ეს ლამაზად ილუსტრირებული წიგნი წარსულში, მეომრების, ხომალდებისა და ლეგენდების მიწაზე გადაგიყვანს და საარაკო საგანძურითა და გმირთა საგებით, ურჩხულებითა და ეპიკური მოგზაურობებით გაგაოცებს. ძვირფასი ხმლიდან და მეომრის მუზარადიდან დაწყებული, მოელვარე ბროშით, ტყავის ჩექმითა და ბავშვის სათამაშო ცხენით დამთავრებული, შთამბეჭდავი ილუსტრაციებით ვიკინგთა ძვირფას საგანძურს გაეცნობი.თითოეულ ნივთს თავისი ისტორია აქვს. ასე რომ, შეგიძლია გაიგო, როგორი იყო ვიკინგი მეომარი, ვაჭარი თუ ბავშვი, იხილო ვიკინგთა ღმერთები და ქალღმერთები, გაშიფრო მათი იდუმალი რუნები. აღმოაჩინე ვიკინგთა სამყაროს ყველა საოცრება ამ დიდებულ სამახსოვრო წიგნში, რომელსაც არაერთხელ მიუბრუნდები.

ეს ლამაზად ილუსტრირებული წიგნი იმპერატორებისა და ცენტურიონების ძველ სამყაროში გადაგიყვანს. გაიცანი რომაელი ხალხი და აღმოაჩინე მათი დიდებული იმპერიის საგანძური. გლადიატორის ჩაფხუტითა და გველის ფორმის ოქროს სამაჯურით დაწყებული, ჩახლართული მოზაიკებით, ელვარე საომარი იარაღითა და ბავშვის სათამაშო ცხენით დამთავრებული, შთამბეჭდავი ილუსტრაციების საშუალებით ძველი რომის გასაოცარ საგანძურს გაეცნობი.თითოეულ ნივთს თავისი ისტორია აქვს. ასე რომ, შეგიძლია გაიგო, როგორი იყო გლადიატორის, ჯარისკაცის ან რომაელი ბავშვის ცხოვრება, გაეცნო იმპერატორებისა და იმპერატრიცების ცხოვრებას,შეაბიჯო მითების სამყაროში. აღმოაჩინე ანტიკური რომის ყველა საოცრება ამ დიდებულ სამახსოვრო წიგნში, რომელსაც არაერთხელ მიუბრუნდები

ავტორ-შემდგენელი: თორნიკე ასათიანი სერია: თან საკითხავი ჰერალდიკა ანუ გერბთმცოდნეობა, შუა საუკუნეების რაინდული რომანტიკული სამყაროს განუყრელი ნაწილი და საისტორიო მეცნიერების დამხმარე დისციპლინა, ევროპასთან მოხშირებული კონტაქტის პარალელურად, საკმაოდ ფართოდ გავრცელდა საქართველოში. თუმცა შემდეგ დაუმსახურებლად იყო ტაბუირებული კომუნისტური რეჟიმის ბატონობის ხანაში. თვით გერბის არსი მდგომარეობს ფაქტების, ლეგენდების, მოვლენების პირდაპირ თუ ირიბ ხატოვან გადმოცემაში. ყოველი გერბი რაიმე ისტორიას შეიცავს.  რატომ 101 ამბავი? ციფრი 0 ოვალურ ჰერალდიკურ ფარად წარმოვიდგინეთ, აქეთ-იქითა ერთიანები კი – ე. წ. ფარისმტვრითველებად. ასე რომ, როგორც გერბები მოიცავს ხოლმე ერთგვარად დაშიფრულ ამბებს, ისე 101-იც ალეგორიულად გამოხატავს ჰერალდიკურ კომპოზიციას.

ავტორი: ირაკლი მახარაძე სერია: თან საკითხავი წიგნში მოთხრობილია ნაირგვარი ამბები გურულების ყოფასა და ზნე-ჩვეულებებზე. იმედია, მკითხველი ინტერესით გაეცნობა ბევრ ახალ და უცნობ ინფორმაციას საქართველოს ამ გამორჩეული კუთხისა და მისი მცხოვრებლების შესახებ.

ავტორი: ირაკლი მახარაძე   XX საუკუნის დასაწყისში, როცა რუსეთის იმპერიას რევოლუციურმა გრიგალმა გადაუარა და მთელ რუსეთში, ასევე საქართველოს სხვადასხვა ნაწილებში, წარმოიშვა რევოლუციური კერები და შეიქმნა ნაძალადევის, გორის, ჭიათურის, ყვირილის, ზუგდიდის და სხვა რესპუბლიკები, რომელთაც სულ მცირე ხნით იარსებეს. მაგრამ არც ერთ რესპუბლიკას არ ღირსებია ისეთი წარმატება და საყოველთაო ყურადღება, როგორც გურიის რესპუბლიკას. ეს იყო უნიკალური მოვლენა, რომელსაც არ მოეძებნება ანალოგი გლეხთა მოძრაობის ისტორიაში, როგორც რუსეთი იმპერიაში, ასევე მთელი მსოფლიოს მასშტაბით. გურია, რომელიც პოლიციური რუსეთის პაწაწინა ნაწილს წარმოადგენდა, ფაქტიურად გახდა დამოუკიდებელი, რომელსაც მეფის მთავრობა ვეღარ განაგებდა. გლეხთა რევოლუციური მოძრაობა 1905 წელს ე.წ ,,გურიის რესპუბლიკად" ჩამოყალიბდა. ოცნება, რუსული ინტელიგენციისა, რომელსაც რამოდენიმე თაობა გადაყვა, საქართველოში ასრულდა - გლეხთა ფართო მასებში რევოლუციურმა შეგნებამ გაიღვიძა და გურიამ რევოლუცია განახორციელა. გურიის რესპუბლიკამ დიდი ზეგავლენა იქონია რევოლუციურ მოძრაობაზე არა მარტო საქართველოში, ზოგადად მთელს იმპერიაში. სიტყვები ,,გურია" და ,,გურული მუშები და გლეხები" მთელი რევოლუციური რუსეთისთვის დიდი ხნის განმავლობაში ბრწყინვალე სახალხო ბრძოლის სიმბოლოდ რჩებოდა თუმცა რუსეთის იმპერიამ შეძლო ამბოხებული გურიის სისხლში ჩახშობა. მარტო გურია ვერ გაუკლავდებოდა ისეთ ძლიერ, ულმობელ და ცბიერ მოწინააღმდეგეს, როგორიც რუსეთია, რომელიც დიდი წარმატებით იყენებდა divide et impera-ს (დაყავი და იბატონე) პოლიტიკას და ახლაც აგრძელებს.

„სიმარჯვით და გულადობით გურულები განთქმულნი არიან“, „დღეს გურულები ქართველთა შორის ყველაზე განვითარებული და მებრძოლი ხალხია“, „გურულები არიან ყველაზე უნარიანები ომში, მუდამ ქვეითად იბრძვიან“, – ასე ახასიათებდნენ მე-19-20 საუკუნეების მიჯნაზე ჩვენებური და უცხოელი ავტორები გურულებს. რა გასაკვირია, გურული ხომ ბავშვობიდან მიჩვეული იყო თოფის ხმარებას. არაერთი წყარო აღნიშნავს, რომ გურულები გამორჩეულად ემზადებოდნენ ბრძოლისთვის. გიორგი წერეთელი სამართლიანად წერდა: „გურულს ხელში იარაღი და წინ მტერი, – აი, მისი საქმე.“   იმდროინდელ ფოტოებზე იშვიათადაა გურული კაცი „თავისი სიამაყის“ – იარაღისა და ჩაქურას გარეშე. გურულები პირველი ვიოლინოს როლს თამაშობდნენ ჩვენს თავს დატეხილ ბრძოლის ველებსა თუ პოლიტიკურ ასპარეზზე. ბევრმა გურულმა სამხედრო მოღვაწემ კი უმაღლეს სამხედრო ჩინს მიაღწია.   საცნობარო გამოცემა „თოფიან კაცებს“, გურულ გენერლებს გაგაცნობთ.

ავტორი: მაია პატარიძე   2021 წელს საქართველოს ეროვნულ მუზეუმში საქართველოში მოპოვებული დავით აღმაშენებლის გამოსახულებიანი სპილენძის ორი მონეტა შემოვიდა. ამ ტიპის მონეტა დღემდე უნიკუმად იყო ცნობილი, არსებული ერთადერთი ეგზემპლარი ბრიტანეთის მუზეუმში ინახებოდა.    ნაშრომში დიდი ადგილი აქვს დათმობილი ახლად აღმოჩენილი ნუმიზმატიკური ძეგლების ტიპოლოგიასა და იკონოგრაფიულ კვლევას. მოყვანილია ასევე კარგად ცნობილი ლონდონური ცალის ნუმიზმატიკურ-მეტროლოგიური ანალიზი.   წიგნში დეტალურად არის ნაჩვენები ამ მონეტების იკონოგრაფიული თავისებურებები, რაც  ზოგიერთი ისტორიული ფაქტის დაზუსტების საშუალებას იძლევა. ახალი ნუმიზმატიკური მასალის გამოჩენამ ახალი შტრიხები შესძინა ამ სამონეტო ტიპს და მკაფიოდ გამოკვეთა დავით აღმაშენებლის საგარეო პოლიტიკური ვექტორის ერთ-ერთი ხაზი, კერძოდ, მისი ჯვაროსნებთან ურთიერთობის საკითხი, რაც დღემდე მეცნიერთა შორის დიკუსიის საგანს წარმოადგენს.    წიგნში ასევე წარმოდგენილია საქართველოს ეროვნულ მუზეუმში დაცული სახელოვან ქართველ მონარქთან დაკავშირებული სხვა არტეფაქტებიც, რომლებიც  ნუმიზმატიკურ ძეგლებთან ერთად ფართო ისტორიულ კონტექსტშია განხილული.

ავტორი: დავით მერკვილაძე   საბჭოთა რუსეთის მიერ ამიერკავკასიის ოკუპაციის შემდეგ საქართველოს სსრ-სა და აზერბაიჯანის სსრ-ს შორის ახალი საზღვრების გავლების შედეგად დავითგარეჯის სამონასტრო კომპლექსის ერთი ნაწილი (მონასტრები: ბერთუბანი, უდაბნო და ნაწილობრივ ჩიჩხიტური) აზერბაიჯანის მხარეს მოექცა. დღეს საზღვრის ეს მონაკვეთი არ არის დელიმიტიზირებული და ტერიტორია ამ სახელმწიფოებს შორის სადავოდ განიხილება.    აზერბაიჯანის წარმომადგენლები აღნიშნულ მონასტრებს ალბანური კულტურის ძეგლებად აცხადებენ, რომელიც ქართველებს თითქოს მოგვიანებით მიუთვისებიათ. თუმცა ამის დამადასტურებელი არც ერთი ისტორიული წყარო დასახელებული არ არის.   წინამდებარე ნაშრომში დეტალურად არის გაანალიზებული აღნიშნული შეხედულებების მეცნიერული უსაფუძვლობა. მეორე მხრივ, მოცემულია ამ მხარის ისტორიულ-გეოგრაფიული მიმოხილვა უძველესი დროიდან დღემდე და ნაჩვენებია, რომ იგი მუდმივად შედიოდა ქართული სახელმწიფოს შემადგენლობაში და არასოდეს მის გარეთ არ მოიაზრებოდა

ავტორი: ტარიელ ზოზრაშვილი წინამდებარე წიგნი ქართველი ერის იმ რჩეულ შვილებს ეძღვნება, უყოყმანოდ რომ სწირავდნენ სიცოცხლეს, მთელ თავის ძალასა და ნიჭს მშობლიური ქვეყნის გადარჩენას ახმარდნენ, ვინც ლომის წილი დაიდო ერის უკვდავსაყოფი ტაძრის შენებაში.  

ავტორი: ჰენრი კისინჯერი მთარგმნელი: გიორგი ბადრიძე ჰენრი კისინჯერი მეოცე საუკუნის საერთაშორისო პოლიტიკის ერთ-ერთი ყველაზე გავ ლენიანი ფიგურაა. პრეზიდენტ ეიზენჰაუერიდან მოყოლებული, ის ათწლეულების გან მავლობაში აშშ-ის თითქმის ყველა პრეზიდენტის მრჩეველი იყო. 1969-1973 წლებში კი სინჯერს პრეზიდენტის ეროვნული უსაფრთხოების მრჩევლის თანამდებობა ეკავა, ხოლო 1973-1977 წლებში ის აშშ-ის სახელმწიფო მდივანი იყო. ჰენრი კისინჯერი (დაბადებისას – ჰაინც ალფრედ კისინჯერი) 1923 წელს გერმანიაში დაიბადა, საიდანაც მისი ოჯახი 1938 წელს ნაცისტებს ამერიკის შეერთებულ შტატებში გამოექცა. მეორე მსოფლიო ომის დროს აშშ-ის შეიარაღებულ ძალებში სამსახურის შემდეგ მან განათლება ჰარვარდის უნივერსიტეტში მიიღო, სადაც შემდგომში კვლევით და პედაგოგიურ საქმიანობას ეწეოდა. სანამ შეერთებული შტატების პრეზიდენტებისთვის მრჩევლის როლს მოირგებდა, კისინჯერმა აღიარება მოიპოვა თავისი აკადემიური საქმიანობით, განსა- კუთრებით, როდესაც გამოქვეყნდა მისი წიგნი „ბირთვული იარაღი და საგარეო პოლიტიკა“. კისინჯერს უხვად ჰყავს თაყვანისმცემლები და კრიტიკოსები, შეიძლება ითქვას – მოძულეებიც. ერთი მხრივ, იშვიათია იმ მასშტაბის პირადი გავლენა, რომელიც მან მოახდინა შეერთებული შტატების საგარეო პოლიტიკაზე და ზოგადად, საერთაშორისო ურთიერთობებზე. მეორე მხრივ, მისი არაერთი ნაბიჯი დღემდე კრიტიკის ან დავის საგნად რჩება. თუმცა ძნელად თუ მოიძებნება ვინმე, ვინც ეჭვქვეშ დააყენებს კისინჯერის ფიგურის მასშტაბს და მისი ინტელექტუალური მემკვიდრეობის მნიშვნელობას. „დიპლომატია“ კისინჯერის ყველაზე მონუმენტური ნაშრომია, რომელშიც ის ღრმად აანა ლიზებს საერთაშორისო ურთიერთობების ისტორიას და ხსნის სახელმწიფოების ქცევის მი ზეზებსა და პრინციპებს. მიუხედავად მკითხველის მრწამსისა და კისინჯერის ფიგურისადმი და მოკიდებულებისა, „დიპლომატია“ პრაქტიკულად სავალდებულო საკითხავია ყველასთვის, ვი საც აინტერესებს საერთაშორისო ურთიერთობები და ისტორია.

ავტორია: ჰაროლდ ნიკოლსონი მთარგმნელი: ირაკლი ჯავახიშვილი გამომცემლობა: სულხან-საბა ორბელიანის უნივერსიტეტი  

ავტორი: რუსუდან გორგილაძე   "დიქტატურის გემო" - წიგნი მოგვითხრობს სამი დიქტატორის - სტალინის, მუსოლინისა და ჰიტლერის პირადი და საზოგადოებრივი ცხოვრების შესახებ. სხვა საკითხებთან ერთად, ყურადღებას იქცევს ასევე კვებისა და საკვების პოლიტიკური ინსტრუმენტალიზაცია საბჭოთა კავშირში, ფაშისტურ იტალიასა და ნაცისტურ გერმანიაში. ავტორს წიგნისთვის 2022 წელს მიენიჭა პრემია საბა ნომინაციაში: საბჭოთა და პოსტსაბჭოთა ისტორიის რეფლექსია ქართულ ლიტერატურაში.  

ავტორი: მიკო დადიანი  ნიკო დადიანის დღიურში დაცულია ძვირფასი ცნობები სამეგრელოსა და აფხაზეთის სამთავროთა შესახებ, XIX საუკუნის პირველ მესამედში იქ არსებულ პოლიტიკურ და ეკონომიკურ მდგომარეობაზე. საყურადღებოა ის ცნობები, რომლებიც სამართალსა და სამართალწარმოებას შეეხება, რადგან ნიკო დადიანი XIX საუკუნის მიწურულიდან გარდაცვალებამდე მოსამართლე, 1815 წლიდან კი სამეგრელოს უზენაესი სასამართლოს თავმჯდომარე, მსაჯულთუხუცესი ანუ მდივანბეგთუხუცესი იყო. ეს დღიურები წარმოადგენს წყაროსაც ქართული გვარების ისტორიისათვის.

ავტორი: საიმონ აშერვუდი; ჯონ პინდერი სერია: ძალიან მოკლე შესავალი მთარგმნელი: ეკა სუმბათაშვილი ევროკავშირი თანამედროვე მსოფლიოს ერთ-ერთი ყველაზე საინტერესო პოლიტიკური ორგანიზაციაა. ერთი მხრივ, წევრ-სახელმწიფოებს შორის ისტორიული თვალსაზრისით უნიკალური თანამშრომლობის პოტენციალს გამოხატავს. მეორე მხრივ, ამჟამად გაურკვევლობის ფაზა უდგას, როგორც სიცოცხლისუნარიანობის, ისე სამომავლო განვითარების თვალსაზრისით. „ძალიან მოკლე შესავლის“ სრულიად განახლებულ გამოცემაში შესულია მიგრანტების კრიზისის, ევროკავშირის დატოვების შესახებ დიდი ბრიტანეთის გადაწყვეტილების, ევროს ამჟამინდელი მდგომარეობის საკითხები. წიგნი გვიჩვენებს, როგორ და რატომ ვითარდებოდა ევროკავშირი, როგორ მუშაობს მისი ინსტიტუტები და რა ნაბიჯები გადაიდგა ერთიანი ბაზრიდან ევროს შემოღებამდე, სოფლის მეურნეობის პროდუქციის მწარმოებელთა დაცვიდან მშვიდობისა და გარემოს დაცვამდე.

ავტორი: ტიმოთი სნაიდერი მთარგმნელი: ქეთი ქანთარია ტიმოთი სნაიდერი (დ. 1969), ამერიკელი ისტორიკოსი, იეილის უნივერსიტეტის პროფესორი, აღმოსავლეთ ევროპის ისტორიის ერთ-ერთი ყველაზე ცნობილი მკვლევარი.  „ერების რეკონსტრუქცია“ მოგვითხრობს, როგორი გავლენა იქონია ისტორიამ თანამედროვე პოლონეთის, ლიეტუვის, უკრაინისა და ბელარუსის ჩამოყალიბებაზე. რა გზა გაიარეს? რა გადაწყვეტილებები მიიღეს და როგორ? რატომ იბრძოლეს ერთმანეთში და სხვებთან? როგორ შერიგდნენ? როგორ განჭვრიტეს მომავალი? - ეს კითხვები ყველა თანამედროვე ერი-სახელმწიფოს ჩამოყალიბებისათვის მნიშვნელოვანი კითხვებია, ხოლო პასუხებზე ბევრადაა დამოკიდებული მათი ბედი და ხვალინდელი დღე.  საქართველოსთვის ჩვენი მეგობარი ერების ისტორიის ამ კუთხიდან დანახვა განსაკუთრებით მნიშვნელოვანია. რა დასკვნები და გაკვეთილები უნდა გამოიტანოს ჩვენმა ქვეყანამ?   

ავტორი: გიორგი არქანია; გიგი გიოშვილი; გიორგი ჯავახიშვილი; გიორგი ბუცხრიკიძე 30 წლის წინ, 1991 წლის 9 აპრილს, რესპუბლიკის უზენაესმა საბჭომ საქართველოს სახელმწიფოებრივი დამოუკიდებლობის აღდგენის აქტი მიიღო. მანამდე, 1990 წლის 14 ნოემბერს, ამავე საბჭოს პირველი სხდომა გაიმართა, რითაც ჩვენი ქვეყნის ისტორიაში საბჭოთა რეჟიმი მშვიდობიანად დასრულდა და მეორე რესპუბლიკის არსებობის პერიოდი დაიწყო. ამ მოვლენათა სათავეში ეროვნულ-განმათავისუფლებელი მოძრაობის ლიდერი, ქვეყნის პირველი პრეზიდენტი – ზვიად გამსახურდია და 1990 წლის 28 ოქტომბრის მრავალპარტიულ არჩევნებში გამარჯვებული „ეროვნული ხელისუფლება“ იდგნენ. მმართველობის 14 თვეზე ნაკლები ხნის განმავლობაში საფუძველი ჩაეყარა თანამედროვე ქართულ სახელმწიფოს, შეიქმნა მისი ინსტიტუტები და გამოიკვეთა ძირითადი საგარეო-პოლიტიკური მიმართულებები.   „ეროვნული ხელისუფლების 419 დღე“ მეორე რესპუბლიკისა და ხალხის მიერ არჩეული, „ეროვნულ ხელისუფლებად“ წოდებული მთავრობის მოღვაწეობის ყოველდღიური მატიანეა. ამბები მასში 14 ნოემბრიდან 1992 წლის 6 იანვრამდე, ანუ სახელმწიფო გადატრიალებამდე, ქრონოლოგიურადაა დალაგებული.   წიგნში მოცემულია საქართველოში მიმდინარე პოლიტიკური, ეკონომიკური, სოციალური, სამხედრო, საზოგადოებრივი, რელიგიური, კულტურულ-საგანმანათლებლო, სპორტული, კრიმინალური და ა. შ. მოვლენები. დიდი ყურადღება ექცევა საბჭოთა კავშირსა და მსოფლიოში მიმდინარე პროცესებს და მათ გავლენას საქართველოზე.    „არტანუჯისა“ და „უახლესი ისტორიის ცენტრის“ ერთობლივი გამოცემის სამეცნიერო რედაქტორია დიმიტრი შველიძე

ავტორი: ერიკ ლი გამომცემლობა: პოეზია ყდა: რბილი ერიკ ლის „ექსპერიმენტი, მივიწყებული ქართული რევოლუცია“ (Eric Lee, The Experiment, Georgia’s Forgotten Revolution) საქართველოს განიხილავს, როგორც პირველ ქვეყანას მსოფლიოში, სადაც სოციალ-დემოკრატიული პარტია არჩევნების გზით მოვიდა ხელისუფლებაში. წიგნი მიზნად ისახავს მკითხველს დაანახოს, თუ როგორი შეიძლებოდა ყოფილიყო სოციალ-დემოკრატიული სახელმწიფო, ბოლშევიკებს რომ არ გაენადგურებინათ.წიგნში განხილულია 1905 წლის გურიის რესპუბლიკაც, როგორც 1918 წელს შექმნილი სახელმწიფოს წინამორბედი...

ავტორი: რეჟის ჟანტე-სტეფან სიოანი მთარგმნელი: მაკა კასრაძე   2022 წლის 24 თებერვალს დილის ექვსი საათიდან უკრაინის პრეზიდენტ ვოლოდიმირ ზელენსკის მხოლოდ ხაკისფერ მაისურში, ტაქტიკურ შარვალსა და ქურთუკში ვხედავთ. განადგურების საფრთხის მიუხედავად, ის ბანკოვაზე, უკრაინის დედაქალაქის, კიივის შუაგულში პრეზიდენტის რეზიდენციაში რჩება. ამ შენობის პომპეზური ელფერი სიურრეალისტური გახდა - ფანჯრებზე აფარებულია ქვიშით სავსე ტომრები, დაცვის ბიჭებმა კი კოსტიუმები ტყვიაგაუმტარი ჟილეტებით შეცვალეს.   შენობის ჰოლში წვერგაუპარსავი პრეზიდენტი ზელენსკი საერთაშორისო პრესას ინტერვიუებს კიბის საფეხურზე ჩამომჯდარი აძლევს. კაცი, რომელიც ქვეყანას 2019 წლიდან ჩაუდგა სათავეში, სწორედ ამ შენობაში გადაიქცა მხედარმთავრად, მთელი ერის გმირობისა და წინააღმდეგობის განსახიერებად; ერისა, რომელიც საკუთარი თავისუფლებისათვის ულმობელ ბრძოლაში ჩაება და სასიკვდილოდ გადადო თავი.   თუმცა ყოფილი მსახიობი და ტელეწამყავანი ამ როლისთვის არ იყო განკუთვნილი. ვინ არის კაცი, რომელიც პოლიტიკაში შეიჭრა და რომელზეც ნაწილობრივ დამოკიდებულია ევროპის ბედი? ამ წიგნის ორივე ავტორი შესაძლებლობას გვიქმნის, გავიცნოთ უშუალოდ ადგილზე, ახლო მანძლიდან დანახული ეს უჩვეულო პერსონაჟი.   რეჟის ჟანტე - პოსტსაბჭოთა სივრცის სპეციალისტი, RFI-ის, France 24-ისა და Le Figaro-ს კორესპონდენტი. იგი 20 წელიწადზე მეტია საქართველოში ცხოვრობს.   სტეფან სიოანი - 2013 წლიდან Libération-ის, Le Temp-ისა და RFI-ის კორესპონდენტი, იკვლევს ზელენსკის ფენომენის აღმასვლას და აშუქებს რუსულ-უკრაინულ ომს.

შეადგინეს კახმეგ კუდავამ და ნინო ოდილავაძემ სერია: თან საკითხავი საქართველოს პირველი პრეზიდენტი ზვიად გამსახურდია უახლესი ისტორიის ერთ-ერთი ყველაზე მნიშვნელოვანი ფიგურაა. მისი უდიდესი ძალისხმევითა და წინამძღოლობით დაწყებულმა ეროვნულ-განმათავისუფლებელმა მოძრაობამ ქვეყანა საბჭოთა რეჟიმისგან გაათავისუფლა და დამოუკიდებლობა მოუპოვა. ამ წიგნში შესული ამბები მოგვითხრობს ზვიად გამსახურდიას, როგორც სახელმწიფო მოღვაწის, მეცნიერის, პოეტისა და მთარგმნელის, დისიდენტის შესახებ, რომელმაც ბავშვობიდანვე გენეტიკურად, მემკვიდრეობით მიიღო მამის რჩევა, – „გახსოვდეს, ეს ცხოვრება მოსაწყენზე მოსაწყენია, თუ ადამიანი არ იწვის რაიმე მაღალი და ზეაღმტაცი ამბებისათვის“. „79 ამბავი – ზვიად გამსახურდია“ აერთიანებს მისი თანამოაზრეებისა თუ მასთან დაპირისპირებული ბანაკის, კოლეგების, მხარდამჭერების, ოპონენტების, სხვადასხვა დროს ზვიად გამსახურდიასთან დაკავშირებული ამა თუ იმ მოვლენის თვითმხილველთა პირად ჩანაწერებსა და მოგონებებს.  

ავტორი: ირაკლი მახარაძე სერია: თან საკითხავი თბილისის ვეებერთელა, ლამის ორი ათასი წლის თავგადასავალი კიდევ უამრავი, ალბათ მილიონობით პატარ-პატარა ამბისაგან შედგება.  მე ისტორიაში ყველაზე მეტად ცოცხალი ამბები მიზიდავს, ქალაქის ქუჩებსა და მოედნებზე მიმობნეული ადამიანური ამბები. მომწონს, როდესაც რომელმე შენობასთან გავლისას ვიცი მასთან დაკავშირებული რამე შემთხვევა. ამ დროს მგონია, რომ შენობის მესაიდუმლე ვარ და შენობას ხან ვუღიმი, ხან ვუსამძიმრებ, ხან დანანებით თავს ვუქნევ, ხან ვაწყნარებ. ამ წიგნში თბილისის 100 ამბავს მოვუყარე თავი. ზოგი შენობის ამბავია, ზოგი ქუჩის, ზოგი მოედნის,  მთლიანობაში კი, ქალაქის და ხალხის.

ავტორი: ჯარედ დაიმონდი სერია: აკადემნია   მთარგმნელი: ნიკა სამუშია როგორ ყალიბდებოდა და ვითარდებოდა ადამიანთა საზოგადოებები? რა „საიდუმლო“ იმალება მათი უთანასწორობის მიღმა? რატომ დაიპყრეს, განდევნეს ან გაანადგურეს ევრაზიელებმა მკვიდრ ამერიკელთა, ავსტრალიელთა და აფრიკელთა დიდი ნაწილი და არა – პირიქით? მკითხველის წინაშეა წიგნი, რომელმაც პულიცერის პრემია მოიპოვა და „ნიუ-იორკ ტაიმსის“ ბესტსელერი გახდა; მრავალ ენაზე ითარგმნა და ორ მილიონზე მეტი ეგზემპლარი გაიყიდა. მკვლევარმა ჯარედ დაიმონდმა ისტორიაზე, ანთროპოლოგიასა და ლინგვისტიკაზე დაყრდნობით ჩვენი დროის კლასიკური ნაშრომი შექმნა. მან ამ მახვილგონივრულ, ცნობებით სავსე წიგნში ევოლუციურ გარემოსთან დაკავშირებული ის ფაქტორები გამოააშკარავა, რომლებმაც კაცობრიობის ისტორიის ზოგადი ტენდენციები განსაზღვრა. წიგნში ის მოგვითხრობს, თანამედროვე მსოფლიო და მისი უთანასწორობანი როგორ წარმოიქმნა. „თოფები, მიკრობები და ფოლადი“ ერთ-ერთი უმნიშვნელოვანესი პროექტია, რომელზეც კი ჩვენი თაობის ნებისმიერ ინტელექტუალს უმუშავია“ (გრეგ ისტერბრუკი, „ნიუ-იორკ ტაიმსი“). ავტორის შესახებ ამერიკელი მეცნიერი ჯარედ დაიმონდი, ფიზიოლოგიისა და ბიოფიზიკის დოქტორი,  ევოლუციური ბიოლოგიის მკვლევარი და ბიოგეოგრაფი ათეულობით წიგნის ავტორია, რომელთა თემატიკაც ანთროპოლოგიას, ლინგვისტიკას, გენეტიკასა და ისტორიას მოიცავს. იგი ლოს-ანჯელესის კალიფორნიის უნივერსიტეტის პროფესორია. ჯარედ დაიმონდს, აშშ-ის ეროვნული მეცნიერებათა აკადემიისა და ფილოსოფიური საზოგადოების წევრს, მრავალი პრესტიჟული საერთაშორისო ჯილდო ერგო,  მათ შორის აშშ-ის ნაციონალური სამეცნიერო მედალი, წლის ჰუმანისტის წოდება (2016), პრემია „ლურჯი პლანეტა“ და სხვა.

ავტორი: გელა ჩარკვიანი სერია: თან საკითხავი როგორ ვცხოვრობდით „იმ დროს“, როცა საქართველო სსრკ-ს შემადგენლობაში შედიოდა და როგორც ამ წიგნის ავტორი ამბობს, „ერის მთავარი ფუნქცია – სახელმწიფოებრიობის საშუალებით საკუთარი ბედის განკარგვა, წართმეული ჰქონდა“. გელა ჩარკვიანი სოციალისტური რესპუბლიკის პირველი პირის ოჯახში დაიბადა და საკუთარ თავზე გამოსცადა სისტემის სიკეთენი და მარწუხები, პოლიტიკური პირამიდის წვერზე ყოფნის ფუფუნებაც და ის ხილული/უხილავი წინაღობებიც, რომელიც რკინის ფარდის მიღმა გაღწევის გზაზე შეიძლება შეხვედროდა საბჭოთა ადამიანს. ამ წიგნიდან გაიგებთ, როგორი იყო საბჭოური სნობიზმი, სად უნდა შეეღწია საბჭოთა ადამიანს იმისათვის, რომ აესრულებინა თავისი ოცნებები და რა მაგიური ძალა ჰქონდა სიტყვა „ბაზას“. რა საფრთხეებს შეიცავდა სიტყვა невыездной და რისი ცოდნა მოეთხოვებოდა საბჭოთა მოზარდს, არტეკის პრესტიჟულ ბანაკში მოსახვედრად; და კიდევ ბევრი საინტერესო რამ 70 წლიანი რეჟიმის შესახებ გელა ჩარკვიანის ახალ წიგნში.

კავკასია, როგორც კაცობრიობის ცივილიზაციის უძველესი კერა და ბუნებრივი ხიდი აღმოსავლეთსა და დასავლეთს, ჩრდილოეთსა და სამხრეთს შორის, უდიდეს როლს ასრულებდა ხალხთა დაახლოებასა და ურთიერთგაგებაში. მუდამ უმნიშვნელოვანესი რეგიონი იყო, უნიკალური გეოპოლიტიკური, გეოკულტურული თუ ეკონომიკური მდგომარეობით, მაგრამ უკანასკნელ ათწლეულებში იმ მრავალმხრივმა და მრავალფეროვანმა მოვლენებმა, პოლიტიკური თვალსაზრისით, კავკასიის თითქმის ყველა კუთხეში რომ დატრიალდა, ნებსით თუ უნებლიეთ, სხვა ფაქტორებთან ერთად, ეს რეგიონი ე. წ. „ცხელ წერტილად“ აქცია და მსოფლიოს განსაკუთრებული ყურადღების არეალში მოაქცია. ცივილიზებული მსოფლიოს პოლიტიკური, ეკონომიკური თუ კულტურულიცხოვრება წარმოუდგენელი, ნაკლული და უსრულია კავკასიის გარეშე.   „კავკასიის ისტორია“ მოიცავს ორ ტომს და ამგვარი სრული გამოცემა პირველად ქვეყნდება. ნაშრომში წარმოჩენილია ის დიდი გზა, რომელიც კავკასიის ქვეყნებმა და ხალხებმა გაიარეს – ადრინდელი, პროტოფეოდალური, ფეოდალური შუღლისა და დაქუცმაცების ხანა, უცხოელთა ბატონობა, ცარიზმის კოლონიური ჩაგვრისა და საბჭოთა იმპერიის სირთულეები. კავკასიის ქვეყნების ტრადიციები, პოლიტიკური ვითარება და დიპლომატიური ურთიერთობები; ეროვნული, რელიგიური, სოციალური თუ კულტურული სიჭრელე და სწრაფვა შიდა კავკასიური მშვიდობის მოგვარებისათვის. გამოკვლევაში არის მცდელობა დასაბუთებისა, რომ კავკასიის ხალხის მშვიდობიანი თანაარსებობის, ინტეგრაციის საფუძველია კავკასიური ცივილიზაცია, რომელიც ეყრდნობა ერთიან ისტორიულ წარსულში ჩამოყალიბებულ საერთო ღირებულებებს.

ავტორი : ტიმოთი ბლაუველტი მთარგმნელი: ქეთი ქანთარია   წინამდებარე წიგნი ვრცელ კვლევასა და ფართო საზოგადოებისათვის დღემდე უცნობ დოკუმენტაციაზე დაყრდნობით მოგვითხრობს, თუ როგორ მართავდა ნესტორ ლაკობა ადრეულ საბჭოთა აფხაზეთს ეთნიკურ-კლიენ­ტელური ქსელის მეშვეობით. ნეპოტიზმის, კორუფციის, ფლანგვის,გამოძალვის, მკვლელობების არაერთი ბრალდების გამო, ლაკობა და მისი დაჯგუფება ხშირად ხდებოდა სასამართლო პროცესებისა თუ საგამოძიებო კომისიების კვლევის ობიექტი, თუმცა ბევრი წლის განმავლობაში ახერხებდნენ დაერწმუნებინათ ძლევამოსილი მფარველები თავიანთ შეუცვ­ლელობაში.