ავტორი: ქეთი ნიჟარაძე მოთხრობების კრებული გამომცემლობა: მელანი ავტოპორტრეტი რას გვპირდება ნოემბერი? სევდიანზე სევდიანი ამბავი დედა, მამა და მე ძველი სახლი მზიანი მხარე

ავტორი: არტურ კოესტლერი მთარგმნელი: გიორგი შატბერაშვილი სერია: აკრძალული წიგნების თარო ძნელად თუ მოიძებნება მე-20 საუკუნის ევროპულ ლიტერატურაში მწერალი, რომელსაც არტურ კოესტლერივით ხიფათებით აღსავსე ცხოვრებით ეცხოვროს. სრულიად ახალგაზრდა პალესტინაში წავიდა სიონისტურ მოძრაობაში მონაწილეობის მისაღებად; 1931 წელს, ბერლინში ცხოვრებისას გახდა კომუნისტური პარტიის წევრი და წლების განმავლობაში იზიარებდა კომუნიზმის ილუზიებს; როგორც რეპორტიორი მონაწილეობდა ესპანეთის სამოქალაქო ომში, სადაც ტყვედ ჩაუვარდა ფრანკისტებს, რომელთაც სიკვდილი მიუსაჯეს. შემდეგ წლებში შპიონაჟის ბრალდებით დაპატიმრებული იყო საფრანგეთსა და ინგლისში. მეორე მსოფლიო ომის დროს იგი ერთ-ერთი პირველი იყო ვინც ჰოლოკოსტის წინააღმდეგ საჯაროდ გამოდიოდა. ყველა განსაცდელს უვნებლად გადაურჩა და 1983 წელს მეუღლესთან ერთად თვითმკვლელობით დაასრულა სიცოცხლე.  არტურ კოესტლერის მთავარი წიგნი „მზის დაბნელება“ გასაოცარი ძალის ანტიტოტალიტარული ნაწარმოებია. იგი კლასიკური დისტოპიის ჟანრშია დაწერილი, სადაც არც ქვეყანა, სადაც რომანის მოქმედება ხდება და არც ისტორიული პირები დასახელებულნი არ არიან, თუმცა ის მაინც გამოკვეთილი ისტორიულ-პოლიტიკური კონტექსტის მატარებელია. კერძოდ  იგი ეძღვნება საბჭოთა კავშირში 1936-1938 წლების „დიდ წმენდას“ - იმას, თუ როგორ სჭამს და ანადგურებს რევოლუცია თავის შვილებს, რომელთაც  ქვეყნის განვითარებაზე პარტიული ხელმძღვანელობისგან განსახვავებული შეხედულება აქვთ. ეს არის ფსიქოგრამა ტოტალიტარიზმისა, რომელიც ადამიანს აიძულებს მის მიერ ჩაუდენელი, გამოგონილი ბრალდებები აღიაროს და საკუთარ სასიკვდილო განაჩენს მოაწეროს ხელი.  ისევე როგორც ავტორს, იმ ეპოქის პოლიტიკური კატასტროფების შედეგად, „მზის დაბნელებასაც“, რომელიც ავტორმა 1940 წელს დაწერა, საოცარი ბედი ხვდა წილად. კოესტლერი ნაცისტებისაგან გაქცევისას იძულებული გახდა მთელი თავისი არქივი და მათ შორის ამ რომანის ხელნაწერიც პარიზში დაეტოვებინა, რომლის კონფისკაციაც საფრანგეთის ჟანდარმერიამ მოახდინა, რის მერეც ეს ხელნაწერი უკვალოდ გაქრა. გადარჩა მხოლოდ წიგნის ინგლისურენოვანი თარგმანი, საიდანაც ითარგმნა და გავრცელდა მსოფლიოს 30-ზე მეტ ქვეყანაში, მათ შორის ავტორისეული უკუთარგმნით გერმანულ ენაზეც. წიგნმა მეორე მსოფლიო ომის შემდგომ წლებში საერთაშორისო აღიარება მოიპოვა და ბევრ ქვეყანაში ბესტსელერადაც იქცა. რომანის უგზოუკვლოდ დაკარგულად მიჩნეული ავტორისეული ვარიანტი მხოლოდ 2015 წელს აღმოაჩინეს ციურიხის ცენტრალურ ბიბლიოთეკაში. ქართული თარგმანი სწორედ ამ თავდაპირველი, ორიგინალური ტექსტიდან არის შესრულებული.

ავტორი: ჯეიმს ბალარდი მთარგმნელი: ზაზა ჭილაძე   ჯეიმი გრემი თერთმეტი წლის ბიჭია, მშობლებთან ერთად უზრუნველად ცხოვრობს ჩინეთში, შანხაის მდიდრულ უბანში და პირადი მძღოლი დაატარებს კინოთეატრებში.  მაგრამ 1941 წელს იაპონელები თავს ესხმიან ჩინეთს და იწყება საშინელი ომი.  ქუჩის არეულობაში ხალხის ტალღა  ჯეიმის გაიტაცებს და დედას დააშორებს. პატარა ბიჭი მარტოდმარტო აღმოჩნდება მრავალმილიონიან ქალაქში… შემდეგ კი ის სამ წელს ატარებს იაპონელების სამოქალაქო პირთა საკონცენტრაციო ბანაკში, სადაც მეფობს შიმშილი, წყურვილი, სიკვდილი, სისხლი… და იქ, სადაც უფროსები არ ინდობენ ერთმანეთს, ეს პატარა ბიჭი, რომელმაც თავის გადარჩენაზე უნდა იზრუნოს, არ კარგავს საუკეთესო თვისებებს: ადამიანობას, თანალმობას, მოყვასის სიყვარულს…

ავტორი: ლანა ცანავა გამომცემლობა: სულხან - საბა  ორბელიანის უნივერსიტეტის გამომცემლობა

თუ გსურს მეტი შეიტყო მსოფლიოში ყველაზე ცნობილი მთათა სისტემების შესახებ, მაშინ ეს წიგნი უნდა გადაშალო. ყოველ გვერდზე მოძრავი ნახატები დაგხვდება, ცხოველები და ფრინველები კი მთების შესახებ მოულოდნელი ფაქტებით გაგაკვირვებენ და იმ ადგილებზე მოგიყვებიან, სადაც თავად ბინადრობენ.

ავტორი: ხალიდ ჰოსეინი მთარგმნელი: ლალი ყუშიტაშვილი გამომცემლობა: არტანუჯი

ავტორი: საბა ტაჰირი სერია:ლიბერთნსი მთარგმნელი: სალომე ჩიტაძე     ლაჰორი, პაკისტანი, მაშინ მისმა, მეოცნებე და გონიერი გოგონა, რომელიც გარიგებით გათხოვდა, ახალ ოჯახში დატრიალებულმა ტრაგედიამ აიძულა ქმართან ერთად ამერიკაში გადახვეწილიყო, სადაც მოტელი გახსნეს იმის იმედით, რომ ახალ ცხოვრებას დაიწყებდნენ, მაგრამ სამშობლოს მოწყვეტილ ოჯახს თურმე უფრო დიდი უბედურება ელოდა. ჯუნიპერი, კალიფორნია, ახლა სალაჰუდინი და ნური მეგობრებზე მეტი არიან - კალიფორნიის შტატის პატარა ქალაქში, სადაც თანატოლები აბუჩად იგდებენ ეროვნებისა და მრწამსის გამო, იმდედა მხოლოდ ერთმანეთი ჰყავთ... სანამ მოულოდნელად ბიჭის სასოწარკვეთილების გამო ჩადებილი დანაშაული არ დააშორებთ. და დადგა დღე, როცა ერთმანეთს უნდა ჰკითხონ, რამდენად ღირს მათი მეგობრობა და სიყვარული, რათა წარსულის ყველა უბედურება, გულისტკივილი წარსულსვე ჩააბარონ და წინ წავიდნენ, მომავლისკენ.

ფოტოალბომი "მთელის ნაწილაკები" ფოტო ალბომია და საქართველოში მცხოვრებ სხვადასხვა ეთნიკურ და ენობრივ ჯგუფზე გვიყვება. ზოგიერთი შედარებით დიდია, მაგალითად, ეთნიკური სომხები და აზერბაიჯანელები; ზოგიერთი კი - პატარა. წიგნი იმ ადამიანების შესახებაც მოგვითხრობს, რომლებიც გადაშენების პირას მისულ ენებზე საუბრობენ: წოვა თუშური, სვანური და უდიური. მათი სარწმუნოებაც მრავალფეროვანია - ისლამი, იუდაიზმი, იეზიდი. ზოგიერთი მათგანი საქართველოში პოლონეთიდან ჩამოსახლდა, ზოგიერთი, საბერძნეთიდან. ციფრებს არც აქვთ მნიშვნელობა - რამდენიმე ასეულისგან შემდგარი თემიც შეიძლება იყოს ის მნიშვნელოვანი ნაწილაკი, რომელიც ავსებს და ამდიდრებს მოზაიკას.    ფოტო წიგნში შესულია შემდეგი ფოტოგრაფების ნამუშევრები: თაკო რობაქიძე, ელენე შენგელია, მანო სვანიძე, ნატა აბაშიძე-რომანოვსკაია, დარო სულაკაური, დინა ოგანოვა და სხვ.      ფორმატი: მაგარი ყდა  ზომა: 29/24 სმ (11.42 x 9.45 ინ) 156 გვერდი ISBN: 9789941836282 ფასი: 140 ლარი  

ავტორი: ჩეზარე პავეზე სერია: ინტელექტი 25 წლისაა მთარგმნელი: მაია დონაძე განხეთქილება ინტელექტუალურსა და რეალურს შორის, მითური და წინაპართა სოფლური სამყაროებით მონუსხულობა, ციხე, გადასახლება, პოლიტიკური პასუხისმგებლობისაგან გაქცევა და ამის გამო ტანჯვა, ყოველივე თავს იყრის რომანში და მწერლისავე სიყრმისეული მოგონებების ადგილებში ავტობიოგრაფიული ხასიათით მკაფიოდ აღბეჭდილ პილიგრიმობას ასახავს. „სოფელი საჭიროა, უნდა გქონდეს, მარტო იმისთვის თუნდაც, რომ იქიდან წასვლას გაუგო გემო. სოფელი ნიშნავს, რომ მარტო არა ხარ, რომ იცი, ხალხში, მცენარეებში, მიწაში, რაღაც არის შენი ...  

ავტორი: კონსტანტინე გამსახურდია   „მთვარის მოტაცება“ ასახავს კოლექტივიზაციის პერიოდს, ძველისა და ახლის ჭიდილს, ძველი სამყაროს კვდომას, ბოლშევიკურ-ჩეკისტური ძალების გამარჯვებას. გარდა იმისა, რომ რომანს არაჩვეულებრივი მხატვრული მხარე აქვს, იგი არსებული დროების ახალ ღირებულებებსა და წარსულის ხატების რღვევას ასახავს. საქართველოს ბედი, ეპოქის სულის გამოკვეთა იყო ადამიანთა სახეებად. ამიტომაც არის "მთვარის მოტაცება" არა მხოლოდ დიდი წიგნი, არამედ სასტიკი სინამდვილის მართალი დოკუმენტიც!

ავტორი: ნატო დავიტაშვილი   დიდ თამაშში ჩართული ოცდარვა გმირი – მთვარის ოცდარვა შვილობილი იბრძვის მთვარის რჩეულის ტიტულისთვის. ყოველი მათგანი განსაკუთრებულ ძალას ფლობს, მაგრამ რჩეული მხოლოდ ერთი უნდა გახდეს, მთვარის რჩეული კი სამყაროს მბრძანებლობას შეძლებს. ვინ მიაღწევს ფინიშს, ვინ გახდება ახალი სამყაროს ახალი კანონების შემქმნელი? თამაში დაწყებულია!

ავტორი: დანიელ ვისერი მთარგმნელი: მზია გალდავაძე სერია: „ინტელექტი“ 25 წლისაა დანიელ ვისერი ავსტრიელი მწერალი და მუსიკოსია. მას რომანისთვის „მთის დედოფალი“ 2018 ავსტრიის უმაღლესი ლიტერატურული პრემია მიენიჭა. წიგნის მთავარი გმირი 45 წლის რობერტ ტურინია, რომელსაც გაფანტული სკლეროზის დიაგნოზი 27 წლისას დაუდგინდა. ახალმა რეალობამ თავდაყირა დააყენა მისი წარმატებული ბიზნესსაქმიანობაც და მჩქეფარე პირადი ცხოვრებაც, მაგრამ ვერ შეუცვალა ხასიათი: რობერტ ტურინი მზრუნველობის სახლშიც ადრინდელივით მხიარული, თავგადასავლების, სასმელისა და ფლირტის მოყვარული, ენამწარე, მაგრამ საოცრად მომხიბვლელი კაცია. თუმცა, იზოლირებულ გარემოში გატარებულმა წლებმა და სრული ფიზიკური დაუძლურების აშკარა და გარდაუვალმა პერსპექტივამ რობერტ ტურინი ე. წ. „ბედნიერ სიკვდილზე“ დააფიქრა. გეგმის განხორციელებას წინ უამრავი დაბრკოლება ეღობება, მთავარი პრობლემა კი ისაა, რომ ევთანაზია ავსტრიაში კანონით იკრძალება. ვინ წაიყვანს ეტლსმიჯაჭვულ ტურინს შვეიცარიაში, სადაც სამედიცინო თანხლებით სიკვდილი ნებადართულია? როგორ გადალახავს ამდენ წინააღმდეგობას, როცა დახმარებაზე ყველა უარს ეუბნება? დანიელ ვისერი ამსხვრევს ტაბუს და გაბედულად წერს ბევრ აქტუალურ თემაზე, რომლებიც ასე აღელვებს თანამედროვე საზოგადოებას. თუმცა, მხოლოდ ავტორის სითამამე და თემების სიმძაფრე არ არის ამ რომანის განსაკუთრებულობის მთავარი მიზეზი. დანიელ ვისერი იყენებს თხრობის ინოვაციურ მეთოდებს, რომელთაც თანამედროვე ლიტერატურაში ანალოგი თითქმის არ მოეძებნება...

ავტორი: მიხეილ იოჰანი გამომცემლობა: ბაკურ სულაკაურის გამომცემლობა

ავტორი: ისა ვატანაბე   მიგრანტები, ლტოლვილები, იძულებით გადაადგილებულები, ბომბების აფეთქება, ძალადობა, ომი, შიმშილი, შიში, მოსახლეობის გადინება, ბანკები, ბიჭები, გოგონები, ობლები, პატარა ნავები, გამოხსნა, დამხრჩვალები, საზღვრები, არალეგარულები, აპატრიდები, გაუჩინარებულები, ჰუმანიტარული კრიზისი, საერთაშორისო შეთანხმება ემიგრაციის შესახებ, ადამიანთა უფლებები... სიჩუმე. რამდენი საზღვარი უნდა გადაკვეთო შინ დასაბრუნებლად? თეო ანგელოპოლუსი

ავტორი: ჰარპერ ლი მთარგმნელი: ლელა დუმბაძე სულაკაურის გამომცემლობა დოქტორი ფინჩის ეს სიტყვები რომანში ასახულ პრობლემატიკას განსაზღვრავს. ლეგენდარული  “ნუ მოკლავ ჯაფარას” მთავარი გმირი, ნიუ-იორკში განათლებამიღებული ჯინ ლუიზი დროებით უბრუნდება თავის მშობლიურ მეიკომს, ტიპურ სამხრეთულ ქალაქს, სადაც უმწვავეს პრობლემას აწყდება. ეს არის კონფლიქტი პიროვნების სინდისსა და საზოგადოებაში დამკვიდრებულ აზროვნებას შორის; ეს არის კერპების მსხვრევის ხარჯზე საკუთარი „მეს“ აღმოჩენის მტკივნეული ხანა. ახალგაზრდა ქალი დილემის წინაშე დგება – შეეგუოს რასობრივი დისკრიმინაციით გაჯერებულ რეალობას, რომლის ნაწილიც მისი სათაყვანებელი მამა და ახლობლებიც აღმოჩნდნენ, თუ წინ აღუდგეს მას.

ავტორი: ჯეფრი იუჯინიდისი მთარგმნელი რამაზ ხატიაშვილი კალიოპა სტეფანიდი სხვა გოგონებს არ ჰგავს და ამის მიზეზს მხოლოდ მაშინ ხვდება, როდესაც თავისი ოჯახის საგულდაგულოდ შენახულ საიდუმლოს ახდის ფარდას. „მიდლსექსი – ორ სქესს შორის“ ჯეფრი იუჯენიდისის მეორე რომანია, რომელიც ამერიკელ ბერძენთა ერთი ოჯახის სამი თაობის წარმომადგენლებსა და მთავარი გმირის გენეტიკური ისტორიის შესახებ მოგვითხრობს. სიუჟეტი მშრალი კანონის პერიოდის შეერთებულ შტატებში, კერძოდ კი ქალაქ დეტროიტში ვითარდება და, გარდა მთავარი პერსონაჟების ცხოვრების საოცრად დელიკატური და ზოგჯერ უხერხულობამდე გულახდილი დეტალებისა, მკითხველი „ავტომობილების ქალაქის“ დიდების დღეებისა და 1967 წლის ცნობილი მოვლენების მოწმეც ხდება. წინამდებარე რომანისთვის ჯეფრი იუჯენიდისი პულიცერის პრემიის მფლობელი გახდა.

ავტორი: მათე სარალიშვილი ბაკურ სულაკაურის გამომცემლობა ყდა: რბილი  

ავტორი : ალეკსეი ლოსევი მთარგმნელი : ვიქტორ რცხილაძე   ქართულად პირველად ითარგმნა დიდი რუსი ფილოსოფოსის ალეკსეი ლოსევის (1893-1988) მთავარი ფილოსოფიური თხზულება „მითის დიალექტიკა“ და მასზე „დამატება“, რომელიც XX ს-ის ქრისტიანული ფილოსოფიის დიდ მიღწევას წარმოადგენს. ასევე პირველად ითარგმნა ქართულად ნაწყვეტები მისი სხვადასხვა ნაწარმოებებიდან. ესენია: „ანტიკური სიმბოლიზმისა და მითოლოგიის ნარკვევები“; ამავე ნაშრომიდან „პლატონის მოძღვრება იდეებზე მის სისტემატურ განვითარებაში“; „აღორძინების ესთეტიკიდან“ – ფრანსუა რაბლე, მიშელ მონტენი. გამოცემას წინ უძღვის მისი მთარგმნელის, ვიქტორ რცხილაძის წინასიტყვაობა. გამოცემას დართული აქვს მრავალრიცხოვანი შენიშვნები და კომენტარები.

როლან ბარტი (1915-1980) - ფრანგი სემიოლოგი, კრიტიკოსი, ესეისტი. შემოქმედებითი მოღვაწეობის დიდი ნაწილი მან მითის ცნებას მიუძღვნა და შექმნა სახელგანთქმული ნაწარმოები „მითოლოგიები“, სადაც იუმორით შეზავებულ მეცნიერულ ანალიზს უკეთებს მეოცე საუკუნეში საზოგადოებაში გაბატონებულ მითებს.

წიგნს მინიჭებული აქვს საქართველოს სახელმწიფო პრემია. ავტორები - პროფესორები: ნანა ტონია, ზურაბ კიკნაძე; გამოცემის კონსულტანტი - აკადემიკოსი რისმაგ გორდეზიანი. წიგნი აერთიანებს: ანტიკურ, შუამდინარულ-შუმერულ, ბაბილონურ, უგარიტულ, ირანულ, ინდურ, იაპონურ, ჩინურ მითოლოგიას. წიგნში ცალკეა წარმოდგენილი ქართული მითები და ლეგენდები. ️ ამ წიგნით გაეცნობით მსოფლიოს ხალხთა უმთავრეს მითოლოგიურ წარმოსახვებს, ღმერთებს, ღვთაებებს, გმირებსა და ფანტასტიკურ არსებებს, რომელთა სახეები დიდი ხანია მხატვრული ლიტერატურის, ხელოვნების, ფილოსოფიისა თუ რელიგიის სფეროთა კუთვნილებად იქცა. ადამიანები, უძველესი დროიდან მოყოლებული, მუდამ ცდილობდნენ სამყაროს საიდუმლოებათა შეცნობას. მითოლოგიას, რელიგიასა და ფილოსოფიას შორის არასოდეს გაწყვეტილა კავშირი. ლიტერატურისა და ხელოვნების სხვა დარგებიც ამ მარადიულ ცოდნაზე აღმოცენდა!

ავტორი: ჯოის ლანკასტერ ბრისლი მთარგმნელი: მაია წითაძე სერია: მოსწავლის ბიბლიოთეკა   ამ წიგნში გაიცნობ პატარა, ჭკვიან და ძალიან საქმიან გოგონას, მილისენტ მარგარეტ ამენდას, იგივე მილი-მოლი-მენდის, რომელიც სოფელში, ლერწმით დახურულ თეთრ კოპწია სახლში დედ-მამასთან, პაპა-ბებიასთან, ძიასა და ბიცოლასთან ერთად ცხოვრობს. კოპწია სახლში ყველას თავისი საქმე აქვს, მათ შორის მილი-მოლი-მენდისაც. ალბათ იკითხავ, ასეთ პატარა გოგონას თამაშის გარდა სხვა რა საქმე უნდა ჰქონდესო? გეტყვით: მილი-მოლი მენდის დედა, მამა, ბებია, პაპა, ძია თუ ბიცოლა მუდამ სადღაც გზავნიან ხოლმე. მასაც მიაქვს და მოაქვს ნივთები, ამბები და, საერთოდ, ყველაფერი, რასაც კი დაავალებენ, თანაც ნებისმიერ დავალებას მშვენივრად ართმევს თავს. საქმეებს რომ მორჩება, მერე თავის პატარა მეგობართან, სუზანთან ერთად თამაშობს. გოგონები ყოველდღე ნაირ-ნაირ გასართობს იგონებენ და მხიარულად ატარებენ დროს. მოსწავლის ბიბლიოთეკა  მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.

ავტორი: ჯოის ლანკასტერ ბრისლი მთარგმნელი: მაია წითაძე სერია: მოსწავლის ბიბლიოთეკა სულაკაურის გამომცემლობა

ავტორი: იაკობ მარტინ სტრიდი მთარგმნელი: თამარ კაკუბავა   ვინ არიან საუკეთესო მეგობრები, რომლებსაც შეუძლიათ სტუმრად ეწვიონ პატარა გოგონას შორს, უცხო ქვეყანაში შემოდგომის ერთ მშვენიერ დღეს? ესენი არიან მიმბო-ჯიმბო და მუმბო-ჯუმბო!   ჩვენ უნდა წავიდეთ საცურაო აუზზე, შემდეგ მუზეუმში და ბოლოს შევაგროვოთ ველური წაბლი.

ავტორი: იაკობ მარტინ სტრიდი მთარგმნელი" თამარ კაკუბავა   დღეს მიმბო-ჯიმბომ ხელოვნების ნიმუში უნდა შექმნას. მან უნდა გამოიყენოს საღებავები, ჩოგბურთის ჩოგანი, ზარბაზანი და მუმბო-ჯუმბო. ეს ძალიან რთულია.