფიოდორ დოსტოევსკი მთარგმნელი: მზია გელაშვილი; ანა აბულაშვილი სერია: პალიტრა კლასიკა გამომცემლობა: პალიტრა L

ავტორი: ფიოდორ დოსტოევსკი მთარგმნელი: გივი კიკილაშვილი გამომცემლობა: ბაკურ სულაკაურის გამომცემლობა სერია: მსოფლიო კლასიკა

ავტორი: ფილიპ როთი მთარგმნელი: ზაზა ჭილაძე სერია: დიოგენეს ბიბლიოთეკა ფილიპ როთის მოკლე რომანი «ძუძუ» კაფკას «გარდასახვის» ტრადიციას აგრძელებს. პროფესორი კეპეში, 38 წლის სრულიად ჯანმრთელი მამაკაცი, ერთ დღესაც აღმოაჩენს, რომ გარდაისახა. ოღონდ მწერად ქცეულ გრეგორ ზამზასაგან განსხვავებით, კეპეში ქალის ძუძუდ იქცევა. უზარმაზარი სარძევე ჯირკვლის გასაოცარ თავგადასავალს თავად რომანის მთავარი გმირი, ძუძუ მოგვითხრობს – გულწრფელად და მღელვარედ. ამერიკული ლიტერატურის კლასიკოსი ფილიპ როთი (1933 – 2018) ოცდაათამდე რომანის ავტორია. საერთაშორისო ბუკერისა და პულიცერის პრემიების მფლობელი მწერალი ერთადერთი იყო, ვისი წიგნებიც «ამერიკის ბიბლიოთეკის» ცნობილ სერიაში მის სიცოცხლეშივე გამოიცა.

ავტორი: ბერნჰარდ შლინკი სერია: 10 რომანი დიქტატურაზე მთარგმნელი: გვანცა შუბითიძე და ნათია ლაფერაძე „ვისი ხელით მოქმედებს დიქტატურა? როგორები არიან ტოტალიტარული რეჟიმის ნების უშუალო აღმსრულებლები? როგორ იქცევა ადამიანური სისუსტე ბოროტების დასაყრდენად? როგორ შეიძლება, რომ რიგითმა მოქალაქემ, რომელსაც სხვა გარემოებებში სრულიად განსხვავებული ცხოვრება ექნებოდა, წარმოუდგენელი სისასტიკის ჩადენისას თავს დააჯეროს, რომ მხოლოდ სამსახურებრივ მოვალეობას ასრულებს? − ბერნჰარდ შლინკის რომანი „წამკითხველი“ სწორედ ამ კითხვებზე დაგაფიქრებთ.    აუცილებლად აღსანიშნავია ამ რომანის ამბის მოულოდნელი განვითარებით გამორჩეული, საინტერესო სიუჟეტი; მკითხველისთვის წიგნის პირველ ნაწილში ალაგ-ალაგ, ზომიერად მიცემული მინიშნებები იმ საიდუმლოს ამოსახსნელად, რომელსაც, საბოლოოდ, მეორე ნაწილში აეხდება ფარდა.    ბერნჰარდ შლინკის რომანი „წამკითხველი“ 1995 წელს გამოქვეყნდა, მალევე ითარგმნა მრავალ ენაზე და განსაკუთრებული პოპულარობა ამერიკის შეერთებულ შტატებში მოიპოვა − ნიუ-იორკ ტაიმსის ბესტსელერი პირველი გერმანული წიგნი გახდა. 2008 წელს რეჟისორმა სტივენ დალდრიმ „წამკითხველის“ მიხედვით გადაიღო ფილმი, რომელიც „ოსკარისა“ და „ოქროს გლობუსის“ არაერთ კატეგორიაში იყო ნომინირებული; ქეით უინსლეტი კი, როგორც ფილმის მთავარი როლის შემსრულებელი საუკეთესო მსახიობი ქალი, ოსკარის მფლობელიც გახდა“.

წერილი ვერდაბადებულ ბავშვს ავტორი: ორიანა ფალაჩი სერია: დიოგენეს ბიბლიოთეკა მთარგმნელი: ნათია აბრამიშვილი ორიანა ფალაჩის მოკლე რომანი «წერილი ვერდაბადებულ ბავშვს» 1975 წელს გამოიცა. მასში წამოჭრილმა მწვავე საკითხებმა და ავტორის გამბედაობამ წიგნის მსოფლიო წარმატება განაპირობა. რომანი ახალგაზრდა ქალის ტრაგიკული მონოლოგია, რომელიც მუცლადმყოფ ბავშვს ესაუბრება. ცხოვრების საზრისი, სიცოცხლის უფლება, ქალსა და მამაკაცს შორის არსებული უთანასწორობა, მარტოხელა ქალისადმი საზოგადოების დამოკიდებულება, არჩევანი დედობასა და კარიერას შორის ის თემებია, რომლებსაც ფალაჩის გმირი ეხება.     ორიანა ფალაჩი (1929 – 2006), იტალიელი ჟურნალისტი და მწერალი, მეორე მსოფლიო ომის დროს იტალიური წინააღმდეგობის მოძრაობის წევრი იყო. ომისშემდგომმა ჟურნალისტურმა საქმიანობამ მას საყოველთაო აღიარება მოუტანა. ფალაჩის სტატიები და ინტერვიუები მსოფლიო ლიდერებთან – ინდირა განდისთან, ჰენრი კისინჯერთან, გოლდა მეირთან თუ სხვებთან – სიმძაფრითა და შეუპოვრობითაა ცნობილი. ფალაჩის ზოგიერთ მოსაზრებას, მათ შორის, ისლამისადმი მის კრიტიკულ დამოკიდებულებას, 2000-იანების დასაწყისში არაერთგვაროვანი რეაქცია მოჰყვა.

ავტორი: ოლგა ტოკარჩუკი მთარგმნელი: კატია ვოლტერსი გამომცემლობ: ინტელექტი   ოლონეთი, XVIII საუკუნის მეორე ნახევარი, გამუდმებული ომები, სიღატაკის ზღვარზე მყოფი მოსახლეობა. ქვეყნისთვის ამ უმძიმეს ჟამს შორეული სმირნიდან პოდოლიეში ჩამოდის ახალგაზრდა ქარიზმატული ებრაელი იაკობ ფრანკი. იდუმალებით მოცული უცხოელის ქადაგება ებრაულ სამყაროს ორად ყოფს: ერთი ნაწილისთვის ის საშიში ერეტიკოსია, სხვებისთვის კი – მხსნელი, მესია, რომლის მიმდევართა რიცხვი დღითი დღე იზრდება. იბადება უცნაური დოქტრინა – ფრანკიზმი, რომელიც სულ მალე მნიშვნელოვან გავლენას ახდენს ევროპის ისტორიაზე.    იაკობ ფრანკი სწორედ მაშინ ჩნდება დაუძლურებული, ღირსებააყრილი ადამიანების გვერდით, როდესაც მათ ჰაერივით სჭირდებათ სოციალური უსამართლობით გამოწვეული გაუსაძლისი ყოფის ტრანსცენდენტური გამართლება და განმტკიცება რწმენისა, რომ ეს მძიმე ხვედრი შემოქმედის ამოუცნობი გეგმის ნაწილია. ამიტომაც მიჰყვებიან ბრმად მესიად შერაცხულ იაკობს ხიფათითა და იმედით აღსავსე მოგზაურობაში. მათ სჯერათ, რომ ეს არის ებრაელი ერისთვის განსაცდელისგან თავის დახსნის, პიროვნული და პოლიტიკური დამოუკიდებლობის მოპოვების ერთადერთი გზა.   თანამედროვე პოლონელი ავტორის, ოლგა ტოკარჩუკის, ისტორიულ რომანში „წიგნები იაკობისა“ (2014წ.) იაკობ ფრანკის ბიოგრაფია უხვად არის გამდიდრებული მხატვრული გამონაგონით. რომანი შედგება შვიდი წიგნისგან, რომლებსაც რამდენიმე საინტერესო და სრულიად განსხვავებული მთხრობელი ჰყავს. მათ შორის ყველაზე გამორჩეული ალბათ მაინც სიკვდილ-სიცოცხლის ზღვარზე მყოფი ღრმად მოხუცებული იენტაა, იაკობის დიდედა, რომელიც იმ დღიდან, რაც გულზე ჩამოკიდებულ ქაღალდის ავგაროზს გადაყლაპავს, მიმდინარე, მოსახდენ თუ წარსულში მომხდარ მოვლენებს უჩვეულო პერსპექტივიდან ხედავს.   ორიგინალური ხმის, ღრმა და მრავალშრიანი მონუმენტური რომანი წიგნები იაკობისა, ანუ, როგორც ავტორი სატიტულო გვერდიდანვე გვამცნობს: „დიდი მოგზაურობა შვიდ საზღვარზე, ხუთ ენასა და სამ დიდ რელიგიაში მცირეთა ჩაუთვლელად“, თარგმნილია 37 ენაზე.    ოლგა ტოკარჩუკს 2018 წელს მიენიჭა ნობელის პრემია. იგი ასევე არის ბუკერის, ნიკეს და არაერთი პრესტიჟული ლიტერატურული პრემიისა და ჯილდოს მფლობელი.   

ავტორი: მარკუს ზუზაკი მთარგმნელი: ნათია ჩუბინიძე სერია: ლიბერთინს   ცხრა წლის ლიზელი დედობილ-მამობილთან ერთად, ჰიმელსტრიტზე ცხოვრობს. მისი მშობლები საკონცენტრაციო ბანაკში გაგზავნეს. გოგონა წიგნებს იპარავს, კითხულობს და ბოლოს, თვითონ იწყებს წერას. ეს არის ამბავი ლიზელსა და მის მეზობელზე, ეს ჰიმელს-სტრიტის დაბომბვის ისტორიაა.

ავტორი; სტენდალი მთარგმნელი: გერონტი ქიქოძე სერია: იკითხე კლასიკა   ერთი მხრივ,დიდებისა და აღიარების სურვილით შეპყრობილი და,მეორე მხრივ,რომანტიკული ჟულიენ სორელი თვდაუზოგავად მიისწრაფვის სოციალური აღმავლობისაკენ.უნიჭიერესი,საოცარი ნებისყოფითა და შორსმჭვრეტელობით დაჯილდოებული,ის ამ გზაზე წარმატებას წარმატებაზე აღწევს,თუმცა თანდათან ეფლობა ჭაობში.ჭაობს კი ეშაფოტი სჯობს,თავის დახრას-თავის მოკვეთა.რომანში მთელი სისრულითაა წარმოდგენილი რესტავრაციის პერიოდი საფრანგეთის არისტოკრატია,ბურჟუაზია,საუსლიერო პირები.აღწერილია კათოლიკური ეკლესიის ფარისეველ მსახურთა საქმიანობა.

ავტორი: სტენდალი მთარგმნელი: გერონტი ქიქოძე სერია: მინი წიგნების კოლექცია ერთი მხრივ,დიდებისა და აღიარების სურვილით შეპყრობილი და,მეორე მხრივ,რომანტიკული ჟულიენ სორელი თვდაუზოგავად მიისწრაფვის სოციალური აღმავლობისაკენ.უნიჭიერესი,საოცარი ნებისყოფითა და შორსმჭვრეტელობით დაჯილდოებული,ის ამ გზაზე წარმატებას წარმატებაზე აღწევს,თუმცა თანდათან ეფლობა ჭაობში.ჭაობს კი ეშაფოტი სჯობს,თავის დახრას-თავის მოკვეთა.რომანში მთელი სისრულითაა წარმოდგენილი რესტავრაციის პერიოდი საფრანგეთის არისტოკრატია,ბურჟუაზია,საუსლიერო პირები.აღწერილია კათოლიკური ეკლესიის ფარისეველ მსახურთა საქმიანობა.

ავტორი: ავგუსტ სტრინდბერგი მთარგმნელი: ლიკა ჩაფიძე   „წითელი ოთახი“, როგორც სტრინდბერგის მთელი ლიტერატურული.მემკვიდრეობა, მნიშვნელოვნად ეყრდნობა ავტორის პირად.გამოცდილებას. სტოკჰოლმში დღესაც არსებობს ის რესტორანი.და წითლად შეფერილი ოთახიც, რომელშიც რომანის პერსონაჟები.სასაუბროდ იკრიბებოდნენ. ნაწარმოების მთავარი გმირი, მწერლობასა და ჟურნალისტობაზე.მეოცნებე ახალგაზრდა იდეალისტი არვიდ.ფალკია, მას მუდმივად ტანჯავს შვედურ საზოგადოებაში ფესვგადგმული.პირფერობა, ფარისევლობა და.კორუფცია, რომელიც გამეფებულია ყველგან – პოლიტიკაში, ბიზნესში, თეატრსა თუ გამომცემლობაში. არვიდ ფალკის ერთადერთი თავშესაფარი სტოკჰოლმის.ცენტრში მდებარე რესტორნის წითლად.შეფერილი ოთახია, სადაც თანამოაზრეებთან, შვედეთის ბოჰემური წრის წარმომადგენლებთან.საუბრობს გაუსაძლის გარემოზე.

ავტორი: ჯ. პ. დილენი მთარგმნელი: ანა კოპაძე სერია: TOP თრილერი ვან-ფოლგეით-სთრითი ყველასგან გამორჩეული სახლია - ლამაზი, თანამედროვე... და საიდუმლოებებით სავსე. მისი არქიტექტორიც უცნაური კაცია- უჩვეულოდ აზროვნებს, პროექტებიც უცნაური აქვს და გარშემო მყოფთაც თავისი შეხედულებებისამებრ აიძულებს ცხოვრებას. ადრე: ვან-ფოლგეით-სთრითზე ემა ცხოვრობდა და ახლა აღარ არი. ახლა: ჯეინი დასახლდა, რომ შვილის დაკარგვის ტკივილი ამ ლამაზმა სახლმა მაინც გაუნელოს, ცხოვრება თავიდან დაიწყოს. ახალი სიყვარულიც ეწვია,მაგრამ გამუდმებით ღრღნის საფრთხის შეგრძნება... რატომ,რისი ან ვისი ბრალია...

ავტორი: ჯეკ ლონდონი მთარგმნელი: ლია ელიოზიშვილი სერია: იკითხე კლასიკა ჯეკ ლონდონის სათავგადასავლო რომანი „წინაპართა ძახილი" ავტორის ადრეული ნაწარმოებების რიცხვს მიეკუთვნება. ლონდონმა წელიწადზე მეტი გაატარა იუკონის ტერიტორიაზე და შეაგროვა მასალები ამ წიგნისათვის. რომანი თავდაპირველად 1903 წლის ზაფხულში გამოვიდა სერიებად ჟურნალ The Saturday Evening Post-ში, ერთი თვის შემდეგ კკი ის წიგნად გადაკეთდა. წიგნის მთავარი პერსონაჟი ძაღლია - ბეკი, რომესაც ადამიანები, სხვა ძაღლები და ბუნებაც კი სასტიკად ეპყრობა. ნოველა მოგვითხრობს ბეკის ბრძოლას გადარჩენისათვის.

ავტორი: ჰოტაკაინენი კარი   მოზარდობის პერიოდი ძნელია. მოწიფულ ადამიანად ჩამოყოლიბებაც ძნელია. ძნელია, როცა მოწიფულობიდან სიბერეში გადააბიჯებ. ძნელია, როცა ბერდები. მამობა ძნელია. ძნელია ათეისტობა. ძნელია ქრისტიანობა. ჰელსინკში ცხოვრება ძნელია. ძნელია სანტ-პეტერბურგშის მონახულება. ფინელობა ძნელი საქმეა. მითუმეტეს, როდესაც ძალიან სასაცილო და დაუჯერებელი რამეები ხდება. ეს არის მომხიბლავი ამბავი ამ ყველაფერზე. ეს არის უდიდესი ტრაგიკომედია ტოლერანტობაზე, სიყვარულზე, სექსზე. საავადმყოფოზე და თაობათა კონფლიქტზე.

ავტორი: თა-ნაჰასი ქოუთსი მთარგმნელი: გიორგი ხარაიშვილი სერია: წლის ბესტსელერი რა ელოდება ჰაირამ უოკერს - დედით შავკანიან მონას, მამით კი თეთრკანიანსა და ვირჯიინის უმდიდრესი არისტოკრატული გვარის წარმომადგენელს? როცა ჰაირამი მონობას ვეღარ უძლებს, სწორედ მაშინ გამოჩნდება გადარჩენის გზა - ფანტასტიკური, სახიფათო, დაუჯერებელიც კი, მაგრამ თავისუფლების ბოლო შანსი სხვანაირი ვერც იქნება! მონობიდან გაქცევის აუცილებელი პირობაა წყალი, ხიდი, ნისლი და... როკვა, სწორედაც ზანგური როკვა! და ჰაირამიც იწყებს... გინდათ, იხილოთ, როგორ როკავს შავკანიანი ამერიკა თავისუფლებისთვის? მაშინ წაიკითხეთ ეს წიგნი.    

ავტორი: პოლა ჰოკინსი ინგლისის პატარა ქალაქ ბედფორდის მდინარე არაერთ საიდუმლოს მალავს. მასში უამრავი ქალი დაიხრჩო - ზოგმა თავი მოიკლა, ზოგიც ცხოვრებისეულ გარემოებებს ემსხვერპლა. ამიტომაც უწოდეს მას “სიკვდილის ტბორი”.   "სიკვდილის ტბორში” ჯერ 15 წლის ქეითი გადახტა, შემდეგ კი მისი მეგობრის დედა დენიელ ებოტი… მაგრამ გადახტა თუ გადააგდეს? - ამის ახსნა მოუწევთ დენიელის დასა და დეტექტივებს და იქნებ საიდუმლოსაც აეხადოს ფარდა?! ამ პროვინციული ქალაქის მხოლოდ რამდენიმე მკვიდრმა იცის, რა მოხდა წლების წინ ...                           

ავტორი: ჯილბერტი ელიზაბეტ   "ჭამე, ილოცე, შეიყვარე" ავტობიოგრაფიული რომანია. ელიზაბეტი მტკიცედ გადაწყვეტს, იპოვოს ის, რაც აქამდე ესოდენ აკლდა. ამდენად, ის იწყებს ძიებას... რომში ის თავს ნებაზე მიუშვებს, ინდოეთში კი სულის განწმენდას ჰპოვებს... საბოლოოდ კუნძულ ბალიზე მცხოვრები ექიმბაში ახალ გზას დაანახვებს სიმშვიდისკენ და კვლავ გაუღვივებს სიყვარულის სურვილს.

ავტორი: არნალდურ ინდრიდასონი სერია:TOP თრილერი მთარგმნელი: ანტონ სინატაშვილი რეიკიავიკის პოლიცია ხნიერი მამაკაცის გვამს პოულობს. მამაკაცი მოკლულია მისივე ბინაში, მაგრამ მტკიცებულებები არ ჩანს, გარდა სამსიტყვიანი ბარათისა - ,,მე ის ვარ". გამოცდილი დეტექტივ-ინსპექტორი ერლენდურ სვეინსონი ხვდება, რომ ამ დანაშაულის უკან ვიღაცის ტრაგედია იმალება და ნაბიჯ-ნაბიჯ, თითქოს ნატეხებით აწყობს შემზარავი საიდუმლოს მოზაიკას... საქმის ძიებისას ინსპექტორი ერლენდური სხნის საიდუმლოებებსაც, რომლებიც ბევრად მეტია, ვიდრე ერთი მოხუცის მკვლელობა...

ავტორი: ჯერომ სელინჯერი მთარგმნელი: ვახტანგ ჭელიძე, ლელა დუმბაძე წიგნი პირველად 1963 წელს გამოქვეყნდა. ”ჭერი ასწიეთ, დურგლებო” და ”სიმორი, შესავალი” მჭიდრო კავშირშია სელინჯერის სხვა ორ წიგნთან:”ცხრა მოთხრობასა” და ”ფრენი და ზუისთან”. ”ჭერი ასწიეთ, დურგლებო” პირველ პირში მოთხრობილი ამბავია. მთხრობელი ბადი გლასია, რომელიც აღწერს მის უჩვეულო ოჯახს და რთულ, თუმცა თბილ ურთიერთობას და-ძმებს შორის.

ავტორი: აგათა კრისტი მთარგმნელი: პაატა ჩხეიძე რომანში,რომელშიც ბიზნესმენისა და ფინანსური მაგნატის საიდუმლოებით მოცული სიკვდილია აღწერილი,მის მარპლს ერთობ უჩვეულო ბოროტმოქმედების გამოძიება უწევს.ფინანსური იმპერიის მეფე,რექს ფორტესქიუ თავის ბუღალტერიაში ჩაის წრუპავდა,როდესაც უეცრად ცუდად გახდა და ტანჯვით აღმოხდა სული.მოგვიანებით ჩატარებული ჩხრეკის შედეგად,გარდაცვლილის ჯიბეებში რაღაც მარცვლეული იპოვეს.დანაშაულის დამადასტურებელი სხვა რამე სამხილი ადგილზე ვერ აღმოაჩინეს...

ავტორი: ქევსერ რუჰი (ქეთი ხანთაძე)     „ჭოროხივით მოღელავდა შენი გრძელი თმები“ ჩიტების გადაულახავ საზღვრებს კვეთს. „გაღმა მხარეზე“ დანატრებული ადამიანების, სევდისა და სიხარულის, სიმწრისა და ბედნიერების, ქორწილებისა და დაკრძალვების შეხვედრის ადგილია ეს მოთხრობები... თურქეთის მიწაზე დაბადებული მწერალი ქართველობას გულით ატარებს და მონატრების სევდა სულ თან ახლავს.    ქევსერ რუჰი პროზასა და პოეზიას შორის ძალიან ვიწრო ხიდზე გადის. ქევსერის პოეტურობაში ხანდახან იგრძნობა უფსკრულისაკენ დამზიდველი ძალა. დიახ, ის თავბრუს გვახვევს, საშიშია, მაგრამ ამავე დროს მშვენიერი“ (სადიქ ასლანქარა – გაზეთი „რესპუბლიკა“).   პირველი წიგნით „ქარვის ქალები“ ქევსერ რუჰმა მხოლოდ მისთვის დამახასიათებელი სტილით დაიმკვიდრა ადგილი ნოველისტებს შორის. „ჭოროხივით მოღელავდა შენი გრძელი თმები“ – ამ სახელწოდების წიგნში კი ადამიანებისა და ბუნების დახასიათების საოცარი, ორიგინალური სიმბოლოები გამოიყენა.   წიგნი გამოიცა ერგუნ ათაბაიას (გურამ ქოქოლაძე) მხარდაჭერით.

მთარგმნელი: ქეთევან ყანჩაშვილი   იასმინა მიხაილოვიჩი – მწერალი და ლიტერატურის კრიტიკოსი, სამოგზაურო პროზის რამდენიმე წიგნის, ნარკვევებისა და რომანის ავტორია. გამოქვეყნებული აქვს მილორად პავიჩის პროზის კვლევა სხეულისა და სულის არაკი (1992); ორი ამბავი კოტორზე (მ. პავიჩის თანაავტორობით, 1998); კერძო კოლექცია (2000, ოთხჯერ გამოიცა); ერთი სიყვარულის ორი ამბავი (მ. პავიჩის თანაავტორობით, 2004); მოგზაურის ალბომი (2006); და რომანი პარიზული კოცნა (2007).   მკითხველს უჩვეულო ავტობიოგრაფია ელის. ეგზოტიკურ აზერბაიჯანში მოგზაურობისა და კერძო-საჯარო მოგონებების აღწერის ფონზე ავტორი გვიამბობს ორი სერბი მწერლის სიყვარულზე, რომლებიც სიკვდილმაც კი ვერ დააშორა.   იასმინა მიხაილოვიჩის ხაზართა ზღვის ნაპირებზე – დახვეწილი და მელანქოლიური რომანი მკითხველს ევროვიზიის სიმღერის კონკურსის შთაბეჭდილებებს უზიარებს, განმარტავს, რატომ ეწოდება კასპიის ზღვას „ხაზართა ზღვა“ და მოუთხრობს ორი კონტინენტის გასაყარზე მომხდარ გასაოცარ ამბებს.   ოთხი პროზაული ნაწილი, რომლებისგანაც ეს წიგნი შედგება, ავტორმა სწორედ იმ ორიგინალური და უჩვეულო ლიტერატურული ხერხების დაცვით განალაგა, რომლებსაც მილორად პავიჩი ასე ხშირად მიმართავდა თავის ნაწარმოებებში, თავისი და პავიჩის ორი განცალკევებული წიგნი ოსტატურად ჩააქსოვა ერთმანეთში და ერთ ჰარმონიულ კოლაჟად აქცია, ამიტომ მთელი წიგნი ერთი მთლიანი ორგანიზმივით, ერთი ამოსუნთქვით იკითხება