მთარგმნელი: ანტონ სინატაშვილი   წიგნი კალაში გაჩხერილი როლანდისა და კა-ტეტის დანარჩენი წევრების მანებთან საუბრით იწყება. შეძლებს თუ არა მსროლელი ამჯერადაც დახშული კარის გაღებას და მისი საშუალებით იმ სამყაროში გადასვლას, საითაც სუზანა/მია წავიდა? ვინ არის ის იდუმალი ავსული, რომელიც მიას სხეულს დაეპატრონა? დაეხმარებიან, თუ არა კარის გაღებაში მსროლელს მანელი ქენთაბი და მისი თანამოძმენი? ვინ არის ის იდუმალი მწერალი, რომელსაც, ბნელ კოშკთან ერთად, როლანდის კა-ტეტის ბედისწერა ხელთ უპყრია?

ავტორი: სტივენ კინგი მთარგმნელი: ანტონ სინატაშვილი "ჯადოქარი და ბროლი" ციკლის მეოთხე წიგნია. მესამე წიგნის, "უნაყოფო მიწების", ბოლოს ბლეინი, კომპიუტერით მართული შეშლილი მატარებელი, როლანდსა და მის კა-ტეტს უცხადებს, რომ თუ გამოცანების შეჯიბრებაში ვერ დაამარცხებენ, ლიანდაგიდან გადავა. სწორედ ამ გამოცანების შეჯიბრებით იწყება "ჯადოქარი და ბროლი", რომელშიც ბევრ საინტერესო ამბავს ვიგებთ. რა მოხდა მას შემდეგ, რაც როლანდმა კაცობის გამოცდა ჩააბარა და მასწავლებელი დაამარცხა? ვინ არის სიუზენი, რატომ ერჩის მას კუდიანი რია? მეოთხე ნაწილში მრავალი საიდუმლო გამჟღავნდება.

ავტორი: ივან ბუნინი სერია: მსოფლიო კლასიკა   მთარგმნელი: მიხეილ ანთაძე 1870 წელს ვორონეჟში დაბადებული ივან ბუნინის საფლავი პარიზშია, სადაც გასაბჭოების შემდგომ, თეთრი ემიგრაციის ტალღას გაჰყვა და გარდაცვალებამდე ცხოვრობდა. ის პირველი რუსი მწერალია, რომელმაც ლიტერატურაში ნობელის პრემია დაიმსახურა, პრემიის გამცემი შვედეთის აკადემიის მოტივაცია კი ასე იყო  ფორმულირებული: „იმ მტკიცე ოსტატობისთვის, რომლითაც კლასიკური რუსული პროზის ტრადიციას აგრძელებს“. „ბნელი ხეივნები“ ემიგრაციაში, 1937-1944 წლებში დაწერილი მოთხრობების კრებულია. ყველა მოთხრობა ერთი იდეის – სიყვარულის გარშემო ერთიანდება, თუმცა რასაც მაშინ სიყვარულს უწოდებდნენ, თანამედროვე ენაზე მრავალნაირად ითარგმნება: ვნება, ღალატი, ტყუილი, ძალადობა… თავად ბუნინი ამ კრებულს თავისი შემოქმედების მწვერვალად მიიჩნევდა და, შეიძლება არც თუ ტყუილად, რადგან ქრონოლოგიურად დალაგებული მოთხრობები მისი არა მხოლოდ როგორც ავტორის, არამედ ადამიანის, კაცის ზრდის დინამიკასაც მიჰყვება: თუ თავიდან ახალგაზრდობის დროინდელ თავგადასავლებს გვიყვება და მომხდარს ასაკსა და გამოუცდელობას მიაწერს, კრებულის ბოლო ნაწილში აღსარება, პატიების თხოვნა და სასჯელის მოლოდინი ისმის.

ავტორი: პატრიკ მოდიანო მთარგმნელი: ნატა ბალავაძე პატრიკ მოდიანო თანამედროვე ფრანგი მწერალია. რომანისთვის - "ბნელის ჯიხურების ქუჩა" - 1978 წელს მიიღო გონკურის პრემია. 2014 წელს მოდიანოს მიენიჭა ნობელის პრემია ლიტერატურის დარგში იმ ხელოვნების გამო, რომლითაც ის მეხსიერებით გამოიხმობს ყველაზე ძნელად მოსახელთებელ, ისტორიის წიაღში ჩაკარგულ ადამიანთა ბედს და ფარდას ხდის საფრანგეთის ოკუპაციის აქამდე უცნობს ფურცლებს.

ავტორი: ადამ სილვერა სერია Liberteens   წარმოიდგინეთ, რომ ვცხოვრობთ სამყაროში, სადაც 24 საათით ადრე გვატყობინებენ, რომ მალე მოვკვდებით. წიგნის მთავარი პერსონაჟი სწორედ ასეთ სიტუაციაში აღმოჩნდება, არადა გრძნობს, რომ ჯერ არც კი უცხოვრია. ადამ სილვერა თამამად მოგვითხრობს სინანულზე, სიკვდილის შიშზე, დაუფასებელ ურთიერთობებსა და დროის მნიშვნელობაზე. რა აზრები სდევს სიკვდილთან ასე მიახლოებულ ორ მთავარ პერსონაჟს და რისი შეცვლა შეუძლიათ 24 საათში?“ ნინო ადუაშვილი, 16 წლის.

ავტორი: რობერტ ლადლემი მთარგმნელი: პაატა ჩხეიძე სერია: TOP თრილერი   ჯეისონ ბორნი საფრანგეთის ერთ პატარა, ზღვისპირა ქალაქში, გალოთებული ექიმის ქოხში იღვიძებს. მას აღარაფერი ახსოვს - ვინ არის, რა დაემართა. მაგრამ სულ მალე აღმოაჩენს, რომ ფლობს რამდენიმე ენას, დახელოვნებულია აღმოსავლურ ორთაბრძოლაში და, რაც მთავარია, ანგარიშზე რამდენიმე მილიონი დოლარი აქვს.ასეთი მონაცემებით ახალი ცხოვრების დაწყებაც შეიძლებოდა, მაგრამ ბორნი ასევე აღმოაჩენს,რომ მასზე ნადირობენ აშშ-სა და ევროპის სახელმწიფოების სპეცრაზმები,მისი სიკვდილი სურს საერთაშორისო დანაშაულებრივი სინდიკატის ბოსსაც.

ავტორი:  აგათა კრისტი   "ულამაზეს არლენა მარშალს, ოდესღაც პოპულარულ მსახიობს, პლაჟზე გაგუდულს პოულობენ. მამაკაცების გულთამპყრობელი არლენა დამსვენებლებს თვალში არ მოსდიოდათ არცთუ უმწიკვლო წარსულისა და იმის გამო, რომ ყველას თვალწინ ურცხვად ეარშიყებოდა ცოლიან სიმპათიურ ახალგაზრდას. დამსვენებელთა უმეტესობას _ ოჯახის წევრებს, ქმარს თუ გერს, მის ნაცნობებს _ მიზეზთა გამო, არლენას მოკვლის მოტივი და, იმავდროულად, რკინისებრი ალიბი აქვს. საბედნიეროდ, კუნძულზე სწორედ ამ დროს ისვენებს სახელგანთქმული მაძებარი ერკიულ პუარო, რომელიც უტყუარი კრიმინალისტიკური ალღოს წყალობით იპოვის და ამხელს დამნაშავეებს."

მთარგმნელი: პაატა ჩხეიძე   როდესაც რობინ ელაკოტს საიდუმლო პაკეტს მიუტანენ,იგი შეძრწუნებული აღმოაჩენს,რომ პაკეტში ქალის მოკვეთილი ფეხია.ელაკოტის ბოსი,კერძო დეტექტივი კორმორან სთრაიქი,ნაკლებად გაოცებული,თუმცა არანაკლებ შეშფოთებულია.არის ოთხი ადამიანი,რომლებზეც ეჭვის მიტანა შეიძლება,და სთრაიქმა იცის,რომ ასეთი შემზარავი სისასტიკის ჩადენა ნებისმიერ მათგანს ძალუძს. პოლიციას ამ ოთხიდან ერთზე აქვს ეჭვი,სთრაიქი კი სულ უფრო მეტად რწმუნდება,რომ ის "ერთი" დამნაშავე არ არის.ამიტომ რობინთან ერთად საქმეს თვითონ ჰკიდებს ხელს...

ავტორი: რეი ბრედბერი სერია: ლიბერთინსი   ოქტომბრის გრილ საღამოს, ჰელოუინამდე ერთი კვირით ადრე, როცა შუაღამეს სამი საათი გადასცდება, ილინოისის შტატის ქალაქ გრინთაუნს მოხეტიალე ცირკი ეწვევა. ტრიალებს უცნაური და საშიში კარუსელი! სარკეების ლაბირინთი ცნობისმოყვარეებს იზიდავს და კარნავალიც პირველ მსხვერპლს იქცევს თავის კლანჭებში. ბოროტი და სასტიკი ძალა ცდილობს, აქაურობას დაეპატრონოს, სინათლე განდევნოს, კეთილი ადამიანები ზომბებად აქციოს... მხოლოდ წმინდა სულის ადამიანებს შესწევთ ბოროტებასთან დაპირისპირების ძალა. ქალაქი ორი მოზარდისა და შუახნის მამაკაცის იმედად რჩება. მათ უნდა შეძლონ შემოდგომის ადამიანებთან გამკლავება, თორემ ყველაფერს წყვდიადი შთანთქავს.

ავტორი: ჯონ აპდაიკი მთარგმნელი: ზაზა ჭილაძე სერია: დიოგენეს ბიბლიოთეკა კოპაკაბანის ხალხმრავალ სანაპიროზე 19 წლის ტრისტაო – რიოს ღატაკ უბანში მცხოვრები მეძავის შვილი – შემთხვევით გაიცნობს იზაბელს – ცნობილი ბრაზილიელი პოლიტიკოსის 18 წლის ქალიშვილს. სხვადასხვა სოციალური წრისადმი კუთვნილებისა და განსხვავებული აღზრდის მიუხედავად, ურთიერთლტოლვა იმდენად მძაფრია, რომ ტრისტაო და იზაბელი გადაწყვეტენ – ისინი ბედისწერამ შეახვედრა ერთმანეთს და მათი სიყვარული ყველა გამოცდას გაუძლებს. გამოცდა კი – თან სრულიად მოულოდნელი – წინ არაერთია. დიდი ამერიკელი მწერლის, ჯონ აპდაიკის (1932-2009) „ბრაზილია“ თანამედროვე ტრისტანისა და იზოლდას ვნებითა და სისასტიკით გაჯერებული ამბავია.

ავტორი: ივლინ ვო სერია: აკრძალული წიგნების თარო ინგლისურიდან თარგმნა ლალი ყუშიტაშვილმა   2004 წელს ალაბამის მკვიდრმა, კანონმდებელმა ჯერალდ ალენმა მიმართა საკანონმდებლო ორგანოს მოთხოვნით, არ გაეცათ სახელმწიფო სახსრები იმ სახელმძღვანელოებისა და საბიბლიოთეკო მასალების შესყიდვისთვის, რომლებშიც აღიარებული და წახალისებული იყო ჰომოსექსუალიზმი, როგორც ცხოვრების მისაღები სტილი. მისი კანონპროექტი ასევე ითვალისწინებდა, რომ ის რომანები, რომლებსაც გეი პერსონაჟები ჰყავდა და კოლეჯის სახელმძღვანელოები, რომლებშიც აღიარებული იყო ჰომოსექსუალიზმი, როგორც ბუნებრივი მდგომარეობაა, უნდა დაუყონებლივ აეღოთ ბიბლიოთეკების თაროებიდან და გაენადგურებინათ. კანონპროექტი ითვალისწინებდა, რომ კანონი უნდა აღსრულებულიყო ალაბამას სკოლების, საჯარო და საუნივერსიტეტო ბიბლიოთეკების მასშტაბით. აკრძალვა გულისხმობდა, როგორც კლასიკურ, ისე თანამედროვე ლიტერატურას, მათ შორის ივლინ ვოს „რაიდსჰედში დაბრუნებას“, ელის უოკერის „იისფერს“, ოსკარ უაილდის „დორიან გრეის პორტრეტსა“ და სხვა რომანებს.  ივლინ ვოს „ბრაიდსჰედში დაბრუნებას“ ყველა თაობის მკითხველი თავისებურად აღიქვამს: სკოლის ასაკის მკითხველები, უმეტეს შემთხვევებში, რომანში „კონკიას“ ამბავს კითხულობენ – საშუალო კლასის წარმომადგენელი ჩარლზ რაიდერი, რომელსაც ხვედრად მძიმე ბავშვობა ერგო, ოქსფორდში სწავლისას სებასტიან ფლაიტს, მარკიზის, ლორდ მარჩმეინის, უმცროს ვაჟიშვილს და მის ოჯახს უმეგობრდება. ერთი შეხედვით ბედნიერი, მდიდარი და უზრუნველი ფლაიტები მასზე წარუშლელ შთაბეჭდილებას ახდენენ. ჩარლზის ცხოვრება სრულიად იცვლება; ის სამყაროს ფლაიტების ფანჯრებიდან უცქერს, ბედნიერებას მათ მიერ გამოწვდილი პეშვიდან ეწაფება. ჩარლზისა და სებასტიანის ძლიერი, მაგრამ ხანმოკლე ჰომოსექსუალური სიყვარულის ისტორია, ამ მრავალწახნაგოვანი რომანის მხოლოდ ერთი მხარეა; ზრდასრული მკითხველისთვის კი უზარმაზარი, რთულად საცნობი, როგორც ავტორი ამბობს „სფეროთა სისტემა“ იშლება, სადაც ადამიანები „მბრუნავ პლანეტებს“ შორის იკარგებიან.    და მაინც, კითხვაზე, რაზეა წიგნი, ცალსახა პასუხი არ არსებობს, რადგან სიყვარულისა და ერთი ოჯახის ისტორიის გარდა, ეს არის სამყაროს განვითარების, ძველისა და ახლის ჭიდილის, რელიგიის, მხატვრობის, არქიტექტურის, ლიტერატურის, პოეზიის, ინგლისისა და მთელი ევროპის, ომისა და მშვიდობის ეპოპეა; ალეგორიებით, ალუზიებით, მეტაფორებით აკინძული, ინგლისური იუმორითა და სარკაზმით გაჯერებული მხატვრული ქმნილება, რომელიც ინგლისური ლიტერატურის შედევრად მიიჩნევა“. 

ავტორი: აგათა კრისტი მთარგმნელი: პაატა ჩხეიძე „ბრალდების მოწმე და სხვა მოთხრობები“ აგათა კრისტის მოთხრობების კრებულია და პირველად 1948 წელს, აშშ-ში გამოქვეყნდა. მკითხველის საყვარელი მაძებარი, სახელგანთქმული ერკიულ პუარო, რომელიც „დეტექტივების დედოფლის“ არაერთი დეტექტივის მთავარი გმირია, კრებულში მხოლოდ ერთ მოთხრობაში („მეორე გონგი“) გვხვდება. წიგნში თავმოყრილ ყველა მოთხრობას საოცარი დასასრული აქვს. დაძაბული სიუჟეტი, ხიფათის წინათგრძნობა და დანაშაული, ერთმანეთს გადაჯაჭვული ფანტასტიკა და რეალობა, ...

ავტორი: სადეყ ჰედაიათი სერია: აკრძალული წიგნების თარო სპარსულიდან თარგმნა მზია ბურჯანაძემ სადეყ ჰედაიათის „ბრმა ბუ“ თანამედროვე სპარსული პროზის ყველაზე მნიშვნელოვან ნაწარმოებად მიიჩნევა. „ბრმა ბუს“ დაწერის დროს ავტორი შაჰის ირანში უკვე აკრძალულ მწერლად იყო გამოცხადებული და რომანის დაბეჭდვა მხოლოდ სამშობლოს გარეთ, ინდოეთში, მოახერხა (1937 წ.). წიგნმა ირანში კონტრაბანდული გზით შეაღწია, სადაც ოფიციალურად მისი გამოცემა რეზა-შაჰ ფაჰლავის გადადგომის შემდეგ (1942 წ.) გახდა შესაძლებელი.   ისლამური რევოლუციის შემდეგ რომანის გამოცემის საკითხი კიდევ უფრო გართულდა: წიგნი თუმცა იბეჭდება, მაგრამ – კუპიურებით. ტექსტიდან ამოღებულია ის ფრაზები და პასაჟები, რომლებსაც ცენზურა ისლამური მორალისთვის მიუღებლად მიიჩნევს...   „ბრმა ბუ“ გახლავთ საზოგადოებისგან მოკვეთილი თუ მისგან ნებაყოფლობით გაქცეული მარტოსული ადამიანის აღსარება-საუბარი თავისი სულიერი ტკივილების შესახებ, ურთულესი ფსიქიკის მქონე კაცის შინაგანი მონოლოგი. ნაწარმოები ცნობიერების ნაკადის ტექნიკით დაწერილი თანამედროვე მოდერნისტული რომანია. მასში გამოყენებულია ყველა მნიშვნელოვანი და საუკეთესო ხერხი, რაც მეოცე საუკუნის მსოფლიო ლიტერატურას შეუქმნია.

ავტორი: ჰერბერტ უელსი სერია: პორტალი თარგმანი: პაატა გეგელაშვილი; სალომე ჩიტაძე; მარიტა დევრისაშვილი     "ბრიტანელმა მწერალმა და პუბლიცისტმა ჰერბერტ უელსმა (1866-1946) უმაღლესი განათლება ლონდონის უნივერსიტე- ტის კინგზ-კოლეჯში მიიღო, რომელიც 1888 წელს დაასრულა. უელსი, ჟიულ ვერნთან ერთად, სამეცნიერო ფანტასტიკის მა- მად ითვლება. მასზე და მის შემოქმედებაზე უინსტონ ჩერჩი- ლი წერდა: ” საოცარი გამომგონებლობის უნარი ჰქონდა და ყველას შე- ეძლო თავისებურად წაეკითხა და გაეგო მისი წიგნები. მის საუკეთესო რომანებში, როგორებიც არის ” პირველი ადამი ანი მთვარეზე“ და ”სამყაროთა ომი“, იმდენი მიგნებაა, რომ ზოგი სხვა დიდი მწერლის მთელ შემოქმედებაშიც არ იქნება“. უელსის მოთხრობათა ეს კრებულიც სწორედ ასეთი ”მიგნებებითაა“ გაჯერებული."

  ავტორი: კოლმ ტოიბინი მთარგმნელი: ლევან ინასარიძე სერია: წლის ბესტსელერი პრემია IMPAC DUBLIN-ისა და COSTA NOVEL-ის მფლობელი. ერთ ირლანდიურ პატარა ქალაქში ყოველი დღე ერთმანეთს ჰგავს. აქ ყველა ერთმანეთს იცნობს,ერთმანეთზე ყველაფერი იციან, ხანდახან ჭორაობით ირთობენ თავს და, ცოტა არ იყოს, სნობებიც ბრძანდებიან. ქალაქში თითოოროლა გასართობი ადგილია, სამუშაო ძნელი საშოვნელია, ამიტომ ახალგაზრდების უმეტესობა ინგლისში მიდის ბედის საძებნელად. ასეთია გასული საუკუნის 50-იანი წლების ევროპა. სამაგიეროდ, ოკეანის იქით ახდენილი ოცნებების ქვეყანაა - ამერიკა. აქ ეილიშმა საკუთარი თავი იპოვა...

        ავტორი:თომას მანი სერია: 50 წიგნი, რომელიც უნდა წაიკითხო, სანამ ცოცხალი ხარ   „ბუდენბროკები“ მარტო თომას მანის სიცოცხლეში ათასორასჯერ გამოიცა. რომანი მსოფლიოს თითქმის ყველა ენაზეა თარგმნილი და მსოფლიოს კლასიკურ ლიტერატურაში ერთ-ერთი პირველი ადგილი უჭირავს. „ბუდენბროკები“ ეპიკური ტილოა, სადაც დიდი ოსტატის კალმით აისახა ერთი ბურჟუაზიული ოჯახის ოთხი თაობის ცხოვრება, ან უფრო ზუსტად რომ ვთქვათ, ერთი ოჯახის დეგენერაციისა და გადაშენების პროცესი.  

ავტორი:თომას მანი სერია: 50 წიგნი, რომელიც უნდა წაიკითხო, სანამ ცოცხალი ხარ   „ბუდენბროკები“ მარტო თომას მანის სიცოცხლეში ათასორასჯერ გამოიცა. რომანი მსოფლიოს თითქმის ყველა ენაზეა თარგმნილი და მსოფლიოს კლასიკურ ლიტერატურაში ერთ-ერთი პირველი ადგილი უჭირავს. „ბუდენბროკები“ ეპიკური ტილოა, სადაც დიდი ოსტატის კალმით აისახა ერთი ბურჟუაზიული ოჯახის ოთხი თაობის ცხოვრება, ან უფრო ზუსტად რომ ვთქვათ, ერთი ოჯახის დეგენერაციისა და გადაშენების პროცესი.  

მთარგმნელი: ნინო ქაჯაია 1980 წლის ბუკერისა და 1983 წლის ნობელის პრემიების ლაურეატი, ბრიტანელი მწერალი, უილიამ გოლდინგი (1911-1993) მე-20 საუკუნის ერთ-ერთი ცნობილი ლიტერატორია. მან უკვე 40 წელს გადაცილებულმა დაწერა რომანი „ბუზთა ბატონი” (1954) – უამრავი სიმბოლიკით დატვირთული ერთგვარი ლიტერატურული პაროდია, „რობინზონიადას” ერთ-ერთი ვარიანტი, რომელშიც ველური კუნძულის ერთადერთი ცივილიზებული წარმომადგენლები ბავშვები არიან.

ავტორი: უილიამ გოლდინგი მთარგმნელი: ნინო ქაჯაია სერია: მსოფლიო ბიბლიოთეკა   1980 წლის ბუკერისა და 1983 წლის ნობელის პრემიების ლაურეატი, ბრიტანელი.მწერალი, უილიამ გოლდინგი (1911-1993) მე-20 საუკუნის ერთ-ერთი ცნობილი.ლიტერატორია. მან უკვე 40 წელს გადაცილებულმა დაწერა რომანი „ბუზთა ბატონი” (1954) – უამრავი.სიმბოლიკით დატვირთული ერთგვარი ლიტერატურული პაროდია, „რობინზონიადას” ერთ-ერთი ვარიანტი, რომელშიც ველური.კუნძულის ერთადერთი ცივილიზებული წარმომადგენლები ბავშვები არიან. ამ რომანით მწერალმა არაერთი სტერეოტიპი დაანგრია და უკაცრიელ კუნძულზე.მოხვედრილი სკოლის მოსწავლეების მაგალითზე შეულამაზებლად ასახა ადამიანის ქვეცნობიერში.ცივილიზებულობის მიღმა მიმალული ურჩხული. „ბუზთა ბატონი“ გოლდინგის პირველი და ყველაზე ცნობილი რომანია. მის გამოქვეყნებას თავიდან დიდი წარმატება არ მოჰყოლია, მაგრამ 60-იანი წლების დასაწყისში.ბესტსელერად იქცა და კრიტიკოსებიც დაინტერესდნენ. 1963 წელს პიტერ ბრუკმა, ხოლო 1990 წელს ჰარიჰუკმა.რომანის მიხედვით ფილმები გადაიღეს.

ავტორი: კრისტინ ჰანა სერიაომებსა და ადამიანებზე ომი ყველაფერს ანგრევს – ქალაქებს, სოფლებს, ურთიერთობებს... 1939 წელი. საფრანგეთში ნაცისტური გერმანია შეიჭრა. ომმა პატარა ქალაქ კარივომდეც მიაღწია. აქ ორი პარიზელი და ცხოვრობს, დედის სიკვდილისა და მამის გულგრილობის გამო გაუცხოებული... მათ იმდენი რამ აქვთ ერთმანეთისთვის სათქმელი... მაგრამ წინ ჯერ შიში, შიმშილი, დამცირება, ფარული ბრძოლა და ტანჯვა ელით... და კიდევ, ერთმანეთის პოვნის, აღმოჩენის სიხარული და რწმენა, რომ სამშობლოს სიყვარული დაადამიანური ურთიერთობები ბოროტებას ყოველთვის დაამარცხებს. “როცა გვიყვარს, ვხვდებით, ვინ გვინდა ვიყოთ, ომში კი იმას ვხვდებით, თუ რას წარმოვადგენთ''. „ბულბული“ ნიუ-იორკ თაიმსის ბესტსელერი, 2015 წლის Goodreads Choice Awards-ის გამარჯვებული ნაწარმოებია, რომელიც იმავე წელს ამაზონის წლის საუკეთესო წიგნი გახდა და 40-ზე მეტ ენაზე ითარგმნა.

ავტორი: კრისტინ ჰანა მთარგმნელი გია ბერაძე სერია წლის ბესტსელერი   ომი ყველაფერს ანგრევს – ქალაქებს, სოფლებს, ურთიერთობებს... 1939 წელი. საფრანგეთში ნაცისტური გერმანია შეიჭრა. ომმა პატარა ქალაქ კარივომდეც მიაღწია. აქ ორი პარიზელი და ცხოვრობს, დედის სიკვდილისა და მამის გულგრილობის გამო გაუცხოებული... მათ იმდენი რამ აქვთ ერთმანეთისთვის სათქმელი... მაგრამ წინ ჯერ შიში, შიმშილი, დამცირება, ფარული ბრძოლა და ტანჯვა ელით... და კიდევ, ერთმანეთის პოვნის, აღმოჩენის სიხარული და რწმენა, რომ სამშობლოს სიყვარული და ადამიანური ურთიერთობები ბოროტებას ყოველთვის დაამარცხებს.

ავტორი: ჯენიფერ ლინ ბარნსი მთარგმნელი: არჩილ რაჭველი სერია: ლიბერთინს   17 წლის კეისის სხვათა აზრების წაკითხვის უნარი აქვს... თავად ამისთვის ყურადღება იქამდე არ მიუქცევია, სანამ კარზე FBI-მ არ მიუკაკუნა...ისინი იწყებენ მოზარდის ნიჭის გამოკვლევას, რათა საკუთარი მიზნებისთვის გამოიყენონ.

ავტორი: ჩარლზ ბუკოვსკი   თქვენ წინ რომანის მთავარი გმირი ჰენრი ჩინასკი დგას, ბიჭი დიდი შინაგანი ბრძოლებით, თიტქოს დაუძლეველი პრობლემებით, ტკივილით, ბრაზით, სინაზით და სიყვარულით _ ყველაფრით, რასაც განიცდის ადამიანი, როცა იზრდება, ყველა იმ ვნებით თუ სურვილით, რომელთა წინაშეც ბავშვობა და თინეიჯერობა არ არსებობს. ჰენრის ამბავი არავის დატოვებს გულგრილს, რადგან არ არსებობს ადამიანი, რომელსაც იმავე ასაკში მთავარ მტრად თუ მოწინააღმდეგედ საკუთარი თავი და სამყარო არ ჰყოლია. როგორ დასრულდა ჰენრისთან ეს ტოტალური კონფლიქტი? ან დასრულდა კი? მიირთვით ბუტერბროდი ჭვავის პურით და ეძებეთ პასუხი.

ავტორი: მაიკლ კონელი მთარგმნელი: მანანა კვესელავა სერირია:Top თრილერი   ექვსი თვის წინ ჰარი ბოსხმა დაასწრო და, სანამ ოფიციალურად დაითხოვდნენ, ლოს-ანჯელესის პოლიციის განყოფილებიდან ნებით წამოვიდა. მიუხედავად იმისა, რომ სამსახური იძულებით დატოვა, არც თამაშგარე ყოფნა გამოდგა ურიგო – ადვოკატ ჰელერის თხოვნით მის ერთ-ერთ საქმეზე დაიწყო მუშაობა და ჩახლართული მკვლელობის საქმის გამოძიების შუაგულში აღმოჩნდა. გარდა იმისა, რომ ბრალდებას ეჭვმიტანილის დანაშაულზე ვითომ უტყუარი მკვლელობები აქვს. „ბნელ მხარეს გადასვლა“ (ასე უწოდებენ ყოფილი პოლიციელის ადვოკატთან მუშაობას მისი ყოფილი კოლეგები) ჰარის თავისი პროფესიული პრინციპების ღალატის საფრთხის წინაშე აყენებს.