ავტორი:  კეროლაინ კეპნესი სერია: TOP თრილერი ჯო გოლდბერგი, გამყიდველი წიგნის მაღაზიიდან _ ალბათ გახსოვთ კეროლაინ კეპნესის პირველი რომანი ”შენ“. ის ისევ გამოჩნდა! მის დაბრუნებას კი თვით სტივენ კინგი შეხვდა შეძახილით: ”როგორც იქნა, ბრუნდება ხმა, ძლიერ ჰიპნოზური და დიდი ზემოქმედების უნარით!“ ის ხმა ახლა ქართულადაც გაისმა! ამასობაში, ჯო გოლდბერგმა 4 გვამის გადამალვა მოასწრო. მკვლელო- ბები მისი სიყვარულის ერთგვარი უკუჩვენებებია. და არა მარტო ჟანრის, ცხოვრების მორალიც ეგ არის _ როცა ყველაფერს ახლიდან იწყებ, სწორედ მაშინ ამოიფრქვევა გადამალული წარსული. ჯო გოლდბერგის გვამებიც ამოტივტივებას იწყებს! სრულიად უდროოდ! ის ხომ სიგიჟემდე შეყვარებულია!"

ავტორი: ალბერ კამიუ მთარგმნელი: გიორგი ეკიზაშვილი გამომცემლობა: აგორა კრებულში შესულია ექვსი მოთხრობა: "მოღალატე და ცოლი", "განდგომილი ანუ დაბინდული გონება", მუნჯები", "სტუმარი", "იონა, ანუ ხელოვანი მუშაობისას" და "ქვა, რომელიც იზრდება". ფრანგულიდან თარგმნა გიორგი ეკიზაშვილმა. "გადასახლება და სამეფო" (L'Exil et le royaume) პირველად 1957 წელს გამოქვეყნდა. ითვლება, რომ ბოლო მოთხრობა "ქვა, რომელიც იზრდება" ყველაზე ცხადად გამოხატავს კამიუს იდეალებს.

ავტორი: ქეთრინ რაიან ჰაიდი მთარგმნელი: სალომე ჩიტაძე სერია:წლის ბესტსელერი ტრევორ მაკკინი სულაც არ ყოფილა გამორჩეული მოსწავლე.უსიხარულო ბავშვობა,მარტოხელა,ალკოჰოლიკი დედა და სკოლასა თუ ცხოვრებაში წარმატების ბევრად ნაკლები შანსი,ვიდრე მის თანაკლასელებს...ასეთი მონაცემებით,თითქოს ვერც სამყაროს შეცვლი და ვერც რამე ღირებულს შექმნი.მაგრამ ტრევორს ადამიანების მაინც სჯერა,სწამს,რომ თუ სიკეთეს დათესავ,კეთილი საქმეები გამრავლდება და აი,საზოგადოებათა მცოდნეობაში მიღებული კლასგარეშე დავალება ტრევორისთვის ის შთაგონება აღმოჩნდა,რომელმაც მის გულში ჩათესილი იმედის თესლი აღმოაცენა...

ავტორი: აგათა კრისტი თარგმანი: პაატა ჩხეიძე უზრუნველი ცხოვრება, გულისხმიერი ქმარი, საამაყო შვილები... სხვა რა სჭირდება ქალს ბედნიერებისა და კმაყოფილებისთვის? ჯოან სკუდამო - რისთვის ეს მოცემულობაა (მხოლოდ!) მისაღები და ამის იქით ალბათო - ბებსა და ვარაუდებს, შესაძლებლობებსა და სურვილებს, მისწრაფებებსა და ვნებებს არ განიხილავს, არც კი გაიფიქრებს, რომ საკუთარი ხელითა და სურვილით შექმნილის იქითაც არსებობს ცხოვრება, არასოდეს მიუშვებს გრძნობებს ნებაზე, არც კი დაუშვებს, რომ... მოკლედ, ჯოანი ეჭვს მანამ გააქრობს, სანამ მის გაცნობიერებას მოასწრებს. და ერთ დღესაც თუ დაიკარგე, ჯოან სკუდამორიც რომ იყო, რა უნდა გააკეთო... საკუთარ თავზე ფიქრის გარდა? და რა შეიძლება დაასკვნა ისეთი, რაც მანამდე არ იცოდი? აგათა კრისტის ” გაზაფხულზე დაკარგული “ თვითკმაყოფილი ქალის ფსიქო - ლოგიურ პორტრეტს გვიხატავს. ქალს გაუთვალისწინებელი ” დაკარგვა “ დაფიქრებას აიძულებს და აღმოჩენამდეც კი მიიყვანს, მაგრამ... და იქნებ ზოგჯერ ადამიანის გაცნობიერებული არჩევანია, არ გაუსწოროს თვალი სიმართლეს და იყოს მუდმივად... ” დაკარგული“?

ავტორი: იუკიო მიშიმა სერია: ლიტოდისეა მთარგმნელი: თათია მემარნიშვილი   „გაზაფხულის თოვლი“ (1966) იუკიო მიშიმას საყოველთაოდ ცნობილი ტეტრალოგიის პირველი წიგნია. მიშიმა (1925-1970) მეოცე საუკუნის იაპონური მწერლობის ერთ-ერთი მნიშვნელოვანი ავტორია. საკუთრივ იაპონური კულტურის, სამურაების, სიზმრების, ხილვების, სულის რეინკარნაციისა და სილამაზის მისტიფიკაციის ფონზე ვითარდება სასიყვარულო დრამა, იხატება ახალგაზრდების პორტრეტები, რომელთა უმრავლესობა სწორედ ახალგაზრდული რყევების, ეჭვებისა და მგრძნობელობის გამო დრამატიზმითაა დაღდასმული. დანარჩენი სამყაროსგან თითქოს უცხო, გამორჩეული, მძაფრად ინდივიდუალისტური კულტურის ფონზე ცხადი ხდება მარადიული ღირებულებების ერთობა – სიყვარულის დამანგრეველი ძალა, ახალგაზრდული სასიცოცხლო ენერგია, რომელიც ამავე დროს ზუსტად თავისი უზღვავი ძალის წყალობით, სიკვდილისკენ მიილტვის.

ავტორი: აგათა კრისტი მთარგმნელი: პაატა ჩხეიძე   პატარა სოფელ სენტ-მერი-მიდის მყუდროება დაირღვა _ ახალშეძენილ დიდ სახლში ცნობილი რეჟისორი და მისი კინოვარსკვლავი მეუღლე დაბინავდნენ. ახალმოსახლეობის აღსანიშნავად და საქველმოქმედო ღონისძიების ჩასატარებლად ცოლ-ქმარმა უამრავი სტუმარი დაპატიჟა, მაგრამ ზეიმი ტრაგედიად იქცა _ სოფლის მკვიდრი ერთი კეთილი დიასახლისი მოწამლეს... ვინ ჩაუყარა საწამლავი სასმელში? იქნებ ქალი შეცდომით მოკლეს და მსხვერპლი სულ სხვა ვინმე უნდა ყოფილიყო? ამ თავსატეხის ამოხსნაში მთავარ ინსპექტორ დერმოტ კრედოკს დაეხმარება შეუდარებელი მის მარპლი _ მხოლოდ ამ მახვილგონიერ და ადამიანის ბუნების უზადო მცოდნე მოხუც ქალს შეუძლია უცნაური მკვლელობის გახსნა.

ავტორი: მერი ლუ მთარგმნელი:  არჩილ კიკვაძე   ჯუნისა და დე ის ფათერაკებით სავსე გზა გრძელდება და ის ვეგასისკენ მიდის! ვეგასში ბევრი საიდუმლო მჟღავნდება – ფარდა ეხდება პოლკოვნიკ აიპერისის ბურუსით მოცულ მკვლელობას, იმსხვრევა რესპუბლიკის უძლეველობის მითი. დეი და ჯუნი საიდუმლო გვირაბებით შედიან კოლონიებში და აჯანყებულ პატრიოტებთან ამყარებენ კავშირს! ჯერ არავინ იცის, რომ პატრიოტების ლიდერი რესპუბლიკის უმაღლეს მმართველობასთან მოღალატეობრივ ალიანსშია. პრიმო ელექტორი მკვდარია. გაუმარჯოს ახალ ელექტორს! სარეკლამო-საინფორმაციო ბანერები ახალ ამბავს ატყობინებს ამერიკას. რესპუბლიკისა და ხალხის ბედი ახლა ლეგენდისა და გენიოსის ხელშია! ჯუნი და დეი შეთქმულების ეპიცენტრში აღმოჩნდებიან, ახლა მათ გამჭრიახობაზეა დამოკიდებული სამხედრო-პოლიტიკური შეთქმულების გამჟღავნება და ახალი ელექტორის მკვლელობის ჩაშლა.  

ავტორი: მილან კუნდერა მთარგმნელი: პაატა ჯავახიშვილი სერია: დიოგენეს ბიბლიოტეკა   ჩეხური წარმოშობის ფრანგი მწერალი მილან კუნდერა (1929-2023) თანამედროვეობის ერთ-ერთი ცნობილი ავტორია. მისი წიგნები ხიბლავს მკითხველს სტილის დახვეწილობით, სიუჟეტის ოსტატურად განვითარებითა და პესონაჟთა გრძნობების სიმძაფრით. ჩეხურ ენაზე დაწერილი რომანი ,,გამოსათხოვარი ვალსი’’ 1972 წელს გამოვიდა. სამყარო კუნდერას ნაწარმოებებში, როგორც წესი, მამაკაცისა და ქალის გარშემო ტრიალებს, რომლებიც ცდილობენ შეიცნონ ერთმანეთი, მაგრამ ბოლომდე მაინც ვერ ახერხებენ ამას. ,,გამოსათხოვარი ვალსი’’ რვა ადამიანის სხვადასხვა სახის ურთიერთობაზე მოგვითხრობს. ისინი 1970-იანი წლების დასაწყისში ხვდებიან ერთმანეთს ჩეხოსლოვაკიის პატარა საკურორტო ქალაქში და არჩტუ პარტივ სასიყვარულო ურთიერთობებში აღმოჩნდებიან ჩართული. ეს ურთიერთობები ერთმანეთს კვეთს და რთულ სიუჟეტს ქმნის, რომელიც რომანის დასასრულს მოულოდნელად ტრაგიკულ ელფერს იძენს.

ავტორი: ქეით ჩოპინი სერია: აკრძალული წიგნების თარო ინგლისურიდან თარგმნა ანი კოპალიანმა საზოგადოება ყველა დროში უწესებდა ადამიანებს ბედნიერების კრიტერიუმებს. ედნა პონტილიეს ყველაფერი ჰქონდა, რასაც მისი ეპოქა ბედნიერებად სახავდა, მაგრამ ერთ დღესაც გამოეღვიძა და აღმოაჩინა, რომ საკუთარი ცხოვრება არაფრად უღირს.   ეს სასიყვარულო რომანია. ეს არ არის მხოლოდ სასიყვარულო რომანი. ეს არის ამბავი საკუთარი თავის შეცნობისა, მათ შორის, სიყვარულითაც. ეს არის ამბავი, რომელიც ქეით ჩოპინმა, მეცხრამეტე საუკუნის მწერალმა, ფემინიზმის პირველი ტალღის აზვირთებასთან ერთად დაწერა. ავტორმა, რომელიც მის თანამედროვეებს არაერთხელ შეურისხავთ, რომელსაც მისი ეპოქის პრესა კრიტიკის ქარცეცხლში ატარებდა, თუმცა თანამედროვე ამერიკელ კრიტიკოსთა და სწავლულთა შეფასებით, თითქმის ასი წლით გაუსწრო დროს.   ედნა პონტილიეს ბედნიერების თავისი გზა ჰქონდა, რაც ეპოქას არ მოეწონა და ამიტომაც ქეით შოპინის „გამოღვიძებამ“ მეოცე საუკუნის დასაწყისში ამერიკის რამდენიმე შტატის ბიბლიოთეკების თაროები დატოვა.     

ავტორი გაბრიელ გარსია მარკესი   „გამოცხადებული სიკვდილის ქრონიკა გაბრიელ გარსია მარკესის ერთ-ერთი ყველაზე გახმაურებული წიგნია, რომელიც 1981 წელს გამოიცა. რომანის მთავარი გმირი – სანტიაგო ნასარი წინასწარ დაგეგმილი მკვლელობის მსხვერპლია. ქორწინების პირველ ღამეს, ის მეუღლესთან დაასმინა ანხელა ვიკარიომ, მისმა ძმებმა კი შერცხვენილი სახელისა და ნამუსის აღსადგენად, ნასარის მოკვლა გადაწყვიტეს. ამ გადაწყვეტილების შესახებ მთელმა ქალაქმა იცის, თუმცა არავის უცდია მათი შეჩერება. ყველა დიდ სეირს ელოდება. სანტიაგო ნასარის სიკვდილისწინა სიზმრით დაწყებულ თხრობაში სხვა სიზმრებიც შემოგხვდებათ; საერთოდაც, ეს ტექსტი წინათგრძნობითაა განმსჭვალული – დასაწყისშივე „დაანონსებული მკვლელობის ქრონიკაში მარკესმა თანამედროვე სამყაროს სურათიც გააცხადა: მასობრივი საინფორმაციო ტერორის სინამდვილე, სადაც ადამიანი გამოცხადებული ქრონიკის ნაწილად, მსხვერპლად, საზოგადოება კი გულგრილ მაყურებლად, მეტიც – ხელშემწყობადაც კი იქცა.

ავტორი: ელიფ შაფაქი მთარგმნელი: ია ქვაჩახია "ეთნიკური შუღლის შედეგად ცეცხლში გახვეული კუნძული, ორად გაყოფილი ქალაქი, გაწყვეტილი ურთიერთობები... სწორედ ამ სისასტიკით სავსე სამყაროში ჩაისახა ორი სხვადასხვა ეროვნების მოზარდის სიყვარული. მათი ჩუმი, დაფარული და ბედნიერი სიყვარულის მოწმეა ლეღვის ხე, რომელიც ქალაქის ფერფლად ქცევისა და შეყვარებულების დაცილების მოწმედაც იქცა. ომმა შეყვარებულები დააშორა, მაგრამ მათ გრძნობას ვერაფერი დააკლო. ათწლეულების შემდეგაც სიყვარული ცოცხლობს და უბიძგებს ადამიანებს, არ გაწყვიტონ კავშირი თავიანთ მღელვარე ისტორიასთან. ელიფ შაფაქის ახალი გულში ჩამწვდომი რომანი სიყვარულზე, ტრავმაზე, განშორებასა და ძიებაზე, რომელიც, ავტორისავე თქმით, ეძღვნება ემიგრანტებსა და დევნილებს მთელ მსოფლიოში."

ავტორილუის ლოური მთარგმნელიდათო აკრიანი   "-მე დიდი პატივი მერგო, - თქვა გამღებმა, - შენც ასე იქნები. თუმცა, აღმოაჩენ, რომ ეს იგივე არ არის, რაც ძალა." ცხოვრება თემში, რომლის წევრია ჯონასი, იდილიურია. დანიშნული მშობელდედები ბადებენ ახალბავშვებს, რომლებსაც ანაწილებენ შესაფერის ოჯახურ ერთეულებში, თითოეულში - ერთ მამრს და ერთ მდედრს. ყველა მოქალაქეს ჰყავს პარტნიორი და აქვს სამუშაო. კითხვების დასმა აზრად არავის მოსდის. ყველა მორჩილია. თემი არის სამყარო, სადაც არ არსებობს კონფლიქტი, უთანასწორობა, დაპირისპირება, უმუშევრობა, უსამართლობა... და არც არჩევანი. ყველა ერთნაირია. გარდა ჯონასისა. თორმეტიანების ცერემონიაზე თემის თორმეტი წლის წევრები გულმხურვალედ იღებენ მათთვის წინდაწინ დადგენილ ცხოვრებისეულ დანიშნულებებს. ჯონასს კი წილად ხვდა საგანგებო მისია, რომლის შესწავლასაც იწყებს იდუმალ მოხუცთან, გამღებთან. ბიჭი ნელ-ნელა აცნობიერებს, რომ ადამიანს ძალას გრძნობები ჰმატებს, თუმცა, როდესაც მისი ძალმოსილება გამოცდის წინაშე დგება, ანუ როდესაც უნდა სცადოს და საყვარელი ადამიანი გადაარჩინოს, ჯონასი შეიძლება მზად ვერ აღმოჩნდეს. ძალზე ნაადრევია თუ მეტისმეტად დაგვიანებული?

ავტორი: პრიმო ლევი მთარგმნელი: დარეჯან კიკოლიაშვილი სერია: დიოგენეს ბიბლიოთეკა იტალიური ლიტერატურის კლასიკოსის, პრიმო ლევის (1919 – 1987) „განა ეს ადამიანია“ აუშვიც-მონოვიცის ბანაკის შემაძრწუნებელ გამოცდილებას აღწერს. წიგნი 1947 წელს გამოიცა. ავტორს, ლიტერატურული გამოცდილების არმქონე 27 წლის ქიმიკოსს, არ დაუსახავს მიზნად, ვინმე განესაჯა: წერას, უპირველეს ყოვლისა, ტრავმის დაძლევის საშუალებად მიიჩნევდა. ლევიმ სცადა, გაეანალიზებინა, რად შეიძლება იქცეს ადამიანი უსასტიკესი სოციალური და ბიოლოგიური ექსპერიმენტის პირობებში, როდესაც ყველაფერს კარგავს – თავისუფლებას, მომავალს, მოგონებებს, სახელსაც კი და მკლავზე ამოშანთული ნომერი ყოველდღე შეახსენებს, რომ ის არავინაა. «აუშვიცის გამოცდილება რომ არა, არასდროს არაფერს დავწერდი. მიზეზი არ მექნებოდა, მეწერა, არც არაფერი მიბიძგებდა საამისოდ: იტალიურში საშუალო მოსწავლე ვიყავი, ისტორიაში – სუსტი, უფრო ფიზიკა და ქიმია მაინტერესებდა და შემდეგ პროფესიად ქიმიკოსობა ავირჩიე, რომელსაც არაფერი ჰქონდა საერთო დაწერილი სიტყვის სამყაროსთან. ლაგერის გამოცდილებამ მაიძულა, მეწერა: სიზარმაცის დაძლევა არ დამჭირვებია, სტილის პრობლემები არ მადარდებდა, სასწაულებრივად მოვახერხე, ისე მეწერა, რომ ჩემი ყოველდღიური ხელობისთვის ერთი საათიც არ დამიკლია, მეჩვენებოდა, რომ ეს წიგნი თავში უკვე სრულიად მზად მედო, მხოლოდ ის მევალებოდა, გარეთ გამომეშვა და ქაღალდზე გადამეტანა».

ავტორი: ჯეიმზ დაშნერი მთარგმნელი: ნინო შეყელიძე სერია: ლიბერთინს უკეთურის შექმნამდე და თომასის ლაბირნთში მოხვედრამდე 13 წლით ადრე მზეზე აფეთქებებმა დედამიწის მოსახლეობის უმეტესობა შეიწირა, შეიცვალა კლიმატი, დაიწყო გლობალური დათბობა... კატასტროფას გადარჩენილებმა მთებსა და ტყეებს შეაფარა თავი და ახალშენების დაარსება დაიწყეს, მაგრამ მალე სხვა განსაცდელი დაატყდათ თავს: ხელისუფლებამ უცნობი ვირუსის გავრცელებით მოსახლეობის რაოდენობის შემცირება გადაწყვიტა! მარტი და ტორა - ლანასა და ალეკთან ერთად ჩრდილოეთ კაროლინისკენ მიემართებიან სამყაროს გადარჩენის იმედით.

ავტორი: ეჟენ იონესკო მთარგმნელი: დავით კახაბერი მე-20 საუკუნის თეატრის რეფორმატორის, აბსურდის თეატრის ერთ-ერთი დამაარსებლისა და ლიდერის (სემუელ ბეკეტთან და არტურ ადამოვთან ერთად) – ეჟენ იონესკოს რომანი „განდგომილი“ მისი ერთადერთი ცდაა, შეექმნა რომან-აბსურდის ფართო ტილო, რომელშიც გააგრძელებდა სინამდვილის ფილოსოფიურ კვლევას. ავტორი ცდილობს, პასუხი გასცეს იმ კითხვებს, რომლებიც კაცობრიობის მუდმივი ღელვის საგანია: როგორ თანაარსებობს ადამიანი და ბრბო? როგორ იბადება აგრესია და მასობრივი ფსიქოზი? არსებობს კი წინააღმდეგობის მექანიზმი? რამდენად ძალუძს ადამიანს, თავიდან აიცილოს საყოველთაო კატასტროფები? შეიძლება იმ ეგზისტენციური ნაღველის გადალახვა, ყველა მოაზროვნე პიროვნებას რომ აწუხებს? იონესკო მთელი ცხოვრება ცდილობდა აბსურდული ყოფის მიზეზებისა და მისი არსის შეცნობას. სამყაროს თავდაპირველ რეალობას – სიყვარული და გაოცება, ოცნება და სიკვდილი – მის პიესებსა და პროზაში ერთი კოსმოგენური ელემენტი – მარტოობა ემატება. ეს კიდევ ერთი სიუჟეტი გახლავთ, სადაც ავტორის ორიგინალურ აზროვნებას ისეთ ზღვრამდე მიჰყავს აბსურდი, რომლის იქითაც ახალი რეალობა იშლება, ცხოვრებისა თუ ცნობიერების ყველაზე იდუმალ, მტკივნეულ სიღრმეებს რომ აშიშვლებს.

ავტორი: უილიამ ფოლკნერი ინგლისურიდან თარგმნეს პაატა და როსტომ ჩხეიძეებმა სერია: „ინტელექტი“ 25 წლისაა „გარდავედ, მოსე“ (1942) უილიამ ფოლკნერის ერთ-ერთი გამორჩეული ნაწარმოებია. ავტორი რომანში შინაგან მონოლოგსაც მიმართავს და ცნობიერების ნაკადსაც, წინადადების სტრუქტურასაც არღვევს და პუნქტუაციასაც უგულებელყოფს, თუმცა კი მასში იუმორიც უხვადაა და სატირაც, უაღრესად დრამატულსა და ტრაგიკულ პასაჟებთან ერთად.  რომანში ადამიანისთვის უმთავრესი საკითხების ფონზეა თხრობა გაშლილი: ადამიანი, მიწა, ბუნება, ღმერთი. წიგნის სტრუქტურაა მაკქასლინების ოჯახის გენეალოგია, ყველაზე ჩახლართული საოჯახო ხე იოკნაპატოფას ოლქში. რომანის უმთავრესი ნაწილი, ნოველა „დათვი“, ყველაზე ადრე ითარგმნა და გამოიცა. მაგრამ მას აკლდა უმთავრესი ნაწილი, მეოთხე თავი, ურომლისოდაც ის მხოლოდ სანადირო მოთხრობად დარჩებოდა. „დათვის“ მეოთხე თავი არა მხოლოდ ამ ნოველის, არამედ მთელი რომანის გასაღებია, ამიტომაც ხელახლა ითარგმნა, რომ სტილისტური მთლიანობა არ დარღვეულიყო.    

ავტორი: ფრანც კაფკა მოთხრობების კრებული მთარგმნელ: დავით კირკიტაძე გამომცემლობა:ოჩობუქს

ავტორი: აგათა კრისტი   მდიდარ ხალხს ხშირად ახირებული აზრები მოსდის თავში, მაგალითად, მკვლელობანას თამაში და, გასაკვირი არ არის, რომ გარემოცვაც ხალისით მონაწილეობს ამ "უვნებელ" გართობაში. ასე მოხდა ინგლისის ერთი პატარა სოფლის მამულში - ვიღაცას დამნაშავის როლი არგუნეს, ვიღაცას მოწმის, ვიღაცას კი - მაძებრის. მკვლელობანას სიამოვნებით თამაშობენ დეტექტივი ერკიულ პუარო და მისი მეგობარი, მწერალი არიადნა ოლივერიც; თამაშობენ მანამდე, სანამ უწყინარი გართობა უდანაშაულო გოგონას ნამდვილი მკვლელობით არ დამთავრდა. პატარა ბელგიელს ამ თავსატეხის ამოხსნა მოუწევს.

 სამხრეთკორეული მოთხრობების კრებული – „გარუდა“  მოთხრობების კრებულში „გარუდა“ ათი სამხრეთკორეელი ავტორის ნაწარმოებია გაერთიანებული. 1950-იან-2000-იან წლებში დაწერილი მოთხრობები ერთგვარ წარმოდგენას გვიქმნის კორეული ლიტერატურის ძირითად არსსა და აქტუალურ თემებზე. მდიდარი წარმოსახვით, თხრობის ელეგანტური, ხშირ შემთხვევაში, არატრადიციული თუ თავისებური სტილით გადმოცემული ამბები ასახავს იმ პერიოდის კორეის ტრადიციულ სოციალურ სტრუქტურასა და მის გავლენას ინდივიდებზე, ქალების ბედს კორეულ საზოგადოებაში, ოჯახის როლსა და ულმობელ წნეხს, რაც ახალგაზრდა პერსონაჟების გზას სხვადასხვაგვარად წარმართავს. პოსტკოლონიური თუ სამოქალაქო ომის შემდგომი პერიოდის სოციალური სირთულეების ფონზე, კორეული კულტურისთვის დამახასიათებელი მგრძნობელობითაა შექმნილი საზოგადოებისგან გარიყული, გაუცხოებული პერსონაჟები, რომლებიც ცდილობენ თავიანთი ბედი სეულს დაუკავშირონ, იქ მოძებნონ ცხოვრების საზრისი, თუმცა რეალობასთან კავშირი დაკარგული აქვთ. წიგნის სათაური „გარუდა“ კრებულში შესული ამავე სახელწოდების მოთხრობის სახელია. გარუდა მითიური ფრინველია ბუდისტურ მითოლოგიაში. ოქროსფრთებიანი არსება ფრინველების მბრძანებლად მიიჩნევა.

ავტორი: გილიან ფლინი მთარგმნელი: ირაკლი ლომოური სერია: TOP თრილერი ჩარლზ ლინდბერგის გაჩახჩახებული სახლი ნიუ-ჯერსის დაბურული ნაძვნარების ფონზე ზღაპრული მოჩანდა. ნისლიან ბინდბუნდში შენობისკენ ყმაწვილი მიემართებოდა. ის ნაბიჯ-ნაბიჯ უახლოვდებოდა რეალურ დიდებას - თავის პირველ მკვლელობას. სიბნელესა და წვიმებისგან გაჩენილ გუბეებს არაფრად აგდებდა. ყველაფერი გაეთვალისწინებინა, ამინდიცვ კი. გამხდარ ფეხებზე ორმოცდახუთი ზომის უხეში ფეხსაცმელი ეცვა, რომლებშიც წინდახედული კაცივით ჩატენა ქსოვილის ნაჭრები და გაზეთ "ფილადელფია ინქვაიერის" ნაგლეჯები. ცდილობდა, კვალი დაეტოვებინა, ბევრიო კვალი. თანაც, თორმეტი წლის ბიჭის კი არა, არამედ ზრდასრული მამაკაცის, სტაუტსბერგვესტვილის გზატკეცილიდან მდებარე სახლამდე და უკან. ჯეიმზ პეტერსონი ყველაზე მაღალშემოსავლიანი თანამედროვე ავტორია (300 მილიონზე მეტი გაყიდული ეგზემპლარით). ის დეტექტიური ჟანრის უმაღლესი ჯილდოს, "ედგარ ალან პოს პრემიის" მფლობელი გახლავთ.

ავტორი:ქეით ატკინსონი მთარგმნელი: მანანა კვესელავა სერია: TOP თრილერი   საქმე N1: სამი წლის გოგონას გაუჩინარება. საქმე N2: ცნობილი ადვოკატის ქალიშვილის უცნაური მკვლელობა. საქმე N3: სოფლად მცხოვრები ახალგაზრდა ცოლ-ქმრის ოჯახში დატრიალებული სისხლიანი ტრაგედია. თითქოს ამ დანაშაულებს შორის კავშირი არ ჩანს, მაგრამ მოულოდნელად, 34 წლის შემდეგ, კერძო დეტექტივი, ჯექსონ ბროდი, გამოძიებას იწყებს. კვალი გოგონების ახლობლებთან მიდის. თურმე ყველა მათგანს აქვს რაღაც დასამალი წარსულიდან... ქეით ატკინსონი მსოფლიოში ცნობილი ბესტსელერების ავტორია. 2004 წელს ბრიტანელმა მწერალმა „გაუხსნელი საქმეებისთვის“ ორი პრესტიჟული ჯილდო მიიღო: Saltire Book of the Year Award და Prix West ¬minster. მისი რომანების მიხედვით, სადაც მთავარი გმირი კერძო დეტექტივი ჯექსონ ბროდია, BBC-მ მრავალსერიიანი ფილმი „გაუხსნელი საქმეები“ გადაიღო. ქეით ატკინსონი არაერთი პრემიის მფლობელია, მათ შორის: Costa Novel Award, Orange Prize.

ავტორი: ისმაილ კადარე მთარგმნელი: პაატა ჯავახიშვილი   რომან „გახლეჩილი აპრილის“ მთავარმა გმირმა, ალბანეთის მთიანეთის მკვიდრმა, 26 წლის ჯორჯ ბერიშამ საუკუნეების განმავლობაში ჩამოყა­ლიბებული ადათების კოდექსის, „კანუნის“, უმკაცრესი წესების თანახმად მოკლული უფროსი ძმის სისხლი უნდა აიღოს – გზაზე ჩაუსაფრდეს მკვლელს და თოფი ესროლოს. ამ წესს რომ აღასრულებს, 30 დღის გასვლის შემდეგ თავად ის უნდა მოკლას მოსისხლე ოჯახის წევრმა და ასე დაუსრულებლად… ამ დროს ზეგანზე ეტლით მოგზაურობს ქალაქელი ახალგაზრდა წყვილი, რომელიც თაფლობის თვეს ატარებს და თან მთის მკაცრ ადათ-წესებს შეისწავლის. პატარძლისთვის ეს საშინელი წესები მიუღებელია. ქმრის მონათხრობი მისთვის რეალურ სახეს მაშინ იღებს, როდესაც გზაზე გადაეყრებიან რომანის მთავარ გმირს და მათი მზერა ერთმანეთს შეხვდება…

სხვადასხვა ავტორი   არსებობს თუ არა ორი გერმანული ლიტერატურა? ამ კითხვას ორი პასუხი აქვს: “არსებობს” და “არ არსებობს”. რაოდენ პარადოქსულადაც უნდა ჟღერდეს, ორივე პასუხი სწორია. თუ საკითხს იდეოლოგიურ ასპექტში განვიხილავთ, ნათლად დავინახავთ ბევრ დასავლელ და აღმოსავლელ ავტორს შორის აღმართულ ვირტუალურ კედელს, რომელიც ზოგჯერ ბეტონის კედელზე უფრო “საიმედო” და მყარი განმაცალკევებელია. შესაბამისად, თამამად შეიძლება ვთქვათ, რომ გდრ-ის ლიტერატურის არსებობა სულაც არ ყოფილა ეფემერული. ამავდროულად, დღემდე ვერც ერთმა ლიტერატურთმცოდნემ ვერ შეძლო მკაფიო გამყოფი ხაზის გავლება გფრ-ისა და გდრ-ის ლიტერატურებს შორის. წიგნში თავმოყრილია 25 გდრ-ელი და 25 გფრ-ელი ავტორის ნაწარმოებები. მათ შორის შეხვდებით როგორც კარიერისტებსა და კომუნისტური რეჟიმის ყურმოჭრილ მსახურებს, ისე დისიდენტებსა და პოლიტპატიმრებს; როგორც მორწმუნე სოციალისტებს, ისე ანტიკომუნისტებს; როგორც სიცოცხლეშივე ლეგენდად ქცეულ მწერლებს, ისე გერმანულენოვანი სამყაროს მიღმა შედარებით ნაკლებად ცნობილ ავტორებს. კრებული ეძღვნება გერმანიის გაერთიანების 25-ე წლისთავს.  

ავტორი: ართურ გოლდენი მთარგმნელი: ია ქვაჩახია სერია: ომებსა და ადამიანებზე ამომავალი მზის ქვეყნის შუქ-ჩრდილები. თეთრი ნიღბის ქვეშ მიმალული ვნებები. შეკავებული ცრემლი, გულებს შორის გაბმული იდუმალი ძაფები და ერთმანეთისკენ სავალი გზები. ტრადიციების საბრძანებელი - ფარვანას ფრთებივით თვალწარმტაცი ძველი კიოტო და ხის ქოშების ბაკუნით შემოვლილი მისი ლაბირინთები. მებადურის ქოხში გაზრდილი იაპონელი გოგონას დრამატული ცხოვრების ისტორია ართურ გოლდენის ბესტსელერში „გეიშას მემუარები“.