ავტორი: აბარბარა კლიცკა მთარგმნელი ქეთევან ქანთარია გამომცემლობა: ინტელექტი   „სანატორიუმი“ სიცოცხლის საზღვართან გაშეშებული კონფლიქტების შესახებ მოგითხრობთ. მთავარი გმირი ახალგაზრდა ქალია, რომელიც ორი ოპერაციის შემდეგ სანატორიუმში დასასვენებლად მიემგზავრება. ბევრი ხმით, ტკივილით, გროტესკით და ბედისწერით სავსე სანატორიუმი სუროგატული სამოთხის ანარეკლიცაა, სადაც სიცოცხლის საზრისის დაბადება-არდაბადების საკითხი წყდება.

ავტორი: ჯეინ ოსტინი სერია:  ქალების კალმით მთარგმნელი: ლევან ინასარიძე "ჯეინ ოსტინს თუ დავუჯერებთ, ყოველ სოფელს თითო დიდებული ქალბატონი ჰყავს. ამ ნათქვამში გარკვეულ ორაზროვნებას, ირონიასა და ქვეტექსტებსაც ამოვიკითხავთ და დავრწმუნდებით, რომ ლიტერატურული „მანევრების“ ოსტატ ავტორს ვეცნობით. ჯეინ ოსტინის დაუსრულებელი რომანი „სანდიტონი“ გვაცნობს ინგლისის არაჩვეულებრივ ქალებს, რომელთაც სქესის, ტრადიციის, წესჩვეულებების ჩარჩოებს მიღმა გაიხედეს და აღმოაჩინეს, რომ თვალს, გულსა და გონებას იმაზე მეტის აღქმა შეუძლია, ვიდრე ამაზე დამკვიდრებული წარმოდგენებით იცოდნენ.

ავტორი:  ჰაქსლი ოლდოს სერია:  თანამედროვე კლასიკა მთარგმნელი:  თამარ შანიძე   ოლდოს ჰაქსლის (1894-1963) ნაწარმოებები მიჩნეულია „ინტელექტუალურ რომანებად“. „საშიშიც კია იმის აღმოჩენა, ჰაქსლის რამდენი სატირული წინასწარმეტყველება იქცა რეალობად ასე ცოტა ხანში“, – წერს The New York Review of Books. „საოცარი ახალი სამყარო“ ამერიკული „უახლესი ბიბლიოთეკის“ საუკეთესო რომანების ასეულში მოხვდა. სხვადასხვა პერიოდში აკრძალული ეს რომანი ნამდვილი წინასწარმეტყველებაა, რომელმაც დროის გამოცდას გაუძლო. დღევანდელ გლობალიზებულ, მასობრივი ცნობიერებისა და პოპკულტურის სამყაროში ის კიდევ უფრო აქტუალურია, ვიდრე ოდესმე ყოფილა.

ავტორი: ნიკოლას სპარქსი სერია: წლის ბესტსელერი   სად არის ის საოცნებო მხარე, რომელსაც ვნატრობთ და ხშირად მისი გზა ვერ გვიპოვია?! არადა, თურმე ჩვენ გვერდითაა, სულ ახლოს, მთავარია, ვირწმუნოთ, რომ მივაგნებთ. ამაში სიყვარული დაგვეხმარება _ სიყვარული ახლობლებისა და საყვარელი ადამიანის. ოცნებაზე უარი არასოდეს არ უნდა ვთქვათ, წარსული წარსულში უნდა დარჩეს და აწმყოთი და მომავლის იმედით ვიცხოვროთ, გვასწავლის ნიკოლას სპარქსის კიდევ ერთი ბესტსელერი ”საოცნებო მხარე“, რომელიც სიუჟეტის მოულოდნელი განვითარებით გაგაოცებთ.

ავტორი: ჰაქან გიუნდაი მთარგმნელი: მარიამ კვაჭანტირაძე „სარღანა“ წარმოადგენს ახალგაზრდა კაცის ისტორიას, რომელსაც სურს, სამაგიერო მიუზღოს ცხოვრებას, სადაც არავის არავინ აინტერესებს, სადაც გამეფებულია სიცრუე, ძალადობა, სისასტიკე - სამაგიერო მიუზღოს იმით, რომ იცხოვროს. იგი გადაწყვეტს, ,,დადგას“ საკუთარი ცხოვრება თავისივე სცენარის მიხედვით.

ავტორი: ალბერტ კამიუ მთარგმნელი : გიორგი ეზიკაშვილი   ეს ესეები გახლავთ ჯერ კიდევ საკუთარი ხმის ძიებაში მყოფი, 22 წლის მწერლის პირველი ნაბიჯები ლიტერატურაში. ისინი კამიუს მსოფლაღქმის ორი მხარის წარმომჩენია, რომელთაგან ერთი ჰო-ს სფეროა, მეორე კი არა-სი. კამიუ არც მზეს უარყოფს და არც ჩრდილს, რამეთუ კარგად იცის, რომ მზიან ქვეყანაში დაბადებული კაცისთვის, რომლის ცხოვრება თვალისმომჭრელი სინათლით სავსე ზღვის პირას მიედინება, „მზე ზოგჯერ ბნელია“ (რენე შარი).

ავტორი: მარიო ვარგას ლიოსა მთარგმნელი: ლანა კალანდია სერია: ახალი თარგმანები, "ინტელექტი'' 25 წლისაა გამომცემლობა: ინტელექტი

ავტორი: სალი რუნუ მთარგმნელი: გურამ ღონღაძე რატომ ლაპარაკობენ ადამიანები ასე ბევრს, როცა საერთოდ არ იცნობენ არც საკუთარ თავს და არც ერთმანეთს? ფრენსისის, ბობის, ნიკისა და მელისას ურთიერთობა რეალურ ცხოვრებასა და ვირტუალურ სივრცეში ვითარდება. ისინი უსასრულოდ სვამენ და ლაპარაკობენ, ლაპარაკობენ და სვამენ, ლაპარაკობენ, ლაპარაკობენ… სექსსა და მეგობრობაზე, ხელოვნებასა და ლიტერატურაზე, პოლიტიკასა და, რა თქმა უნდა, ერთმანეთზე. მიუხედავად იმისა, რომ ფრენსისი ცდილობს, თავისი ცხოვრება მკაცრად აკონტროლოს, მისი და მელისას ქმრის, ნიკის, უწყინარი ფლირტი სრულიად მოულოდნელად ვნებიან ურთიერთობაში გადაიზრდება და ფრენსისს დღევანდელი დღით ცხოვრების მტკივნეულ მომხიბვლელობას აღმოაჩენინებს. „საუბრები მეგობრებთან“ სალი რუნის პირველი წიგნია. მან გამოსვლისთანავე მიიპყრო მკითხველის ყურადღება და ახალგაზრდა ავტორს დიდი პოპულარობა მოუტანა. ეს არის რომანი პიროვნების პრობლემებსა და ადამიანურ ურთიერთობებზე, რომელიც კიდევ ერთხელ შეგვახსენებს, რომ ზოგჯერ ჩვენსა და იმ სურათს შორის, რომელსაც გარშემო მყოფებისთვის ვხატავთ, უზარმაზარი უფსკრულია.

ავტორი: გაბრიელ გარსია მარკესი ესპანურიდან თარგმნეს ელზა ახვლედიანმა და მაკა გოგოლაშვილმა სერია: "ინტელექტი'' 25 წლისაა   ამ წიგნს სამსჯავროზე გამოჰყავს ჟურნალისტი გაბრიელ გარსია მარკესი, ბოლოს და ბოლოს თავი რომ დაიხსნა ახალგაზრდა, დაღმართზე დამდგარი ბოჰემური გაბოსგან, რომელიც ცოტაც და როგორც მწერალი დაიკარგებოდა, და შემდგომ ორმოცი წლიდან სიკვდილამდე, ჩამოყალიბებულმა, დაფასებულმა და ზეაღმატებულმა ღირსეულად იცხოვრა. „საუკუნის სკანდალი“ ამ კრებულში ერთ-ერთი ვრცელი და მთავარი რეპორტაჟია. კრებულის სათაურადაც სწორედ  ისაა შერჩეული. აქ წარმოდგენილი ტექსტები 1950-1987 წლებში იბეჭდებოდა გაზეთებში. მკითხველი ახალგაზრდა მარკესის საგაზეთო სტატიების კითხვისას ამოიცნობს ახალბედა მთხრობლის სურვილს – სწრაფვას ლიტერატურისკენ, იპოვის ფრაგმენტებს, რომლებშიც იკვეთება ბუენდიების ოჯახი, არაკატაკა...

ავტორი: აგათა კრისტი ზღვისპირა ქალაქი; სასტუმრო „მაჯესტიკი“ -იდეალური ადგილი დასასვენებლად; ერკიულ პუარო და კაპიტანი ჰასთინგზი აქ სწორედ ამიტომ არიან. ქალაქის განაპირას კი ენდჰაუსი - ძველი სახლი მდებარეობს; ამ ძველ სახლს ახალგაზრდა, მომხიბლავი და მხიარული მფლობელი ჰყავს - მადმუაზელ ნიკი ბაკლი. რა დააკავშირებს ამ ორ, სრულიად დამოუკიდებელ, მოცემულობას ერთმანეთთან, თუ არა დანაშაული? მკვლელობა! ...და, როცა საქმეში ცნობილი მაძებარი ერკიულ პუარო ერთვება, კითხვები: რა საფრთხე იმალება ენდჰაუსის უწყინარი ფასადის მიღმა? ვინ არიან სინამდვილეში იქ მცხოვრები ადამიანები? რა საიდუმლოს მალავს იდუმალი ლამაზმანი ფრედერიკა რაისი და მთავარი: ვინ არის მკვლელი? _ პასუხგაუცემელი არ დარჩება. მაგრამ მანამდე ბევრ საიდუმლოს უნდა აეხადოს ფარდა, გაცხადდეს რამდენიმე სასიყვარულო ურთიერთობის როგორც ბანალური ნიაუნსი, ისე ე.წ. სასიყვარულო სამკუთხედის არსებობაც. ბოლოს კი მთავარი: გრანდიოზული ფინალური სცენა ცნობილი დეტექტივისა და... გარდაცვლილის „მონაწილეობით“....

ავტორი: გურამ მეგრელიშვილი   გურამ მეგრელიშვილის ახალი წიგნი სწორედ ისეთია, როგორი წიგნების წაკითხვაც ყველაზე მეტად მიყვარს – დაიწყებ და სანამ ბოლოში არ გახვალ, არ გაჩერდები და ავტორის ოსტატობის დამსახურება ისიც არის, რომ სამყარო, რომელსაც ის ქმნის, გაცილებით რეალურია, ვიდრე ის რეალური სამყარო, სადაც ჩვენ ვცხოვრობთ. ნამდვილი ლიტერატურაც ესაა...“ – დათო ტურაშვილი.

ავტორი: ტონი მორისონი მთარგმნელი: ეკატერინე მაჩიტიძე „ვამაყობ, რომ მე და ტონი მორისონი ერთმანეთს „ვგავართ“ – ის პირველი აფროამერიკელი ქალი მწერალი-ნობელიანტია, მე პირველი აფროამერიკელი პრეზიდენტი.“ – ბარაკ ობამა. „ტონი მორისონმა არა მხოლოდ შექმნა შთამბეჭდავი ძალის რთული რომანების ექსტრაორდინალური კონტექსტი, არამედ თავიდან დაწერა XX საუკუნის ამერიკული ლიტერატურის ისტორია.“ – ტერენს ელიოტი. „არ არსებობს მსოფლიოში ტონი მორისონზე უკეთესი მწერალი. ბედნიერი ვარ, რომ მოვესწარი მისი წიგნების წაკითხვასაც და მის გაცნობასაც.“ – ბობ დილანი. ტონი მორისონის ნამდვილი სახელი და გვარია ჰლოია ენტონი უოფორდი. დაიბადა 1931 წლის 19 თებერვალს ლორეინში. მისი ნაწარმოებები გამოირჩევა ეპიკური თემებით და აფრიკელ-ამერიკელი ხალხის ხასიათის დეტალური აღწერით თავისუფლების მხოლოდ ოცდარვა დღე ერგოთ ცინცინატიში გაქცეულ შავკანიან მონა ქალსა და „კანონმა“ იპოვა - სამძებრო ჯგუფმა ისინი კენტუკიში, მონათმფლობელებთან უნდა დააბრუნოს. და დედა თავისუფლებაში ძალიან ძვირს იხდის... გავა რამდენიმე წელი და მის სახლში გამოჩნდება გოგონა, სახელად საყვარელი, და წარსული თავს ახსენებს: „გაცოცხლებულიყო 124 ნომერში ოდესღაც ჩადენილი ცოდვა და ახლა თავხედურად, თავის ნებაზე დანავარდობდა“.

ავტორი: ელის სიბოლდი მთარგმნელი: ლევან ინასარიძე სერია: ლიბერთინსი   14 წლის სიუზი სელმონი მოკლეს! ის უკვე ზეცაშია. დაჰყურებს ამ ახალი და უცნაური ადგილიდან დედამიწას და ხედავს ცხოვრებას, რომელიც მის გარეშე გრძელდება; სკოლის მეგობრებს, რომლებიც სიუზის გაუჩინარებაზე ათას ჭორ-მართალს ჰყვებიან; ოჯახს, რომელიც მისი პოვნის იმედს არ კარგავს; და მკვლელს, რომელიც კვალის დაფარვას ცდილობს. სიუზის ყველაზე მეტად საყვარელ ადამიანებთან დაბრუნება სურს ის იმ ადგილს იკვლევს, ზეცა რომ ჰქვია და სკოლის ეზოს რომ აგონებს თავისი საქანელებით. ზეცაში კი ხვდება მრჩევლებს, რომლებიც ეხმარებიან. რაც უნდა მოისურვოს, წამის უსწრაფესად უსრულდება, გარდა ერთისა - დედამიწაზე ვეღარ ბრუნდება. მკვლელს ეძებენ!.. სიუზის მამა ცდილობს მკვლელის მხილებას, და კი ხიფათში ჩაიგდებს თავს, როდესაც მკვლელის სახლში შეიპარება. ის ბიჭი კი, რომელიც სიუზის უყვარდა, ცხოვრებას აგრძელებს და ბოლოს ხვდება, რომ ამ უცნაური ამბის ერთ-ერთი ცენტრალური ფიგურაა. როგორ დასრულდება ეს სულისშემძვრელი ამბავი?  

ავტორი: შოდერლო დე ლაკლო მთარგმნელი: მარინე ჭილაშვილი, რუსუდან ქებულაძე   ფრანგი პოლიტიკური და სამხედრო მოღვაწის, პიერ შოდერლო დე ლაკლოს ეპისტოლარული ჟანრის რომანი „სახიფათო კავშირები“ ერთ-ერთ პირველხარისხოვან ფსიქოლოგიურ რომანად ითვლება. იმდროინდელი არისტოკრატიის ცხოვრების წესზე დაწერილმა ამ ღრმა და მახვილმა სატირამ მსოფლიო აღიარება და სკანდალური სახელი მოიპოვა. მისი ადაპტირებული სცენარის მიხედვით არაერთი ფილმია გადაღებული, რაც ხაზს უსვამს რომანის განსაკუთრებულ მნიშვნელობას. წიგნის სიუჟეტური ხაზი მარკიზა დე მერტეისა და ვიკონტ დე ვალმონის წერილებით ვითარდება – ყოფილი საყვარლის დასასჯელად, ქალი თავის იდეურ თანამზრახველს სთხოვს მისი მომავალი საცოლის ცდუნებას. მწერალი ამხელს სხვისი ბედით მოთამაშე, მზაკვარ და თვალთმაქც ადამიანებს. ნაწარმოებში ასევე აღმოაჩენთ ორ მივიწყებულ, მაგრამ მეტად მნიშვნელოვან ჭეშმარი­ტებას: ქალი, რომელიც უარს არ ამბობს ზნედაცემულ მამაკაცთან ურთიერთობაზე, მისივე მსხვერპლი ხდება; და დედა, რომელიც არაფრად ჩააგდებს იმას, რომ ქალიშვილი მასზე მეტად სხვა ქალს ენდობა, აუცილებლად დაისჯება... როგორ წარმართავს ნიღბიანი ადამიანი სახიფათო თამაშს? როგორ გაება ცბიერი ვიკონტი თა­ვის დაგებულ სიყვარულის მახეში? როგორი ფსიქოლოგია აქვთ ზნედაცემულ ქალსა და მამაკაცს? რა არის სახიფათო თამაშების ფსიქოლოგიური არსი?.. მსგავს ცხოვრებისეულ შეკითხვებზე პა­სუხს იპოვით ამ წიგნში, რომლის პირველი გამოცემიდან უკვე ორ საუკუნეზე მეტი გავიდა, თუმცა თავისი სოციალურ-ფსიქოლოგიური თემებით დღემდე აქტუალურია.

ავტორი: ვირჯინია ვულფი მთარგმნელი: გია ბერაძ ცნობილი ინგლისელი მწერალი, ესეისტი და კრიტიკოსი ვირჯინია ვულფი მე-20 საუკუნის ევროპული მოდერნისტული  ლიტერატურის მნიშვნელოვანი წარმომადგენელია. მისი ყველაზე ცნობილი ნაწარმოებებია: „მისის დელოუეი“ (1925), „შუქურა“ (1927), „ორლანდო“ (1929), „საკუთარი ოთახი“ (1929). მწერლის პირველი ტექსტი 1915 წელს დაიბეჭდა, პირველი  (და მის სიცოცხლეში ერთადერთი) მოთხრობების კრებული კი 1921 წელს გამოიცა. ეს წიგნი შედგენილია მწერლის გარდაცვალების შემდეგ  გამოსული მოთხრობების კრებულის მიხედვით, რომელიც ვირჯინია ვულფის მეუღლემ შეადგინა და მასში ავტორის საყვარელი ნაწარმოებები შეიტანა.

ავტორი: მიშელ უელბეკი მთარგმნელი: პაატა ჯავახიშვილი ყდა: რბილი „სეროტონინის“ მთავარ პერსონაჟს, სოფლის მეურნეობის მართვის სპეციალისტს, ფლორან-კლოდ ლაბრუსტს დეპრესია ტანჯავს – იგი შორდება მორიგ ქალს, აკვირდება გაღატაკების პირას მყოფ ფრანგ ფერმერებს, წუხს, რომ ვერაფრით ეხმარება მათ და ამას საკუთარ მარცხად მიიჩნევს. მარტოსული და იმედგაცრუებული გმირი ცდილობს, თავის დეპრესიას უმკურნალოს პრეპარატით, რომელიც სისხლში სეროტონინის მომატებას უზრუნველყოფს – სეროტონინს ბედნიერების ჰორმონსაც ეძახიან. მაგრამ ამისათვის ძვირის გადახდა უწევს. ერთადერთი, რაც ჯერ კიდევ სძენს აზრს მის არსებობას, ესაა იმედი, რომ დაიბრუნებს ქალს, რომელიც მართლა უყვარდა და დაკარგა… ქართველი მკითხველი უკვე კარგა ხანია, იცნობს დღეისათვის ყველაზე გამოჩენილ ფრანგ მწერალს, არაერთი ლიტერატურული, მათ შორის გონკურის, პრემიის ლაურეატს, მიშელ უელბეკს – ავტორს ისეთი მსოფლიო ბესტსელერებისა, როგორებიცაა: „ელემენტარული ნაწილაკები“, „პლატფორმა“, „კუნძულის შესაძლებლობა“, „რუკა და ტერიტორია“, „მორჩილება“ და სხვ. რომანი „სეროტონინი“ 2019 წლის იანვარში გამოვიდა საფრანგეთში. საფრანგეთის მთავრობამ მიშელ უელბეკი 2019 წლის აპრილში საპატიო ლეგიონის ორდენით დააჯილდოვა.

ავტორი:  სვეტლანა ალექსიევიჩი მთარგმნელი: ნინო ბექიშვილი სვეტლანა ალექსიევიჩის ამ წიგნში თავმოყრილია იმ ადამიანების ისტორიები, რომლების საბჭოთა კავშირში იზრდებოდნენ, გამოიარეს რევოლუცია, ომი, პერესტროიკა. წიგნი მათ ახლანდელ განცდებს აღწერს, აღწერს, როგორ ცხოვრობენ ისინი ახალ ქვეყნებში – სხვა მიზნებით, სხვა პრიორიტეტებით, სხვა იდეოლოგიით. ეს წინააღმდეგობრივი და ტრაგიკული ამბები სულსხვა თვალით გვიჩვენებს უახლეს ისტორიას და იმას, თუ როგორ გარდაქმნა, შეცვალა საბჭოეთმა ადამიანი. ამ წიგნში საბჭოთა კავშირის დაშლა რეალური ადამიანების ბედისა და ტრაგედიის პრიზმიდანაა ნაჩვენები. სწორედ ამითაა უნიკალური ალექსიევიჩის პროზა, მან ხომ არა მხოლოდ უმნიშვნელოვანესი წიგნები, არამედ სრულიად ახალი ჟანრი შექმნა ლიტერატურაში. რომანი „სექენდ ჰენდის დრო“ იმ ციკლის ბოლო წიგნია, რომელსაც 2015 წლის ნობელის პრემიის ლაურეატმა სვეტლანა ალექსიევიჩმა „უტოპიის ხმები“ უწოდა.

ავტორი: მარსელ პრუსტი მთარგმნელი: სოფიო ბენდიაშვილი გამომცემლობა: ბაკურ სულაკაურის გამომცემლობა სერია: მსოფლიო კლასიკა  

ავტორი : ჯეინ ოსტინი   "სიამაყე და მცდარი აზრი" ჯეინ ოსტინმა 1797 წელს 21 წლის ასაკში დაასრულა. გამომცემელმა მის დასტამბვაზე უარი თქვა. წიგნი მხოლოდ 16 წლის დაგვიანებით, 1813 წელს გამოიცა, მას შემდეგ, რაც წარმატება ხვდა მის რომანს "გონება და გრძნობა". გამოცემის წინ ჯეინ ოსტინმა რომანი გადაამუშავა და მივიღეთ "სიამაყე და მცდარი აზრი" - წიგნი, რომელიც ახალგაზრდული სიხალისე და უშუალობა შერწყმულია ზრდასრულ გონებასთან და სამწერლო ხელოვნებასთან. ამას დამატებული დახვეწილი ბრიტანული იუმორი. დღემდე მსოფლიოში რომანის 20 მილიონი ეგზემპლარია გაყიდული და მისი პოპულარობა მხოლოდ იმატებს.

ავტორი: დანიელ პენაკი ,,სიზმრის მხილველის კანონი“ ეძღვნება სიზმრისა და წარმოსახვის ძალას, ოჯახს, მშობლებს, მეგობრობას, შემოქმედებით თავისუფლებას და ... ფედერიკო ფელინის, რომლის ფილმებზეც დიდ გავლენას ახდენდა მისივე სიზმრები.

ავტორი: ლუი-ფერდინანდ სელინი მთარგმნელი: მერაბ ფიფია გამომცემლობა: ბაკურ სულაკაურის გამომცემლობა სერია: მსოფლიო კლასიკა  

ავტორი: ხალიდ ხალიფა სერია: აკრძალული წიგნების თარო   არაბულიდან თარგმნა დარეჯან გარდავაძემ    დამასკოდან სირიის ჩრდილოეთით მდებარე სოფელ ანაბიისკენ მიმავალი მიკროავტობუსი წვალებით მიიკვლევს გზას. მანქანაში გვამი, ორი კაცი და ერთი ქალია, მდუმარე, მოღუშული სახეებით. გარეთ სასტიკი ომია, რომელიც მსხვერპლით ვერ ძღება. ომში სიკვდილი ბრმაა, მსხვერპლს არ არჩევს... უამრავი საკონტროლო პუნქტისა და გამოუვალი მდგომარეობის დაძლევა უწევთ და-ძმებს მამის უკანასკნელი ანდერძის აღსასრულებლად - მისი ნეშტი მშობლიური სოფლის, ანაბიის, მიწას მიაბარონ.   ეს მხოლოდ მამის ცხედრის დასაკრძალად წამოწყებული მოგზაუძრობის ისტორია როდია, არამედ ამბავი სიკვდილის მოტივით ამქვეყნიურ ფასეულობათა გადაფასებისა და თუნდაც გაუფასურებული სიცოცხლის ძალის შესახებ და რაკი სიკვდილი მძიმე შრომაა რომანის გმირებისთვის, ეს ხუთდღიანი ურთულესი გზა დამასკოდან ანაბიამდე საკუთარი თავის აღმოჩენის გზაცაა.   2019 წელს ამერიკული National Book Award ლიტერატურული ჯილდოს თარგმნილი ლიტერატურის ნომინაციაში გამარჯვებული ამ რომანის ავტორი, ხალიდ ხალიფა, საკმაოდ წარმატებული თანამედროვე სირიელი რომანისტია, რომელსაც მანამდეც არაერთი ლიტერატურული ჯილდო აქვს მიღებული. სამშობლოში ხშირად აკრძალული, ის არაბული მწერლობის საერთაშორისო პრიზის Man Booker International Prize for Arabic Fiction ნომინაციის მოკლე სიაში ორჯერ არის მოხვედრილი (2008 და 2014 წლებში), მიღებული აქვს ნაჯიბ მაჰფუზის მედალი ლიტერატურაში, თარგმნილია მსოფლიოს ბევრ ენაზე.  

ავტორი: აგათა კრისტი მთარგმნელი: ლია კაკიაშვილი მრავალმილიონიანი ქონების მემკვიდრე ლიტენ რეჯუეი ცოლად მიჰყვება თავისი უახლოესი მეგობრის, ჟაკლინის საქმროს. ახალდაქორწინებულები თაფლობის თვის გასატარებლად თბომავალ "კარნაკით" ნილოსზე, ეგვიპტეში მიემგზავრებიან. ჟაკლინი გადაწყვეტს, ჩააშხამოს მოგზაურობა მოღალატე საქმროსა და მეგობარს. ბორტზე სხვა მტრებიც არიან. სახელგანთქმული მეძებარი პუარო, ლინეტს ერთ დღეს კაიუტაში მოკლულს იპოვის. ხანგრძლივი ძიების შემდეგ პუარო მიაგნებს დანაშაულის იარაღას და მიზეზსაც,მაგრამ ერთმანეთს ახალ-ახალი მკვლელობები მოჰყვება.

ავტორი: ზიმონე ლუკასი მთარგმნელი: მაია ჭოლაძემ დეტექტივი