ქართული ტექსტი: ლუკა გრიგოლია, თამარ გავაშელიშვილი მთარგმნელი: ლუკა გრიგოლია     – არა! არა! არა! – ჯიუტობს თაგუნა ტოპო-ლინა, თუმცა, დედიკომ, მამიკომ და უფროსმა ძამიკომ ტოპო-ტიპმა მისი გახალისების ერთი ჯადოსნური ხერხი იციან. ეს ხერხი ყოველთვის ამართლებს…

ავტორი: ჯონ სტაინბეკი მთარგმნელი: ვახტანგ ჭელიძე   ჯონ სტაინბეკის „ტორტილა ფლეტი“ იმ სასოწარკვეთაზეა, რომელიც ომს სიკვდილის შემდეგ მოსდევს; იმ ადამიანების ერთი პატარა ამბავია, რომლებსაც მხოლოდ მშვიდი ცხოვრება, უბრალოდ, ცხოვრება უნდოდათ, მაგრამ იარაღის ხელში აღების შემდეგ ყველაფრის დავიწყება ამჯობინეს. დენისა და მისი მეგობრების მთავარი საზრუნავი ახლა მხოლოდ ღვინის შოვნა, ღვინის დალევა, ღვინის მონელება და ისევ ღვინის შოვნაა, თუმცა არც მზის გულზე ნებივრობაზე ამბობენ უარს. და სწორედ მაშინ, როდესაც მკითხველი სასმელით უგონოდ გაბრუებული და უსაქმური პერსონაჟებისთვის ზურგის შექცევასა და წასვლას გადაწყვეტს, ხვდება, რომ სინამდვილეში საოცარი იუმორით მოყოლილ ყველაზე კეთილ ამბავს კითხულობს.    

ავტორი: ჯონ სტაინბეკი გმთარგმნელი:ვახტანგ ჭელიძე გამომცემლობა: არტანუჯი ყდა: რბილი

ავტორი: აგათა კრისტი მთარგმნელი: პაატა ჩხეიძე ცნობილი მსახიობის დიდებულ სახლში, წვეულებაზე, ტრაგედია დატრიალდა - უეცრად მოკვდა ცნობილი ექიმი... ერთი ყლუპი კოქტეილის მოსმის შემდეგ სტუმრებს შორის სახელგანთქმული მაძებარი ერკიულ პუაროც იყო და, რა თქმა უნდა, გამოძიებაც დაიწყო. ბოკალში ექსპერტიზამ შხამის კვალი ვერ აღმოაჩინა, არც მკვლელობის მოტივი ჩანს, მაგრამ პუარო დარწმუნებულია, რომ ეს უბედური შემთხვევა არ არის გაუმკლავდება თუ ვერა პატარა ბელგიელი მზაკვრულად ჩახლართულ საქმეს და ამჯერადაც მიიყვანს თუ ვერა თავისი უტყუარი ალღო ერთადერთ სწორ გადაწყვეტილებამდე? წიგნშია ამ კითხვებზე პასუხი

ავტორი: უილიამ შექსპირი მთარგმნელი: ივანე მაჩაბელი; ილია ჭავჭავაძე; ვახტანგ ჭელიძე; სერია: პალიტრა კლასიკა გამომცემლობა: პალიტრა L ანოტაცია: კრებულში შესულია: „ჰამლეტი"; „მეფე ლირი"; „რომეო და ჯულიეტა"; რიჩარდ მესამე";

ავტორი: ევრიპიდე   ევრიპიდეს შემოქმედებაში თავი იჩინეს ძვ.წ. V საუკუნეში აღმოცენებულმა სოფისტურმა წარმოდგენებმა, რომლებისთვისაც ნიშანდობლივი იყო ძველი ფასეულობებისადმი ახლებური დამოკიდებულება. ევრიპიდეს ტრაგედიათა გმირები ათენის სცენაზე მსჯელობდნენ სამყაროსეული წესრიგის სამართლიანობის, ამ წესრიგის შემეცნების პრობლემებზე; მათი მონოლოგები იყო ჩაფიქრება მითოლოგიური ტრადიციისა თუ რელიგიის განცდაზე; ისინი საუბრობდნენ ადათ-წესებსა და მორალზე, სამშობლოს სიყვარულზე, ყოველივე იმაზე, რაც აღელვებდა და აინტერესებდა თეატრში მისულ მოქალაქეს.

ავტორი: ჰერმან ჰესე მთარგმნელი: ნანა გოგოლაშვილი სერია: მსოფლიო კლასიკა 1927 წელს გამოცემული „ტრამალის მგელი“ ჰესეს ერთ-ერთი ყველაზე.ცნობილი რომანია. მისი მთავარი პერსონაჟია ჰარი ჰალერი – ოცდაათიოდე წლის მამაკაცი, რომელშიც.ადამიანური და მგლური მარტოსუ­ლობა ერწყმის ერთმანეთს. მისი პიროვნება „სულს.გვიფორიაქებს, ლოდივით გვაწევს გულზე და.სიმშვიდეს გვაკარგვინებს“, თუმცა, მიუხედავად ყველაფრისა, მაინც ძალიან გვიყვარს. კარლ გუსტავ იუნგის მოძღვრებების მიხედვით.შექმნილი ეს ნაწარმოები დაწერიდან თითქმის ერთი.საუკუნის შემდეგაც არ კარგავს აქტუალობას და მკითხველს.რომანში შექმნილი სამყაროს თანამონაწილედ.აგრძნობინებს თავს.

ავტორი: ჰერმან ჰესე მთარგმნელი: ნანა გოგოლაშვილი ჰერმან ჰესე გერმანელ-შვეიცარიელი მწერალია, რომლის შთამბეჭდავმა.შემოქმედებამ მსოფლიო ლიტერატურას სამუდამოდ დაატყო კვალი. 1946 წელს მწერალს ნობელის პრემია მიენიჭა. 1927 წელს გამოცემული „ტრამალის მგელი“ ჰესეს ერთ-ერთი ყველაზე.ცნობილი რომანია. მისი მთავარი პერსონაჟია ჰარი ჰალერი – ოცდაათიოდე წლის მამაკაცი, რომელშიც.ადამიანური და მგლური მარტოსუ­ლობა ერწყმის ერთმანეთს. მისი პიროვნება „სულს.გვიფორიაქებს, ლოდივით გვაწევს გულზე და.სიმშვიდეს გვაკარგვინებს“, თუმცა, მიუხედავად ყველაფრისა, მაინც ძალიან გვიყვარს. კარლ გუსტავ იუნგის მოძღვრებების მიხედვით.შექმნილი ეს ნაწარმოები დაწერიდან თითქმის ერთი.საუკუნის შემდეგაც არ კარგავს აქტუალობას და მკითხველს.რომანში შექმნილი სამყაროს თანამონაწილედ.აგრძნობინებს თავს.

ავტორი: ანდრო ბუაჩიძე „ტრამვაი, სახელად წარსული“ პოეტისა და კრიტიკოსის, ანდრო ბუაჩიძის პროზაული კრებულია, რომელიც მოთხრობებს და ლიტერატურულ პორტრეტებს აერთიანებს. თვალსაჩინოა კრებულის მთლიანობა, რომელიც თემატური და ემოციური მონოლითურობით მიიღწევა; ყველა ტექსტს საერთო წიაღი კრავს – ავტორის მეხსიერება, ხსოვნის უფსკრული.   სწორედ ამ მეხსიერების აჩრდილები ცოცხლდებიან ლიტერატურულ პერსონაჟებად და მოვლენებად, ავტორი მათ შესახებ ვირტუოზულად ყვება. იქმნება ჩვენი ქვეყნის უახლესი წარსულის შთამბეჭდავი ეპოქალური სურათი, სავსე დრამატიზმით, ბევრი სიკვდილით და აღდგომით...საინტერესოა ასევე ამ ეპოქალური სამზერიდან გამოკვეთილი დანარჩენი კულტურული მსოფლიოს პანორამაც – ქვეყნები და ქალაქები, სადაც ავტორს სხვადასხვა დროს ყოფნა მოუწია და შესაბამისად, პარალელებზე რეფლექსიის შესაძლებლობაც მიეცა.   ქართული ესეისტიკის მნიშვნელოვანი მონაპოვარია ის პორტრეტებიც, რომლებიც ამ კრებულიდან ამოშუქდებიან – პაოლო იაშვილის, ოტია პაჭკორიას, თამაზ ბაძაღუას, ზაზა თვარაძის და სხვათა ლიტერატურული ეტიუდები/ პორტრეტები.   ეგზისტენციალური ღიმილი უმთავრესი განწყობაა, რომლითაც ანდრო ბუაჩიძის მხატვრული სამყაროა განმსჭვალული. ღიმილის მიზეზი წარმავალის პირისპირ მდგომი წამის მოხელთებაა – თანაბრად საშიშიც, სევდიანიც და საზეიმოც...“ – ნინო სადღობელაშვილი  

ავტორი: იაგო თვალაბეიშვილი სერია: გახდი ბესტსელერის ავტორი გამომცემლობა: პალიტრა L

ავტორი: ერიხ მარია რემარკი მთარგმნელი: აკაკი გელოვანი სერია: პალიტრა კლასიკა გამომცემლობა: პალიტრა L

ავტორი: ერიხ მარია რემარკი გამომცემლობა: პალიტრა L  

მთარგმნელი: აკაკი გელოვანი სერია: იკითხე კლასიკა   ქვეყნად ადგილი ყველაფერს მოენახება, ადამიანის ადგილი კი არსად არის! - ეს ტკივილი დაჰყვება ერიხ მარია რემარკის რომანის "ტრიუმფალური თაღის" გმირს - გერმანელ ექიმს, საფრანგეთში რომ გამოჰქცევია ფაშისტ თანამემამულეებს. რომანის გმირები დაღუპული გემის გადარჩენილ მეზღვაურებს ჰგვანან, რომლებიც დანისლული ზღვის ზედაპირზე დაცურავენ. ამ ნისლიდანაც მოჩანს ტრიუმფალური თაღი, რომლისკენაც სწრაფვა, ამავდროულად, გადარჩენისთვის ბრძოლას მოგვაგონებს.

ავტორი: ზაზა ბურჭულაძე გამომცემლობა: ბაკურ სულაკაურის გამომცემლობა

ავტორი: დათო ტურაშვილი გამომცემლობა: ბაკურ სულაკაურის გამომცემლობა

ავტორი: თომას ბერნჰარდი მთარგმნელი: მაია ფანჯიკიძე გამომცემლობა: ბაკურ სულაკაურის გამომცემლობა

ავტორი: იმრე კერტესი მთარგმნელი: ანი აბულაშვილი გამომცემლობა: სულაკაურის გამომცემლობა სერია: ლიტერატურული ოდისეა   „უბედობა“ ებრაულ ოჯახში დაბადებული უნგრელი ნობელიანტი მწერლის, იმრე კერტესის ავტობიოგრაფიული რომანია, დაწერილი 1973-1975 წლებში. რომანის მთავარი გმირი, 15 წლის ბუდაპეშტელი ბიჭი, კიოვიში, წარმოუდგენელი სიზუსტით და ობიექტურობით აღწერს ოსვენციმისა და ბუხენვალდის საკონცენტრაციო ბანაკებს, თუმცა ბოლოს ეს ყველაფერი თითქოს უკანა პლანზე გადადის და წინ მისი ფიქრები, განცდები, დამოკიდებულებები, გადარჩენის მისეული გზა ინაცვლებს.

ავტორი: პატი სმითი მთარგმნელი: ბიძინა და ანა მაყაშვილები „პატი სმითმა პოეტური შედევრით დაგვაჯილდოვა. ეს წიგნი იშვიათი მოსაწვევია, რომელიც აქამდე ხელშეუხებელი განძის აღმოსაჩენად გვეპატიჟება“. – ჯონი დეპი კ ოლტრეინის გარდაცვალების ზაფხული იდგა; სიყვარულისა და ამბოხებების ზაფხული; ზაფხული, როდესაც ორი ახალგაზრდა ბრუკლინში ერთმანეთს შემთხვევით გადაეყარა. ამის შემდეგ დაადგნენ ორივენი ხელოვნების, თავდადებისა და ძიების გზას. პატი სმითი პოეტად და არტისტად იქცა, რობეტ მეპლთორპი კი, თავისი უკიდურესად პროვოკაციული სტილით, ფოტოგრაფად ჩამოყალიბდა. მათი, ამ უცოდველი ენთუზიასტების სამოქმედო არეალი კონი-აილენდიდან 42-ე ქუჩამდე ვრცელდებოდა. 1969 წელს წყვილი სასტუმრო „ჩელსიში“ დაბინავდა. ისეთი გაფაქიზებული ცნობიერების ეპოქა დამდგარიყო, როდესაც პოეზიის, როკ-ენროლის, ხელოვნებისა და სექსუალობის პოლიტიკის სამყაროები ერთიმეორეს ეჯახებოდნენ და იმსხვრეოდნენ. ამ ყველაფრით გარემოცულნი, პატი და რობერტი ერთმანეთის ოცნებებითა და მიზნებით სულდგმულობდნენ, სულიერი შიმშილის წლებში კი ერთმანეთს აგულიანებდნენ და ასაზრდოებდნენ. „უბრალოდ, ბავშვები“ სასიყვარულო ამბად იწყება და ელეგიად სრულდება. წიგნი 60-70-იანი წლების ნიუ-იორკსა და იქაურ მდიდრებსა და ღარიბებს, თაღლითებსა და ხულიგნებს ეძღვნება. ესაა ნამდვილი ზღაპარი, რომელიც ასახავს ორი ახალგაზრდა ხელოვანის აღმასვლას დიდებისკენ.

ავტორი: აგათა კრისტი მთარგმნელი: პაატა ჩხეიძე „უდანაშაულობის გამოცდა“ აგათა კრისტის ერთ-ერთი უსაყვარლესი რომანი იყო. „ჩემს ყველა დეტექტივს შორის,-წერდა „დეტექტივების დედოფალი“ თავის „ავტობიოგრაფიაში“,-ყველაზე დამაკმაყოფილებლად „მრუდე სახლი“ და „უდანაშაულობის განცდა“ მიმაჩნია“. ორივე დეტექტივი მწერალის სხვა რომანებისგან იმითაც არის გამორჩეული, რომ მათში მთავარ პერსონაჟად ვერ იხილავთ მაძებარ - მესიე პუაროს ან მისის მარპლს. წარსულში მომხდარი მკვლელობა, რომლის შედეგმა დრამის მონაწილეთა ცხოვრება ძირფესვიანად შეცვალა, ...

ავტორი: არუნდატი როი მთარგმნელი:თამარ ჯაფარიძე სერია: ლიტერატურული ოდისეა სულაკაურის გამომცემლობა ცნობილი ინდოელი მწერლის, არუნდატი როის ეს ახალი რომანი, რომლის გამოქვეყნებასაც მკითხველი და კრიტიკოსები სულმოუთქმელად ელოდნენ, ეპიზოდური ამბებისაგან მოქსოვილი ეპიკური ტილოა, ისეთივე ჭრელი, მრავალწახნაგოვანი და კომპლექსური, როგორიც თავად ინდოეთი, მისი მოსახლეობა თუ ბობოქარი ისტორია. სწორედ მნიშვნელოვანი ისტორიული მოვლენების, ტრადიციებისა თუ ადამიანური ურთიერთობების არდავიწყებას ეძღვნება რომანი „უზეშთაესი ნეტარების სამინისტრო“, რომელიც ერთდროულად სიყვარულზე, მეგობრობაზე, ურთიერთგაგებასა თუ ურთიერთდაპირისპირებაზე, ადამიანურ სიკეთესა თუ ბოროტებაზე მოგვითხრობს. თხრობა ძველ სასაფლაოზე დასახლებული ჰიჯრის, ჰერმაფროდიტი ანჯუმის ისტორიით იწყება და ძველ სასაფლაოზევე სრულდება, რომელიც წიგნის ყველა, ერთმანეთისაგან სავსებით განსხვავებულ, მაგრამ ერთმანეთის მიმართ დიდი სიყვარულით განმსჭვალულ მთავარ გმირს აერთიანებს და მივიწყებული ადგილიდან მიუსაფართა „ჯანატად“ (სამოთხედ), ანუ „უზეშთაესი ნეტარების“ ადგილად იქცევა. „უზეშთაესი ნეტარების სამინისტრო“ მთელი ქვეყნის ბედზე მოგვითხრობს და მასში უფრო მძაფრად იგრძნობა ცნობილი პუბლიცისტისა და პოლიტიკური აქტივისტის, არუნდატი როის პირადი კრიტიკული დამოკიდებულება მის ქვეყანაში მიმდინარე მოვლენების მიმართ. უთუოდ ამითაც აიხსნება ფართო მკითხველის უდიდესი ინტერესი ამ რომანის მიმართ, რომელიც უკვე 50-ზე მეტ ენაზე ითარგმნა.

ავტორი: მაინ რიდი მთარგმნელი: ელგუჯა მაღრაძე სერია: იკითხე კლასიკა     მორის მუსტანგერი, ლუიზა პოინდექსტერი და კასიუს კოლჰაუნი ლეგენდარული სასიყვარულო სამკუთხედია! ვინ არიან ისინი? მორისი ტეხასში სახელგანთქმული ცხენოსანი და მეჯინიბე, ველური ფაშატების საუკეთესო გამხედნავია, ლუიზა – მდიდარი პლანტატორის, ვუდლი პოინდექსტერის მშვენიერი ქალიშვილი, კასიუსი კი, ყოფილი კავალერისტი კაპიტანი, ღვარძლიანი და მშიშარა სამხედროა. ყველაფერი იმ საღამოს იწყება, როცა პოინდექსტერები დიდ წვეულებას მართავენ, რათა ღირსეულად წარდგნენ მაღალი საზოგადოების წინაშე. ტეხასი ხომ მათი ახალი სახლია – ისინი ლუიზიანადან სულ ახლახან გადმოვიდნენ. სწორედ იქ შეიკვრება სასიყვარულო სამკუთხედი და დაიგეგმება დიდი შურისძიება სიყვარულზე! ... მაგრამ, ვინ არის მეოთხე? ვინ არის ის შიშის მომგვრელი არსება – უთავო მხედარი?

ავტორი: მაინ რიდი "50 წიგნი, რომელიც უნდა წაიკითხო, სანამ ცოცხალი ხარ". ეს პროექტი მსოფლიოს არაერთ ქვეყანაშია პოპულარული. სხვადასხვა გამოკითხვის საშუვალებით, მკითხველი ირჩევს 50 საუკეთესო წიგნს მსოფლიო ლიტერატურის საგანაძურიდან. საქართველოში "კვირისპალიტრის" ამ პროექტს მრავალი ათასი ადამიანი გამოეხმაურა. სწორად მათი დადგენილია იმ რჩეული წიგნების ნუსხა, რომელიც "პალიტრამედიამ" რეალურ ბიბლიოთეკად აქცია. ეს წიგნებიც მსოფლიო ლიტერატურის იმ უნიკალური ბიბლიოთეკის ნაწილია.

ავტორი: მაინ რიდი სერია: მინი წიგნების კოლექცია

ავტორი: რობერტ მუზილი მთარგმნელი: მაია ბადრიძე სერია: დიოგენეს ბიბლიოთეკა „უთვისებო კაცი“ ავსტრიელი მწერლის, რობერტ მუზილის (1880- 1942) მთავარი რომანი და მოდერნიზმის ერთ-ერთი ქვაკუთხედია. წიგნი, რომელიც 20 წელზე მეტხანს იწერებოდა, სხვა დიდი მოდერნისტის, ფრანც კაფკას რომანების მსგავსად, დაუსრულებელი დარჩა. ამ მასშტაბური, მრავალპერსონაჟიანი ნაწარმოების მოქმედება ვენაში, 1913 წლის აგვისტოს ერთ მშვენიერ დღეს იწყება. ავსტრია-უნგრეთის იმპერია ბოლო დღეებს ითვლის – პირველი მსოფლიო ომის გაჩაღებამდე სულ ცოტა ხანია დარჩენილი. სწორედ ამ დროს უცხოეთიდან იმპერიის დედაქალაქში ბრუნდება უთვისებო კაცი, 32 წლის მათემატიკოსი, სახელად ულრიხი...